MegaCom компаниясын имараты

Үч ирет басып алуу аракети болду! MegaCom компаниясындагы кырдаал

171
(жаңыланган 15:47 07.10.2020)
Компаниянын маалымат катчысы Жумгалбек Өмүракунов акыркы суткаларда кандай окуялар болгонун айтып берди.

БИШКЕК, 7-окт. — Sputnik. MegaCom компаниясын бир күндө үч ирет басып алуу аракети болду. Бул тууралуу уюлдук оператордун маалымат катчысы Жумгалбек Өмүракунов билдирди.

Редакцияга компаниянын башкы кеңсесине куралчан 20 киши киргени боюнча маалымат түшкөн. Өмүракунов алар элдик кошуундун өкүлдөрү экенин билдирди.

Пресс-секретарь сотового оператора Мегаком Жумгалбек Омурканов
© Sputnik / Светлана Федоова
Уюлдук оператордун маалымат катчысы Жумгалбек Өмүракунов
"Бүгүн эч кандай басып алуу болгон жок. Кечээ эртең мененки саат 6.00дө адамдар келип, башкы директордун кабинетин ээлеп алышкан. Алар коллектив менен жыйын өткөрүүгө да жетишти", — деди ал.

MegaCom мамлекеттик компания болгондуктан башкы директорду Мамлекеттик мүлктү башкаруу фонду дайындаш керек. Бирок "жаңы жетекчиликтин" тийиштүү документтери болгон эмес.

"Алардан кийин дагы башка адамдар эки ирет басып алууга аракет жасашты. Бирок алар орун бош эмес экенин көрүп кайра кетип калышты. Кечээ ошону менен бизди үч ирет басып алуу аракети болду", — деди Өмүракунов.

Маалымат катчынын айтымында, кырдаалды элдик кошуундун өкүлдөрү жөнгө салган. Алар "жаңы жетекчиликке" келип имараттан чыгып кетүүлөрүн талап кылганда гана кетишкен. Өмүракунов шайлоонун жыйынтыгы жокко чыгарылгандыктан компанияга мурдагы директор Акылбек Жамангулов кайтып келиши керектигин кошумчалады. Буга чейин Жамангулов "Биримдик" партиясы менен шайлоого катышкан.

171
Белгилер:
басып алуу, компания, MegaCom
Тема боюнча
Курсан Асанов: элдик кошуун менен жөнөкөй кийинип милиция да жүрдү
Алматыдагы блокпостто айдоочулардын температурасын текшерүү. Архивдик сүрөт

COVID Казакстанда күчөп, Өзбекстанда мизи кайта баштады. Коңшулардагы абал

28
(жаңыланган 11:24 29.10.2020)
Дүйнө жүзүндө вируска кабылгандардын саны 44 401 826га жетсе, анын ичинен 1 173 292си көз жумду.

БИШКЕК, 29-окт. — Sputnik. Дүйнөнүн башка өлкөлөрү сыяктуу эле Кыргызстанга коңшу мамлекеттерде коронавирус жуктургандардын саны өсүп бара жатат.

Sputnik Казакстан агенттигинин жазганына караганда, мында жуктургандардын саны бүгүн эки эсеге көбөйдү. Тагыраагы, 28-октябрь күнү өлкө боюнча 148 кишиден COVID-19 аныкталса, бүгүн бул көрсөткүч 268ге жетти. Ал эми жалпы ооругандардын саны 111 100дү түздү.

Кайсы өлкөлөрдүн жарандары Кыргызстанга кирип-чыга алат? Тизме

Тажикстанда дагы вирустун басаңдачу түрү жок. Акыркы күндөрү бул өлкөдө күндө бирден адам каза болуп, кечээ вирус курмандыктарынын саны 82ге жетти. Өлкө боюнча жалпысынан 10 900 адамдан коронавирус аныкталды.

Ал ортодо Өзбекстандын айрым шаарларында оору эң жогорку чегине жетип, акырындан мизи кайта баштаганы айтылды. Мисалы, Самарканд шаарынын башкы санитардык дарыгери Абдулла Абиев бул жерде оору жугузгандардын саны азайып бара жатканын билдирди. Өзбекстанда коронавирус жугузгандардын саны учурда 66 141 киши.

Казакстанга кирип-чыгуунун жол-жобосу

Ал эми Кыргызстанда акыркы суткада дагы 522 киши коронавирус жуктуруп, бир адам көз жумду. А Ушуну менен оору жуктургандар 57 798ге жетсе, анын ичинен 49 097 бейтап айыкты.

Дүйнө жүзүндө вируска кабылгандардын саны 44 401 826ны түзүп, анын ичинен 1 173 292си көз жумду.

28
Белгилер:
статистика, коронавирус, Тажикстан, Өзбекстан, Казакстан, Кыргызстан
Тема:
Дүйнөгө жайылган коронавирус
Тема боюнча
COVID: инфекция жуктургандардын ичинен 93 адам өтө оор абалда жатат
Жол кырсыктан жаракат алган дарак. Архив

Ысык-Көл ЖКККББнын жетекчи орун басарынын аялы менен кызы жол кырсыктан көз жумду

110
(жаңыланган 10:35 29.10.2020)
Каргаша кечээ Чок-Тал айылында болгон. Анда Балыкчы шаарынын 31 жаштагы тургуну BMW X5 үлгүсүндөгү унааны башкара албай четке чыгып кетип, бакты сүзгөн.

БИШКЕК, 29-окт. — Sputnik. Ысык-Көл облусунда жол кырсыгынын айынан аял кызы менен көз жумуп, дагы эки баласы ооруканага жеткирилди. Маалыматты облустук милиция тастыктады.

Ага ылайык, каргаша 28-октябрь күнү Чок-Тал айылында, Балыкчы — Ананьево — Каракол унаа жолунун 54-чакырымында болгон. Анда Балыкчы шаарынын 31 жаштагы тургуну BMW X5 үлгүсүндөгү унааны башкара албай четке чыгып кетип, бакты сүзгөн.

Жол кырсыгынын айынан өзү жана анын 11 жаштагы кызы каза тапкан. Ал эми машинадагы 7 жана 5 жаштагы кыздар Балыкчы шаардык ооруканасына жеткирилген.

Портер талкаланып, айдоочусу жабыркаган. Оштогу үрөй учурган кырсыктын видеосу

Аталган факт Ысык-Көл райондук милициясынын электрондук журналына каттоого алынып, тиешелүү кароолор жүрүп жатат.

Маалым болгондой, жол кырсыгында Ысык-Көл облусу боюнча Жол кыймылы коопсуздугун камсыздоо башкармалыгынын жетекчисинин орун басарынын жубайы менен кызы көз жумду. Аялы балдары менен Балыкчыдан Караколго бара жаткан.

110
Белгилер:
өлүм, жол кырсык, унаа, кыз, аял, Каракол, Ысык-Көл
Тема:
2020-жылдын башынан бери Кыргызстанда болгон жол кырсыктар
Тема боюнча
Кара-Суу: унаадан чыккан өрт эки кичинекей баланын өмүрүн алды