Аскердик автоунаа. Архив

Бишкекте уурдалган аскердик унаа Чүйдөн табылды. Сүрөттөр

268
(жаңыланган 13:05 13.10.2020)
Бул авто 5-6-октябрдагы окуялар учурунда Кыргыз драма театрынын жанынан уурдалган. Айдоочусу сабалып, ооруканага түшкөн.

БИШКЕК, 13-окт. — Sputnik. Жарандык активист Болот Ибрагимов өзүнүн Facebook баракчасына элдик толкундоо маалында жоголуп кеткен аскердик жүк ташуучу унаа табылганын жазды. 

Буга чейин интернет колдонуучулар аталган автонун жоголуп кеткендиги тууралуу айтып жаткан.

"Кайдыгер карабаган жарандар азыр эле жоголуп кеткен аскердик унаанын Чүй облусунун айылдарынын биринин жанындагы талаада турганын кабарлашты. Укук коргоо органдарынын кызматкерлери жерине жөнөштү”, — деди Ибрагимов.

Генералдык штабдан жүк ташуучу унаа ИИМдин ички аскерлеринин менчиги экенин билдиришити.

Көп өтпөй Чүй облустук милициясынын маалымат кызматы аталган автонун Ысык-Ата районундагы Чолпон айылы тараптагы талаадан табылганын тастыктады.

“Бул аймакка бекитилген милиция кызматкери аны кечээ ошол жерден тапкан эмес. Машина бүгүн эртең менен пайда болуп калыптыр. Демек аны түндө таштап кетишкен”, — деп айтылат милициянын билдирүүсүндө.

Маалыматка караганда, бул авто 5-6-октябрдагы окуялар учурунда Кыргыз драма театрынын жанынан уурдалган. Айдоочусу сабалып, ооруканага түшкөн.

268
Белгилер:
автоунаа, ИИМ, Чүй облусу, Бишкек
Тема:
Парламенттик шайлоодон кийинки окуялар (459)
Тема боюнча
Генералдык штаб резиденциянын тосмосун сүзгөн аскер техникасы боюнча үн катты
АКШнын Чикагосундагы Trump Tower имараты. Архив

АКШ: "Трамп" имаратында салаңдап турган кишинин Кыргызстандан экени айтылды

411
(жаңыланган 23:52 19.10.2020)
Окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев аттуу жигит экендигин айтышты.

БИШКЕК, 19-окт. — Sputnik. АКШнын Чикагосундагы Trump Tower деп аталган көз жеткис бийик имаратта 13 саат бою аркан менен байланып, салаңдап турган адамдын полицияга багынып бергенин Chicago Tribune жазды.

Буга чейин коомдук тартипти бузган киши асман тиреген имараттын 16 кабатынан белине аркан байланып алып, жекшембиден тарта, болжол менен саат 17:30дан бери илинип тургандыгын жазган. Ал АКШ президенти Дональд Трамптын өзү менен жолугууну ниет кыларын, болбосо өзүн бийиктен таштап жибере тургандыгын айтып коркуткан.

Буту тайып... Бийик имараттын кырында туруп кулап кеткен жигиттин видеосу

"Абал сүйлөшүүлөрдөн улам жакшы жагына чечилди. Шектүү кармалды. Эч ким жабыркаган жок", — деген Чикаго полициясынын кызматкери Том Ахерн.

​Басылманын маалыматына таясак, окуя 13 саатка чукул созулган. Социалдык тармактын бир катар колдонуучулары акциянын демилгечиси Black Lives Matter кыймылынын активисти Эдил Элиев (Eddil Eliev) аттуу жигит экендигин билдиришкен.

Полиция кызматкерлери абалды жөнгө салгыча Trump Tower имаратынын айланасындагы кыймыл токтотулган. Басылма анын тегерек-четине кызыгып келгендердин тобу чогулуп, кээ бирлери "Бэтмен" киносу тартылып жаткан жокпу деген суроолорду да беришкен.

Буга чейин Pledge Times жигиттин курагы 20 жаштын тегерегинде жана ал болжол менен Кыргызстандан экендигин билдирген.

411
Белгилер:
полиция, кыргызстандыктар, Дональд Трамп, АКШ
Тема боюнча
Карантинде Москвадагы мигранттар арасында кылмыштуулук күчөдүбү? Мэрдин жообу
Ооруканада жаткан бейтап. Архивдик сүрөт

Бирөө комадан чыга элек. Митингдеги кагылыштан жабыркагандардын абалы

81
(жаңыланган 16:25 19.10.2020)
5-6-октябрда Бишкекте болгон митингден жабыркап, ооруканага жалпы 1 253 киши кайрылган. Булардын ичинен 39 бейтап дарыланып жатат.

БИШКЕК, 19-окт. — Sputnik. "Ала-Тоо" аянтындагы кагылышуудан жабыркагандардын бирөө комада. Бул тууралуу Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиев билдирди.

Анын айтымында, 5-6-октябрда Бишкекте болгон митингден жабыркап, ооруканага жалпы 1 253 киши кайрылган.

"Булардын ичинен ооруканага 272 бейтап жаткырылып, бирөө реанимацияга түшүп, дагы бири көз жумган. 1 043 бейтап амбулатордук дарыланууга жиберилген. Азыркы маалда стационарларда 39 бейтап дарыланып жатат, анын бири комада", — деди Жумалиев.

Ооруканаларда дарыланып жаткан бейтаптардын саны:

  • Бишкек травматология жана ортопедия илим изилдөө борбору — 17;
  • Улуттук хирургия борбору — 3;
  • Улуттук госпиталь —15;
  • Бишкек шаардык №1 клиникалык ооруканасы — 1;
  • Чүй облустук ооруканасы — 3;

Башаламандыктан кийинки Ак үйдүн 7-кабаты. Видео

Жумалиев азыркы тапта аларга медициналык жардам көрсөтүлүп, керектүү дары-дармек менен камсыз болгонун кошумчалады.

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

81
Белгилер:
ден соолук, бейтап, оорукана, Митинг, кагылыш, аянт
Тема боюнча
Эски аянтта Жогорку Кеңештин тарашын талап кылган митинг өтүүдө. Видео
Жумабеков: аянттагы кагылышууда жабыркагандардын бири комада
Катуу суукта бараткан беткапчан аял. Архивдик сүрөт

Академик: COVID-19 катуу суук түшкөндө басаңдайт

0
Адистин айтымында, коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт.

БИШКЕК, 20-окт. — Sputnik. COVID-19 кыш келип, күндүн суукташы менен басаңдайт. Бул тууралуу Россиянын Илимдер академиясынын академиги, профессор Михаил Пальцев "Известия" басылмасына билдирди.

"Коронавирус аба аркылуу жуккан башка илдеттер сыяктуу эле жыл мезгилинен көз каранды. Жаан-чачын башталып, нымдуу учурда көбөйүп, күн катуу сууктаганда басаңдайт. Келерки жазда дагы бир жайылып барып анан жоголот деп божомолдоп жатабыз. Бирок жазда азыркыдай күчтүү болбойт", — деди Пальцев.

Адис учурда коронавирус өтө күчөп турган чагы экенин эске салып, бет кап тагынуу, аралыкты сактоо, иммунитетти бекемдөө сыяктуу эрежелерди сактоого чакырат.

0
Белгилер:
адистер, прогноз, кыш, коронавирус
Тема:
Дүйнөгө жайылган коронавирус
Тема боюнча
Ооруган балдар көбөйүүдө. Бишкекте окуучулар I чейректи онлайн окуп бүтүрөт