Бишкектеги Ала-Тоо аянтында болгон митингдин катышуучулары

"Ала-Тоо" аянтындагы кагылышууда 5 киши жаракат алды

497
(жаңыланган 20:03 09.10.2020)
Жаракат алгандардын үчөө ооруканага жатты, абалдары орточо оор. Ал эми эки киши амбулатордук түрдө дарыланып жатканы айтылды.

БИШКЕК, 9-окт. — Sputnik. Бүгүн Бишкектеги "Ала-Тоо" аянтында болгон митингде беш киши жаракат алып, Улуттук госпиталга жеткирилди. Бул тууралуу Саламаттык сактоо министрлиги кабарлады.

Ага ылайык, үчөө ооруканага жатты, абалдары орточо оор. Ал эми эки киши амбулатордук түрдө дарыланууда.

Аянтка митингге чыккандардын массалык кагылышуусу. Видео

Буга чейин "Форум" мекемесинин алдында чогулуп турган мурдагы президент Атамбаев менен "Республика" партиясынын негиздөөчүсү Өмүрбек Бабановдун тарапташтары "Ала-Тоо" аянтына келишкен. Саясатчылар эл алдына чыгып сүйлөп жатканда эски аянттан Садыр Жапаровдун тарапташтары келген. Алгач биринчи тарап Садыр Жапаровдун колдоочуларын сүрүп чыгарууга аракет кылып, кийин эки жактан тең таш ыргытылып, ызы-чуу башталган.

497
Белгилер:
оорукана, митинг, "Ала-Тоо" аянты, Бишкек
Тема:
Парламенттик шайлоодон кийинки окуялар (463)
Тема боюнча
Бишкекте өзгөчө абал бүгүн саат 20:00дөн тарта күчүнө кирет
Алмазбек Атамбаев ок тийген автоунаасын көрсөттү. Видео
Аянтка митингге чыккандардын массалык кагылышуусу. Видео
Сапар Исаков: менин да автоунаамды аткылашты. Видео
Баткен шаары. Архивдик сүрөт

Ош менен Баткенде бүгүн жер силкинди

66
(жаңыланган 11:34 26.10.2020)
Сейсмология институтунун маалыматына караганда, силкинүүнүн күчү очогунда 4,5 баллга жетип, Ош жана Баткен облустарында сезилген.

БИШКЕК, 26-окт. – Sputnik. Кыргызстан менен Тажикстандын чектешкен аймагында жер титиреди. Бул тууралуу ӨКМден билдиришти.

Сейсмология институтунун маалыматына ылайык, бүгүн, 26-октябрь күнү, саат 9:10до болгон жер силкинүүнүн күчү очогунда 4,5 баллга жеткен.

Ошто жер титиреди

Жер титирөө Ош облусунун Чоң Алай районунун Кара-Тейит, Карамык, Шибээ айылдарында үч баллга чейин сезилген. Ал эми Баткен облусунун Баткен районунун Тескей, Тунук-Суу, Кан, Сары-Талаа, Жоо-Пая, Кыштут айылдарында 2,5 баллга жеткен.

Жабыркагандар жана кыйроолор катталган жок.

66
Белгилер:
жер титирөө, Тажикстан, Баткен, Ош
Тема боюнча
Жарымын шылып кеткендей. Россияда үйдүн жер алдына түшүп кеткен видеосу
Сейсмограф аппаратынын көрсөткүчү. Архив

Ошто жер титиреди

49
(жаңыланган 09:58 26.10.2020)
Силкинүү Алай районунун Иркештам айылында 2,5 балл, Нура айылында 3 баллга чейин сезилген. Жабыркагандар, кыйроолор жок.

БИШКЕК, 23-окт. — Sputnik. Кечээ, 25-октябрда, түндө Ош облусунун аймагында очогунда күчү 4 баллга жеткен жер титирөө катталган. Бул тууралуу Сейсмология институтуна таянып, ӨКМ билдирди.

Саат 23:33тө болгон силкинүү Алай районунун Иркештам айылында 2,5 балл, Нура айылында 3 баллга чейин сезилген.

Жер титирөөдөн жабыркагандар жана кыйроолор катталган жок.

Бул акыркы үч күндүн ичинде Алай районунда катталган экинчи жер титирөө болду. 23-октябрда болгон жер титирөө Кичи-Каракол, Гежиге, Ак-Жай айылдарында 2,5 баллга чейин сезилген.

49
Белгилер:
ӨКМ, Ош облусу, жер титирөө
Тема боюнча
Жалал-Абад облусунун аймагында кайрадан жер титиреди
Президенттин Иш башкармалыгына жетекчи болуп дайындалган Балбак Түлөбаев. Архив

Балбак Түлөбаев президенттин иш башкармалыгына жетекчи болуп келди

0
(жаңыланган 12:57 26.10.2020)
Түлөбаев 5-октябрдагы элдик толкундоолордон кийин "моралдык укугу жоктугун" айтып, облус башчылык кызматын тапшыруу боюнча арызын жазган.

БИШКЕК, 26-окт. — Sputnik. Президенттин иш башкармалыгына жетекчи болуп Балбак Түлөбаев келди. Бул тууралуу Sputnik агенттигине Түлөбаев өзү билдирди.

“Өкмөттүн Ысык-Көлдөгү ыйгарым укуктуу өкүлү кызматынан кеттим. Себеби мага башка жумуш сунушталды. Президенттин иш башкармалыгына бармай болдум”, - деди ал.

Түлөбаев 5-октябрдагы элдик толкундоолордон кийин "моралдык укугу жоктугун" айтып, облус башчылык кызматын тапшыруу боюнча арызын жазган. Бирок анын отставкасын эч ким кабыл алган эмес.

35 жашка чыкпай жогорку кызматты ээлеген аткаминерлер. Тизме

Эске салсак, мындан бир нече ай мурда, тагыраагы, 27-июлда, Түлөбаев өкмөттүн Ысык-Көл облусу боюнча ыйгарым укуктуу өкүлү болуп дайындалган эле. Ага чейин Бишкек мэриясынын аппаратын жетектеп турган.

Түлөбаев 2004-2010-жылдары президенттин иш башкармалыгында жетекчинин кеңешчиси жана биринчи орун басар болуп да иштеген.

0
Белгилер:
иш, Балбак Түлөбаев, Кыргызстан
Тема боюнча
Ысык-Көлдө унаа жолун бойлой туристтер үчүн 17 STOP түйүнү курулат
Нариман Түлеев Бишкек мэринин милдетин аткаруучулукка кайтып келди