Милиция кызматкеринин фуражкасы. Архив

Кочкорлуктар айыл өкмөт менен милиционерди бакка байлап салганбы? Расмий жооп

331
(жаңыланган 12:04 07.10.2020)
Маалымат кечээ ЖМКлардын биринде тарап, жашоочулар мындай кадамга айыл өкмөт башчы менен милиционер сүйлөшүүгө келген элге ок чыгарганы үчүн барганы айтылган.

БИШКЕК, 7-окт. — Sputnik. Кочкор районунун Кум-Дөбө айылында эл айыл өкмөт башчы менен аймактык милиция кызматкерин бакка байлап койгон деген маалымат чындыкка туура келбейт. Бул тууралуу Нарын ОИИББ билдирди.

Эске сала кетсек, жогорудагы маалымат кечээ, 6-октябрда, медиа каражаттарынын биринде тарап, жашоочулар мындай кадамга айыл өкмөт башчы менен милиционер сүйлөшүүгө келген элге ок чыгарганы үчүн барганы айтылган.

Кыз талашкан. Бир жигитти алтоолоп сабаган Оштогу окуянын чоо-жайы

Облустук милициянын билдиришинче, 6-октябрь күнү саат 16:00дөр чамасында Кум-Дөбө айылынын тургундары урушуп, ок атылып жатат деген билдирүү түшкөн.

"Ыкчам тергөө иштеринин жүрүшүндө Д.Т. аттуу 52 жаштагы айыл тургуну өзүнүн бир тууган эки иниси менен атасынан калган сарайды талашып, чыр чыгып кеткен. Д.Т. өзүнө тиешелүү болгон ОП-СКС үлгүсүндөгү 7,62 калибриндеги сайлуу ок атуучу курал менен асманга эки жолу ок чыгарган. Бакка байланып тургандар уруш чыгарган ага-ини. Аларды айыл тургундары же экөөнүн тарапташтарынын бири байлап салганы белгисиз, окуянын чоо-жайы такталып жатат", — деп айтылат маалыматта.

Окуя болгон жерге кароо жүргүзүлүп, ок атуучу курал алынган. Учурда териштирүү иштери жүргүзүлүүдө.

 

331
Белгилер:
Чыр-чатак, милиция, Кочкор, Нарын облусу
Тема:
Парламенттик шайлоодон кийинки окуялар (459)
Тема боюнча
Мэрликти талашкандар жана мародерлор. Өткөн түндөгү 6 окуя
Бишкекте Садыр Жапаровдун премьер болушуна каршылар митингге чыкты. Сүрөттөр
АКШнын Чикагосундагы Trump Tower имараты. Архив

АКШ: "Трамп" имаратында салаңдап турган кишинин Кыргызстандан экени айтылды

404
(жаңыланган 23:52 19.10.2020)
Окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев аттуу жигит экендигин айтышты.

БИШКЕК, 19-окт. — Sputnik. АКШнын Чикагосундагы Trump Tower деп аталган көз жеткис бийик имаратта 13 саат бою аркан менен байланып, салаңдап турган адамдын полицияга багынып бергенин Chicago Tribune жазды.

Буга чейин коомдук тартипти бузган киши асман тиреген имараттын 16 кабатынан белине аркан байланып алып, жекшембиден тарта, болжол менен саат 17:30дан бери илинип тургандыгын жазган. Ал АКШ президенти Дональд Трамптын өзү менен жолугууну ниет кыларын, болбосо өзүн бийиктен таштап жибере тургандыгын айтып коркуткан.

Буту тайып... Бийик имараттын кырында туруп кулап кеткен жигиттин видеосу

"Абал сүйлөшүүлөрдөн улам жакшы жагына чечилди. Шектүү кармалды. Эч ким жабыркаган жок", — деген Чикаго полициясынын кызматкери Том Ахерн.

​Басылманын маалыматына таясак, окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев (Eddil Eliev) аттуу жигит экендигин билдиришкен.

Полиция кызматкерлери абалды жөнгө салгыча Trump Tower имаратынын айланасындагы кыймыл токтотулган. Басылма анын тегерек-четине кызыгып келгендердин тобу чогулуп, кээ бирлери "Бэтмен" киносу тартылып жаткан жокпу деген суроолорду да беришкен.

Буга чейин Pledge Times жигиттин курагы 20 жаштын тегерегинде жана ал болжол менен Кыргызстандан экендигин билдирген.

404
Белгилер:
полиция, кыргызстандыктар, Дональд Трамп, АКШ
Тема боюнча
Карантинде Москвадагы мигранттар арасында кылмыштуулук күчөдүбү? Мэрдин жообу
Ооруканада жаткан бейтап. Архивдик сүрөт

Бирөө комадан чыга элек. Митингдеги кагылыштан жабыркагандардын абалы

81
(жаңыланган 16:25 19.10.2020)
5-6-октябрда Бишкекте болгон митингден жабыркап, ооруканага жалпы 1 253 киши кайрылган. Булардын ичинен 39 бейтап дарыланып жатат.

БИШКЕК, 19-окт. — Sputnik. "Ала-Тоо" аянтындагы кагылышуудан жабыркагандардын бирөө комада. Бул тууралуу Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиев билдирди.

Анын айтымында, 5-6-октябрда Бишкекте болгон митингден жабыркап, ооруканага жалпы 1 253 киши кайрылган.

"Булардын ичинен ооруканага 272 бейтап жаткырылып, бирөө реанимацияга түшүп, дагы бири көз жумган. 1 043 бейтап амбулатордук дарыланууга жиберилген. Азыркы маалда стационарларда 39 бейтап дарыланып жатат, анын бири комада", — деди Жумалиев.

Ооруканаларда дарыланып жаткан бейтаптардын саны:

  • Бишкек травматология жана ортопедия илим изилдөө борбору — 17;
  • Улуттук хирургия борбору — 3;
  • Улуттук госпиталь —15;
  • Бишкек шаардык №1 клиникалык ооруканасы — 1;
  • Чүй облустук ооруканасы — 3;

Башаламандыктан кийинки Ак үйдүн 7-кабаты. Видео

Жумалиев азыркы тапта аларга медициналык жардам көрсөтүлүп, керектүү дары-дармек менен камсыз болгонун кошумчалады.

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

81
Белгилер:
ден соолук, бейтап, оорукана, Митинг, кагылыш, аянт
Тема боюнча
Эски аянтта Жогорку Кеңештин тарашын талап кылган митинг өтүүдө. Видео
Жумабеков: аянттагы кагылышууда жабыркагандардын бири комада
Катуу суукта бараткан беткапчан аял. Архивдик сүрөт

Академик: COVID-19 катуу суук түшкөндө басаңдайт

0
Адистин айтымында, коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт.

БИШКЕК, 20-окт. — Sputnik. COVID-19 кыш келип, күндүн суукташы менен басаңдайт. Бул тууралуу Россиянын Илимдер академиясынын академиги, профессор Михаил Пальцев "Известия" басылмасына билдирди.

"Коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт. Келерки жазда дагы бир жайылып барып анан жоголот деп божомолдоп жатабыз. Бирок жазда азыркыдай күчтүү болбойт", — деди Пальцев.

Адис учурда коронавирус өтө күчөп турган чагы экенин эске салып, бет кап тагынуу, аралыкты сактоо, иммунитетти бекемдөө сыяктуу эрежелерди сактоого чакырат.

0
Белгилер:
адистер, прогноз, кыш, коронавирус
Тема:
Дүйнөгө жайылган коронавирус
Тема боюнча
Ооруган балдар көбөйүүдө. Бишкекте окуучулар I чейректи онлайн окуп бүтүрөт