Киши пистолет кармап турат. Архив

Милиция аянттагы митингде аткылаган кишини издеп жатат

356
(жаңыланган 00:21 10.10.2020)
Окуя боюнча 264-берене ("Массалык башаламандык") менен сотко чейинки өндүрүш ачылып, ыкчам издөө иштери жүрүүдө.

БИШКЕК, 10-окт. — Sputnik. Бишкек ШИИБдин криминалдык милиция кызматы "Ала-Тоо" аянтындагы митингде ок чыгарган кишини издеп жатат. Бул туурасында ШИИБдин маалымат кызматы билдирди.

Аталган окуя боюнча 264-берене менен ("Массалык башаламандык") сотко чейинки өндүрүш ачылып, ыкчам издөө иштери жүрүп жатат. Тапанча менен аткылаган азиат тектүү киши өздүгү жана каякта жүргөнү аныкталууда.

"Урматтуу жарандар, эгер издөөгө алынган киши тууралуу сиздерде маалымат болсо, жакынкы милиция кызматкерлерине же 102 номерине чалып кабарлап коюуну өтүнөбүз", — деп жазылат билдирүүдө.

Эскерте кетсек, 9-октябрда кечке жуук "Форум" мекемесине чогулган мурдагы президент Атамбаев менен "Республика" партиясынын негиздөөчүсү Өмүрбек Бабановдун тарапташтары "Ала-Тоо" аянтына келишкен. Саясатчылар эл алдына чыгып сүйлөп жатканда эски аянттан Садыр Жапаровдун тарапташтары келген. Алгач биринчи тарап Жапаровдун колдоочуларын сүрүп чыгарууга аракет кылып, кийин эки жактан тең таш ыргытылып, ызы-чуу башталганда Жапаровдун тарапташтары аянтты ээлеп алган. Ал ортодо саясатчылардын автоунаасын белгисиз адам аткылаган.

ИИМге жана Бишкек милициясына жаңы жетекчи дайындалды

Кагылышуунун кесепетинен беш киши жаракат алды. Алардын арасында башынан жаракат алган "Ата Мекен" партиясынын мүчөсү Тилек Токтогазиев менен саясатчы Темир Сариевдин жан сакчысы дагы бар.

356
Белгилер:
милиция, издөө, митинг, окуя, Бишкек
Тема:
Парламенттик шайлоодон кийинки окуялар (463)
Тема боюнча
Ооруканадагы Тилек Токтогазиев менен жан сакчынын абалы айтылды
Sputnik Кыргызстан "Садыр Жапаров кармалды" деген маалыматты жазган эмес. Төгүндөө
Автоунаа жол кырсыктан кийин. Архив

Портер талкаланып, айдоочусу жабыркаган. Оштогу үрөй учурган кырсыктын видеосу

72
(жаңыланган 15:56 25.10.2020)
Кырсыктын кесепетинен Hyundai Porter үлгүсүндөгү унаанын айдоочусу жаракат алып, райондук ооруканага жеткирилген.

БИШКЕК, 25-окт. — Sputnik. Ош облусунда оор жүк ташуучу унаа менен Hyundai Porter үлгүсүндөгү унаа кагышты.

Кырсыктын видеосу "Короче" Тelegram каналына жарыяланды.

Анда көрүнүп тургандай, жүк ташуучу унааны катуу сүзгөн портер талкаланып калган.

Ош облустук жол кыймылынын коопсуздугун камсыздоо бөлүмүнүн өкүлү Алтынбек Теңизбаевдин айтымында, кырсык 23-октябрь күнү саат 11:00дөр чамасында Ош — Араван унаа жолунун 11-чакырымында болгон.

"Араван районунун 29 жаштагы тургуну Hyundai Porter үлгүсүндөгү унаа менен Ош шаарын көздөй келе жаткан. Ал эми Renault үлгүсүндөгү оор жүк ташуучу унаанын 45 жаштагы айдоочусу Араванды карай бараткан. Эки машина жолдун 11-чакырымына келгенде кагышкан. Кырсыктын кесепетинен Hyundai Porter үлгүсүндөгү унаанын айдоочусу жаракат алып, райондук ооруканага жеткирилген", — деди Теңизбаев.

Кара-Суу: унаадан чыккан өрт эки кичинекей баланын өмүрүн алды

Аталган факты Кылмыштардын жана жоруктардын бирдиктүү реестрине катталып, тергөө органдары тарабынан тийиштүү экспертизалар дайындалды.

72
Белгилер:
жаракат, айдоочу, жол кырсык, Араван району, Ош
Тема:
2020-жылдын башынан бери Кыргызстанда болгон жол кырсыктар
Тема боюнча
Чүйдө 46 жаштагы аялды коюп кеткен айдоочу колго түштү
Рульга тагынган кишен. Иллюстративдик сүрөт

Чүйдө 46 жаштагы аялды коюп кеткен айдоочу колго түштү

46
(жаңыланган 14:32 25.10.2020)
Үч күндүн ичинде Бишкек — Торугарт унаа жолуна коюлган "Коопсуз шаардын" бардык камералары текшерилип, жыйынтыгында аялды Audi 100 үлгүсүндөгү көлүк сүзгөнү аныкталган.

БИШКЕК, 25-окт. — Sputnik. Чүйдө 46 жаштагы аялды коюп кеткен айдоочу кармалды. Бул тууралуу Чүй облустук жол коопсуздугун камсыз кылуу башкармалыгынын маалымат кызматы кабарлады.

Билдирмеге караганда, 20-октябрь күнү болжол менен саат 23:00дө Ивановка айылында 46 жаштагы аялды белгисиз айдоочу сүзүп, из жашырган. Аял алган оор жараатынан улам ошол жерден көз жумган.

Кырсык каттоого алынгандан кийин Ысык-Ата райондук ички иштер башкармалыгынын инспекторлору шектүүнү издеп башташкан.

"Үч күндүн ичинде Бишкек — Торугарт унаа жолуна коюлган "Коопсуз шаардын" бардык камералары текшерилген. Жыйынтыгында аялды Audi 100 үлгүсүндөгү көлүк сүзгөнү аныкталып, табылган. Шектүү катары Кемин районунун 51 жаштагы тургуну кармалды. Ал күнөөсүн мойнуна алып, коркуп кеткендиктен кырсык болгон жерден качып кеткенин билдирди", — дешти милициядан.

Кара-Суу: унаадан чыккан өрт эки кичинекей баланын өмүрүн алды

Шектүү Ысык-Ата райондук ички иштер башкармалыгына жеткирилсе, автоунаа убактылуу унаа токтотуучу жайга киргизилген. Тергөө иштери уланууда.

46
Белгилер:
өлүм, кырсык, аял, айдоочу, автоунаа, Чүй облусу
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте эки машина кагышып, бири оодарылып калды. Видео
Пожарная машина у здания Жогорку Кенеша, захваченной протестующими против результатов парламентских выборов в Бишкеке, Кыргызстан, 6 октября 2020

Садыр Жапаров: Ак үйдү оңдоого 450 млн эмес, 10 эле млн сом кетет

0
(жаңыланган 16:27 25.10.2020)
Буга чейин депутат Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

БИШКЕК, 25-окт. — Sputnik. Ак үйдү оңдоо иштерине 450 миллион сом кетет экен деген маалымат туура эмес. Бул тууралуу Садыр Жапаров Telegram-каналы аркылуу билдирди.

Анын айтымында, 450 миллион сом бул — парламенттик шайлоого жумшалган каражат.

"450 миллион сом Ак үйдү оңдоого кетчү чыгым экен деп адашып айтып жатышат. Имаратты ремонттоого көп каражат кетпейт. Кыдырып баарын көрүп чыктым. 10 миллион сомго жетпеген каражат керектелет. Тапшырмаларды бердим. Жакын арада оңдоо иштери бүтөт", — деп жазды Жапаров.

Эске салсак, буга чейин парламенттин бюджет жана финансы комитетинин мүчөсү, премьер-министрдин коомдук башталыштагы кеңешчиси Акылбек Жапаров Жогорку Кеңештин имаратын калыбына келтирүү үчүн 450 миллион сомго жакын каражат керектеле турганын айткан.

0
Белгилер:
ремонт, Акылбек Жапаров, Ак үй, Садыр Жапаров
Тема:
Парламенттик шайлоодон кийинки окуялар (463)
Тема боюнча
Депутат: Ак үйдү калыбына келтирүүгө 450 млн. сом керек