Тез жардам автоунаасы. Архив

Түндө Бишкекте тез жардам унаасы оодарылып, 4 киши жабыркады. Видео

257
(жаңыланган 11:44 11.10.2020)
Жол кырсыгы 11-октябрга караган түнү саат 2.30дар чамасында Жаманбаев көчөсү менен Чыңгыз Айтматов проспектинин кесилишинде болгон.

БИШКЕК, 11-окт. — Sputnik. Бишкекте түндө Тез жардам кызматынын унаасы оодарылып калды.

Окуянын видеосу "Короче" Telegram каналына жүктөлгөн.

Милициянын кайгуул кызматынын билдиришиче, кырсык 11-октябрга караган түнү саат 2.30дар чамасында Жаманбаев көчөсү менен Чыңгыз Айтматов проспектинин кесилишинде болгон. Анда тез жардам унаасы Mercedes үлгүсүндөгү автоунаа менен кагышкан.

Окуянын кесепетинен төрт адам жабыркап, ар кандай жаракат менен ооруканага жеткирилгени айтылды.

Учурда эки автокөлүк тең убактылуу айып короого киргизилип, тиешелүү экспертиза дайындалды. Жол кырсыгынын себеби такталууда.

257
Белгилер:
жол кырсык, унаа, тез жардам, Бишкек
Тема:
2020-жылдын башынан бери Кыргызстанда болгон жол кырсыктар (303)
Тема боюнча
Айдоочу кишилерди атайын тебелеткен. Кызыл-Кыядагы окуянын жаңы жагдайлары
Жолдо бараткан унаа. Архив

Жолдо абайлап жүргүлө! ӨКМ шашылыш билдирүү таратты

23
(жаңыланган 15:09 07.05.2021)
Өзгөчө кырдаалдар министрлигинен сапарга чыккандарга абайлап жол жүрүүнү жана автоунаалардын арасындагы 500 метр аралыкты сактоо зарылдыгын эскертишти.

БИШКЕК, 7-май — Sputnik. Кыргызстанда жаан-чачындан улам айрым аймактарда сел жүрүп, тоолуу аймактардагы жолдорго көчкү түшүүсү мүмкүн. Бул туурасында ӨКМдин маалымат кызматы билдирди.

"7-майда температуранын жогорулашына жана күтүлүп жаткан нөшөрлүү жаан-чачынга байланыштуу суунун деңгээли кескин көтөрүлүп, тоолуу жана тоо этектериндеги райондордо сел жүрүү коркунучу бар", — деп айтылган маалыматта.

Ал эми 7-11-май аралыгында күтүлүп жаткан жаан-чачындан улам дагы бир жаратылыш кырсыгы болуп кетүү кооптуулугун эскертишти.

"Кыргызстандын тоолуу райондорунда, Бишкек — Ош жолунда, Төө-Ашуу, Ала-Бел ашууларында, Чычкан капчыгайында кар көчкү түшүшү мүмкүн. Мындай кооптуулук Ала-Бука — Жаңы-Базар — Киров автоунаа жолундагы Кара-Кысмак капчыгайында, Кара-Буура ашуусунда, Каракол — Эңилчек жолундагы Чоң-Ашууда да бар", — деп билдиришти ӨКМден

Жолго чыккандар айдоочуларга автоунаалардын ортосундагы 500 метр аралыкты сактоо зарылдыгы айтылды.

23
Белгилер:
сел, көчкү, шашылыш билдирүү, Бишкек - Ош жолу, Кыргызстан
Тема боюнча
Түптө жүрөк үшүн алган жол кырсыктан 18 жаштагы улан көз жумду. Сүрөт
Ысык-Көл облусунун Түп районунда болгон жол кырсыгы

Түптө жүрөк үшүн алган жол кырсыктан 18 жаштагы улан көз жумду. Сүрөт

83
(жаңыланган 14:03 07.05.2021)
Автоунаада 18 жаштагы төрт эркек болгон. Кырсыктын кесепетинен бирөө каза болсо, калганы райондук ооруканага жеткирилген.

БИШКЕК, 7-май — Sputnik. Ысык-Көл облусунун Түп районунда жол кырсыгы болуп, бир адамдын өмүрү кыйылды. Бул тууралуу ӨКМдин маалымат кызматы кабарлады.

Последствия ДТП в Тюпском районе Иссык-Кульской области
© Фото / пресс-служба МЧС
Ысык-Көл облусунун Түп районунда жол кырсыгы болуп, бир адамдын өмүрү кыйылды

Билдирмеге караганда, кырсык 7-май күнү саат 00:57лер чамасында Шаты — Ичке-Суу— Талды-Суу унаа жолунун 1-чакырымында (Шаты айылы) болгон.

"Анда BMW-525 үлгүсүндөгү автоунаанын айдоочусу рулду башкара албай калып, жол жээгиндеги бакты сүзгөн. Мунун кесепетинен 18 жаштагы бала каза болуп, автоунаанын ичиндеги 18 жаштагы үч улан жабыркаган", — деп айтылат маалыматта.

Жол кырсыгы катталган жерге ӨКМдин куткаруучулары тартылып, каза болгон жарандын сөөгү Тез жардамдын кызматкерлерине өткөрүп берилген. Ал эми жабыркагандар райондук ооруканага жеткирилген.

83
Белгилер:
өлүм, ӨКМ, жол кырсык, Түп, Ысык-Көл облусу
Тема:
2021-жылдын башынан бери Кыргызстанда болгон жол кырсыктар
Тема боюнча
Ош: үч ай ичинде жол кырсыктарынан 23 адам каза болду