Митингчилер Ак үйдүн ичине киришти

Митингчилер Кадыр Атамбаевди Ак үйдүн ичине алып кирип кетишти. Видео

8011
(жаңыланган 03:40 06.10.2020)
"Ала-Тоо" аянтындагы оппозициялык күчтөр буга чейин Жогорку Кеңештин дарбазасына барып, бирок кире алган эмес. Ошол маалда аларды күч органдары кууп таратууга аракет кылган.

БИШКЕК, 6-окт. — Sputnik. Митингчилер Алмазбек Атамбаевдин уулу Кадыр Атамбаевди Ак үйдүн ичине алып кирип кетишти. Бул туурасында Sputnik Кыргызстандын кабарчысы жеринен билдирди.

8011
Белгилер:
Ак үй, Жогорку Кеңеш, митинг, Бишкек
Тема:
Парламенттик шайлоодон кийинки окуялар (459)
Тема боюнча
Чукул кабар: митингчилер Ак үйдү алды. Сүрөт
Митингден жабыркагандардын саны 122ге жетти, анын кыркы милиция, бирөө медик
Митингчилер менен милиционерлердин кагылышы. Асмандан тартылган видео
Митингчилер милициянын атайын техникасын тартып алып аянтка келишти. Видео
АКШнын Чикагосундагы Trump Tower имараты. Архив

АКШ: "Трамп" имаратында салаңдап турган кишинин Кыргызстандан экени айтылды

489
(жаңыланган 23:52 19.10.2020)
Окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев аттуу жигит экендигин айтышты.

БИШКЕК, 19-окт. — Sputnik. АКШнын Чикагосундагы Trump Tower деп аталган көз жеткис бийик имаратта 13 саат бою аркан менен байланып, салаңдап турган адамдын полицияга багынып бергенин Chicago Tribune жазды.

Буга чейин коомдук тартипти бузган киши асман тиреген имараттын 16 кабатынан белине аркан байланып алып, жекшембиден тарта, болжол менен саат 17:30дан бери илинип тургандыгын жазган. Ал АКШ президенти Дональд Трамптын өзү менен жолугууну ниет кыларын, болбосо өзүн бийиктен таштап жибере тургандыгын айтып коркуткан.

Буту тайып... Бийик имараттын кырында туруп кулап кеткен жигиттин видеосу

"Абал сүйлөшүүлөрдөн улам жакшы жагына чечилди. Шектүү кармалды. Эч ким жабыркаган жок", — деген Чикаго полициясынын кызматкери Том Ахерн.

​Басылманын маалыматына таясак, окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев (Eddil Eliev) аттуу жигит экендигин билдиришкен.

Полиция кызматкерлери абалды жөнгө салгыча Trump Tower имаратынын айланасындагы кыймыл токтотулган. Басылма анын тегерек-четине кызыгып келгендердин тобу чогулуп, кээ бирлери "Бэтмен" киносу тартылып жаткан жокпу деген суроолорду да беришкен.

Буга чейин Pledge Times жигиттин курагы 20 жаштын тегерегинде жана ал болжол менен Кыргызстандан экендигин билдирген.

489
Белгилер:
полиция, кыргызстандыктар, Дональд Трамп, АКШ
Тема боюнча
Карантинде Москвадагы мигранттар арасында кылмыштуулук күчөдүбү? Мэрдин жообу
Ооруканада жаткан бейтап. Архивдик сүрөт

Бирөө комадан чыга элек. Митингдеги кагылыштан жабыркагандардын абалы

83
(жаңыланган 16:25 19.10.2020)
5-6-октябрда Бишкекте болгон митингден жабыркап, ооруканага жалпы 1 253 киши кайрылган. Булардын ичинен 39 бейтап дарыланып жатат.

БИШКЕК, 19-окт. — Sputnik. "Ала-Тоо" аянтындагы кагылышуудан жабыркагандардын бирөө комада. Бул тууралуу Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиев билдирди.

Анын айтымында, 5-6-октябрда Бишкекте болгон митингден жабыркап, ооруканага жалпы 1 253 киши кайрылган.

"Булардын ичинен ооруканага 272 бейтап жаткырылып, бирөө реанимацияга түшүп, дагы бири көз жумган. 1 043 бейтап амбулатордук дарыланууга жиберилген. Азыркы маалда стационарларда 39 бейтап дарыланып жатат, анын бири комада", — деди Жумалиев.

Ооруканаларда дарыланып жаткан бейтаптардын саны:

  • Бишкек травматология жана ортопедия илим изилдөө борбору — 17;
  • Улуттук хирургия борбору — 3;
  • Улуттук госпиталь —15;
  • Бишкек шаардык №1 клиникалык ооруканасы — 1;
  • Чүй облустук ооруканасы — 3;

Башаламандыктан кийинки Ак үйдүн 7-кабаты. Видео

Жумалиев азыркы тапта аларга медициналык жардам көрсөтүлүп, керектүү дары-дармек менен камсыз болгонун кошумчалады.

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

83
Белгилер:
ден соолук, бейтап, оорукана, Митинг, кагылыш, аянт
Тема боюнча
Эски аянтта Жогорку Кеңештин тарашын талап кылган митинг өтүүдө. Видео
Жумабеков: аянттагы кагылышууда жабыркагандардын бири комада
Отоларинголог кызмат убагында. Архивдик сүрөт

Бир гана коронавирустан эмес! Жыт сезбей калуунун себептери

0
Дарыгер эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган.

БИШКЕК, 20-окт. — Sputnik. Коронавирус инфекциясын жуктурган учурда гана жыт билбей калат деген түшүнүк туура эмес экенин Sputnik радиосуна отоларинголог, медицина илимдеринин кандидаты Владимир Зайцев айтып берди.

Адистин билдиришинче, жыт билүүнүн жоголушу бир нече оорудан кабар бериши мүмкүн.

"Мурун көңдөйүнө суук тийгенде, мисалы, курч же өнөкөт ринитте, дем алуу жолунун былжыр чели менен көңдөйү сезгенген учурда жыт сезгичтердин кабыл алуусу алгач төмөндөп, андан кийин таптакыр жоголуп кетет", — деди адис.

Коронавирустун мээ менен нерв системасына тийгизген таасири ачыкталды

Отоларинголог учурдагы эпидемиологиялык кырдаалга байланыштуу жыт билүү жоголуп, даам дагы сезилбей жатса тезинен медициналык жардам алууга чакырган. Ошондой эле өз алдынча дарылануудан оолак болууну айткан.

0
Белгилер:
оору, мурун, коронавирус
Тема:
Дүйнөгө жайылган коронавирус
Тема боюнча
Кулактан дагы кармайт. Коронавирустун жаңы симптому белгилүү болду
Бейтап СOVID же КРВИге чалдыкканын кантип билет. Дарыгердин аныктамасы