Митингден жабыркагандар

Митингден жабыркагандардын саны 122ге жетти, анын кыркы милиция, бирөө медик

199
(жаңыланган 00:38 06.10.2020)
Саламаттык сактоо министрлиги кагылышуудан каза болгон учур катталбаганын кошумчалады. Тез жардам кызматынын фельдшерине да кол салуу болуп, ооруканага түшкөнү айтылды.

БИШКЕК, 5-окт. — Sputnik. Митингди таратуу учурунда жабыркагандардын саны 122ге жетти. Анын кыркы милиция кызматкерлери болсо, бирөө медик. Бул тууралуу Саламаттык сактоо министрлигинин маалымат кызматы кабарлады.

Ага ылайык, саат 00:00гө карата Травматология жана ортопедия илим-изилдөө борборуна ар кандай жараат менен 65 адам келип түшкөн.

"Анын кыркы күч түзүмдөрүнүн өкүлдөрү. Экөөнүн колу-буту сынып реанимация бөлүмүнө жаткырылган. Дарыгерлер алардын абалы оор деп баалашууда. Улуттук госпиталга 40 адам кайрылса, анын экөө башынан жаракат алып реанимацияга түшкөн", — деп айтылат маалыматта.

№1 шаардык клиникасына эки адам кайрылган. Ал эми Чүй облустук ооруканасына ар кандай жараат менен жети адам түшкөн. Аларга биринчи медициналык жардам көрсөтүлгөндөн кийин үйдөн дарыланууга кетишкен.

Митингчилер коргонуш үчүн таштанды челектерди өрттөшкөн. Аянтта тартылган видео

Улуттук хирургия борборуна жети адам кайрылып, анын бирөө кайра үйүнө жиберилген.

Саламаттык сактоо министрлиги каза болгон учур катталбаганын кошумчалады.

Тез жардам кызматынын фельдшерине да кол салуу болуп, ал Травматология жана ортопедия илим-изилдөө борборуна түшкөнү айтылды.

199
Белгилер:
жараат, митинг, бейтап, оорукана, Бишкек
Тема:
Парламенттик шайлоодон кийинки окуялар (461)
Тема боюнча
Митинг: Тез жардам кызматынын 6 унаасы талкаланды
"Ата Мекендин" дагы бир мүчөсү Элдар Абакиров жаракат алды. Сүрөт
Милиция митингчилерди кайрадан кубалоого аракет жасап жатат. Видео
Бешөөнүн абалы оор. Митингден жаракат алгандардын саны 70тен ашты
Митингчилер аскер унаасына жарылуучу бөтөлкө ыргытып жаткан видео
Митингчилер коргонуш үчүн таштанды челектерди өрттөшкөн. Аянтта тартылган видео

Автомат менен кирип, колуна кишен кийгизип. Камчы Көлбаевди кармаган видео

1378
(жаңыланган 16:35 22.10.2020)
Көлбаевге карата Жазык кодексинин "Кылмыштуу уюмду түзүү же ага катышуу" боюнча кылмыш иши козголуп, Кылмыш жана жоруктардын бирдиктүү реестрине катталган.

УКМК кримтөбөл Камчы Көлбаевди колго түшүргөн учурдун видеосун жарыялады.

Эске салсак, бүгүн, 22-октябрда, Бишкектеги спорт клубдардын биринен Камчы Көлбаев кармалып, УКМКга алып келинген.

Ага карата Жазык кодексинин 249-беренеси ("Кылмыштуу уюмду түзүү же ага катышуу") боюнча кылмыш иши козголуп, Кылмыш жана жоруктардын бирдиктүү реестрине катталган. Учурда сотко чейинки өндүрүш иштери башталды.

1378
Белгилер:
кримавторитет, Камчы Көлбаев
Тема боюнча
УКМК Камчы Көлбаев кайсы кылмышы үчүн кармалганын айтты
Камчы Көлбаев кармалды
Спецназдын Ошто кримтөбөлдү кармаган учуру. Видео

Спецназдын Ошто кримтөбөлдү кармаган учуру. Видео

669
Ош облусунда криминалдык чөйрөдөгү адамдардын бири кармалды. Бул тууралуу ИИМдин маалымат кызматы кабарлап, кармоо учурун YouTube каналына жарыялады.

Видеодо көрүнүп тургандай, спецназ шектүүнү колго түшүргөндөн кийин жерге жаткырып, колун кишендеп, андан бир нече суммадагы акча каражатын тапкан.

ИИМ билдиргендей, ага чейин жергиликтүү тургун 34 жаштагы жаран опузалап акча талап кылып жатканы боюнча милицияга арызданган. Маалым болгондой, кримтөбөл арыз ээсинен бир нече айдан бери 100 миң сом же беш сотых жер бер деп талап кылып жүргөн.

УКМК Камчы Көлбаев кайсы кылмышы үчүн кармалганын айтты

Милиция кызматкерлери шектүүнү 20-октябрда Кара-Суу районунан колго түшүрүшкөн. Анын криминал чөйрөсүнө тиешеси бар экени аныкталып, ИИМде уюшкан кылмыштуу топтун мүчөсү катары каттоодо турары маалым болду. Буга чейин ал Россияда каракчылык үчүн соттолуп чыккан.

669
Белгилер:
видео, кармоо, Ош
Тема боюнча
УКМК Камчы Көлбаев кайсы кылмышы үчүн кармалганын айтты
Россия президенти Владимир Путин

Владимир Путин алгачкы жолу Кыргызстандагы абал тууралуу пикирин айтты

235
(жаңыланган 00:27 23.10.2020)
Россия лидери постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууга чакырды.

БИШКЕК, 22-окт. — Sputnik. Кыргызстанда болуп жаткан нерселер — кыргыз элине түшкөн мүшкүл. Мындай пикирин Россия президенти Владимир Путин "Валдай" эл аралык дискуссия клубунун 17-жыйынында сүйлөп жатып айтты.

"Кыргызстанда болуп жаткан нерселер — кыргыз элине түшкөн мүшкүл. Шайлоолордун арты менен элдик толкундоо келет. Бул эмнеден кабар берет? Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну айтып келем. Бул өлкөлөрдөгү суверенитеттин калыптанып келе жаткан институттарын бузуп албаш үчүн кеп-кеңештерди айтып ички иштерине кийлигишпөө керек. Эл ич ара мамилени өзү калыпка салышы зарыл”, — деди Путин.

Токаев: Кыргызстандагы абалдын турукташуусуна кубанып жатам

Ошондой эле ал Россия Кыргызстан бутуна туруп кетишине жардам берүү үчүн көп нерсе кылганын, кыргыз экономикасына жана башка тармактарына жүз миллиондогон каражаттарды бөлгөнүн айтты.

“Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргызстанда абал тез арада турукташып, эки элдин достук мамилеси сакталып калат деп үмүт кылам”, — деди Россия лидери.

Ошондой эле ал мурдагы СССРдин курамына кирген өлкөлөрдүн элдери менен көптөгөн жылдар бою бир мамлекеттин алкагында жашагандыктан, ар тараптан жакындыктар бар экенин кошумчалады.

235
Белгилер:
пикир, Владимир Путин, Россия, Кыргызстан
Тема боюнча
Путин Коопсуздук кеңеши менен Кыргызстандагы кырдаалды талкуулады