Бычак менен киши. Иллюстративдик киши

Ич тарапка сайып, бычакты шашпай ордуна коюп... Таластагы кандуу окуянын видеосу

2060
(жаңыланган 00:50 13.10.2020)
Кадрдан жетелешип келе жаткандардын  узун бойлуураагы экинчисин текчеде сатыкта турган бычактын бирин алып сайып жибергенин байкоого болот.

БИШКЕК, 13-окт. — Sputnik. Талас шаарындагы соода борборунда 12-октябрга караган түнү жергиликтүү эки тургун өз ара чатакташа кетип, бири экинчисин дүкөндө сатыкта турган бычак менен сайып жиберген. Бычак жеген 23 жаштагы жигит ооруканада каза тапкан. Бул тууралуу Талас облустук ички иштер башкармалыгынан билдиришти.

Окуянын видеосу "Короче" телеграм-каналына жарыяланды. 

Кадрдан биринчи жигит экинчисин кармап, улам токтотуп бара жатканын көрүүгө болот. Бир саамдан кийин узун бойлуураагы экинчисин текчеде сатыкта турган бычактын бирин алып сайып жибергенин байкоого болот. Ал арада экөөнүн жанына бир нече балдар келип, тегеректеп, жаракат алган жигитти колтуктап жетелеп, бирок ал алсырап баса албай калгандыгы камерага түшүп калган. 

Ысык-Атада бир тууган инисин өлтүрдү деп шектелип 42 жаштагы киши кармалды

Милициядан окуя түнкү саат 03:00 чамасында болгондугун, чатакташкандар классташ экендигин айтышты.

"Окуя туурасында бычак сайган жаран милицияга өзү кабарлаган. Учурда ал облустук убактылуу кармоо жайына киргизилип, тергөө иштери жүрүп жатат", — деп билдиришти милициядан.

Шектүү Э. у А. 24 жашта, ал эми каза тапкан Ж.Н. 23тө экени маалым болду.

2060
Белгилер:
милиция, өлүм, бычак, Талас, Кыргызстан
Тема боюнча
Өзгөндө таксистти өлтүрүп, сөөгүн өрттөдү делген эки өспүрүм камакка алынды
Алматыдагы блокпостто айдоочулардын температурасын текшерүү. Архивдик сүрөт

COVID Казакстанда күчөп, Өзбекстанда мизи кайта баштады. Коңшулардагы абал

22
(жаңыланган 11:24 29.10.2020)
Дүйнө жүзүндө вируска кабылгандардын саны 44 401 826га жетсе, анын ичинен 1 173 292си көз жумду.

БИШКЕК, 29-окт. — Sputnik. Дүйнөнүн башка өлкөлөрү сыяктуу эле Кыргызстанга коңшу мамлекеттерде коронавирус жуктургандардын саны өсүп бара жатат.

Sputnik Казакстан агенттигинин жазганына караганда, мында жуктургандардын саны бүгүн эки эсеге көбөйдү. Тагыраагы, 28-октябрь күнү өлкө боюнча 148 кишиден COVID-19 аныкталса, бүгүн бул көрсөткүч 268ге жетти. Ал эми жалпы ооругандардын саны 111 100дү түздү.

Кайсы өлкөлөрдүн жарандары Кыргызстанга кирип-чыга алат? Тизме

Тажикстанда дагы вирустун басаңдачу түрү жок. Акыркы күндөрү бул өлкөдө күндө бирден адам каза болуп, кечээ вирус курмандыктарынын саны 82ге жетти. Өлкө боюнча жалпысынан 10 900 адамдан коронавирус аныкталды.

Ал ортодо Өзбекстандын айрым шаарларында оору эң жогорку чегине жетип, акырындан мизи кайта баштаганы айтылды. Мисалы, Самарканд шаарынын башкы санитардык дарыгери Абдулла Абиев бул жерде оору жугузгандардын саны азайып бара жатканын билдирди. Өзбекстанда коронавирус жугузгандардын саны учурда 66 141 киши.

Казакстанга кирип-чыгуунун жол-жобосу

Ал эми Кыргызстанда акыркы суткада дагы 522 киши коронавирус жуктуруп, бир адам көз жумду. А Ушуну менен оору жуктургандар 57 798ге жетсе, анын ичинен 49 097 бейтап айыкты.

Дүйнө жүзүндө вируска кабылгандардын саны 44 401 826ны түзүп, анын ичинен 1 173 292си көз жумду.

22
Белгилер:
статистика, коронавирус, Тажикстан, Өзбекстан, Казакстан, Кыргызстан
Тема:
Дүйнөгө жайылган коронавирус
Тема боюнча
COVID: инфекция жуктургандардын ичинен 93 адам өтө оор абалда жатат
Жол кырсыктан жаракат алган дарак. Архив

Ысык-Көл ЖКККББнын жетекчи орун басарынын аялы менен кызы жол кырсыктан көз жумду

99
(жаңыланган 10:35 29.10.2020)
Каргаша кечээ Чок-Тал айылында болгон. Анда Балыкчы шаарынын 31 жаштагы тургуну BMW X5 үлгүсүндөгү унааны башкара албай четке чыгып кетип, бакты сүзгөн.

БИШКЕК, 29-окт. — Sputnik. Ысык-Көл облусунда жол кырсыгынын айынан аял кызы менен көз жумуп, дагы эки баласы ооруканага жеткирилди. Маалыматты облустук милиция тастыктады.

Ага ылайык, каргаша 28-октябрь күнү Чок-Тал айылында, Балыкчы — Ананьево — Каракол унаа жолунун 54-чакырымында болгон. Анда Балыкчы шаарынын 31 жаштагы тургуну BMW X5 үлгүсүндөгү унааны башкара албай четке чыгып кетип, бакты сүзгөн.

Жол кырсыгынын айынан өзү жана анын 11 жаштагы кызы каза тапкан. Ал эми машинадагы 7 жана 5 жаштагы кыздар Балыкчы шаардык ооруканасына жеткирилген.

Портер талкаланып, айдоочусу жабыркаган. Оштогу үрөй учурган кырсыктын видеосу

Аталган факт Ысык-Көл райондук милициясынын электрондук журналына каттоого алынып, тиешелүү кароолор жүрүп жатат.

Маалым болгондой, жол кырсыгында Ысык-Көл облусу боюнча Жол кыймылы коопсуздугун камсыздоо башкармалыгынын жетекчисинин орун басарынын жубайы менен кызы көз жумду. Аялы балдары менен Балыкчыдан Караколго бара жаткан.

99
Белгилер:
өлүм, жол кырсык, унаа, кыз, аял, Каракол, Ысык-Көл
Тема:
2020-жылдын башынан бери Кыргызстанда болгон жол кырсыктар
Тема боюнча
Кара-Суу: унаадан чыккан өрт эки кичинекей баланын өмүрүн алды