Пистолеттин октору. Архив

Баңгизатка каршы күрөшүү кызматында атылган ок. Окуянын чоо-жайы

127
(жаңыланган 15:46 13.10.2020)
Буга чейин ЖМК жана социалдык тармактарга Баңгизатты мыйзамсыз жүгүртүүгө каршы күрөшүү кызматынын жетекчисинин орун басары кол алдындагы кызматкерге ок атты деген маалыматтар тараган.

БИШКЕК, 13-окт. — Sputnik. 12-октябрда ИИМдин Баңгизаттарды мыйзамсыз жүгүртүүгө каршы күрөшүү кызматынын жетекчисинин орун басарынын бири менен аталган кызматтын ыкчам өкүлү Р.М. ортосунда чыр чыккан. Бул тууралуу ИИМдин Баңгизаттарга каршы күрөшүү кызматынын маалымат бөлүмү билдирди.

Буга чейин ЖМК жана социалдык тармактарга аталган кызматтын жетекчисинин орун басары кол алдындагы кызматкерге ок атты деген маалыматтар тараган болчу.

Маалыматка ылайык, Р.М. саат 11:15те Б.Н. менен болгон чырды жөнгө салуу үчүн мекемедеги кызматтык бөлмөсүнө келген. Айтыша кетишкенден кийин Р.М. аталган кызматтын талабына ылайык өз кабинетине кеткен.

"Мындан кийин Б.Н. жетекчилик кызматтагылар тарабынан көрсөтүлүп жаткан уставдан тыш аракеттерге карата чара көрүү өтүнүчү менен мекеменин жетекчилигине жөнөйт. Бирок ага жеткиче эле тирешүү жүрүп, этиятсыздыктан улам Б.Н. аттуу кызматкерге таандык куралдан ок атылып кеткен. Ок жерге тийген", — деп айтылат билдирүүдө.

Бул факты Кылмыш жана жоруктардын бирдиктүү реестрине катталып, кызматтык иликтөө башталды.

127
Белгилер:
кылмыш, ок атуу, баңги заттар, ИИМ
Тема боюнча
Бишкекте кечинде асманга ок атылды. Коменданттын түшүндүрмөсү
Кыргыз темир жолу ишканасында вагондорду араалап салышкан

Вагондорду араалап салышкан. "Кыргыз темир жолунун" бөлүм башчысы кармалды

154
(жаңыланган 15:26 29.10.2020)
Тергөө маалында аталган ишкананын айрым кызматкерлери темир жол вагондорун уруксат кагаздары жок эле араалап салганы аныкталган.

БИШКЕК, 29-окт. — Sputnik. "Кыргыз темир жолу" мамлекеттик ишканасынын Жүктөрдү ташуу жана коммерциялык иштер башкармалыгынын жетекчиси кызматынан кыянаттык менен пайдаланды деп шектелип кармалды. Бул тууралуу Экономикалык кылмыштуулукка каршы күрөшүү боюнча мамлекеттик кызматтан (Финансы полициясы) билдиришти.

  • Кыргыз Темир Жолу мамлекеттик ишканасынын Жүктөрдү ташуу жана коммерциялык иштер башкармалыгынын жетекчиси кызматынын кыянаттык менен пайдаланды деп шектелип кармалды
    "Кыргыз Темир Жолу" мамлекеттик ишканасынын Жүктөрдү ташуу жана коммерциялык иштер башкармалыгынын жетекчиси кызматынын кыянаттык менен пайдаланды деп шектелип кармалды
    © Фото / пресс-служба ГСБЭП
  • Тергөө маалында аталган ишкананын айрым кызматкерлери темир жол вагондорун уруксат кагаздары жок эле араалап салганы аныкталган
    Тергөө маалында аталган ишкананын айрым кызматкерлери темир жол вагондорун уруксат кагаздары жок эле араалап салганы аныкталган
    © Фото / пресс-служба ГСБЭП
  • Кармалган жетекчиге бүгүн Биринчи май райондук соту тарабынан баш коргоо чарасы тандалат
    Кармалган жетекчиге бүгүн Биринчи май райондук соту тарабынан баш коргоо чарасы тандалат
    © Фото / пресс-служба ГСБЭП
  • Учурда чыгымдын көмөлү такталууда
    Учурда чыгымдын көмөлү такталууда
    © Фото / пресс-служба ГСБЭП
1 / 4
© Фото / пресс-служба ГСБЭП
"Кыргыз Темир Жолу" мамлекеттик ишканасынын Жүктөрдү ташуу жана коммерциялык иштер башкармалыгынын жетекчиси кызматынын кыянаттык менен пайдаланды деп шектелип кармалды

Тергөө маалында аталган ишкананын айрым кызматкерлери темир жол вагондорун уруксат кагаздары жок эле араалап салганы аныкталган.

"Мындан улам мамлекетке материалдык чыгым келтирилген. Шарт боюнча, ишкананын балансында турган мүлк жарактан чыкса Мамлекеттик мүлктү башкаруу фонду менен макулдашуудан кийин гана жок кылынышы керек. Бирок фонд вагондорду жок кылууга уруксат кагазын бербегенин билдирди", — деп айтылат кабарда.

Кармалган жетекчиге бүгүн Биринчи май райондук соту тарабынан баш коргоо чарасы тандалат.

Учурда чыгымдын көлөмү такталууда.

154
Белгилер:
чыгым, мыйзам, шектүү, коррупция, жетекчи, Кыргыз темир жолу, Кыргызстан
Тема боюнча
Кымырылган 9 млрд. сом: Салык кызматы Финполдун кинеси негизсиз экенин айтты
УКМК: коррупциялык иштерге күбө болгондор үчүн ишеним телефондор иштей баштады
Бишкек ТЭЦи

Авария эмес. "Түндүк электр" Бишкек ТЭЦте эмне болгонун тактады

200
(жаңыланган 15:16 29.10.2020)
Бүгүн, 29-октябрда, Бишкекте массалык түрдө улам-улам жарык өчүп жатат. Нааразычылыктар шаардын чар тарабынан түшүүдө. Калаанын көпчүлүк бөлүгүндө жол чырактар иштебей калды.

БИШКЕК, 29-окт. — Sputnik. Бишкек ТЭЦинде энергетикалык жабдыктын авариялык коргонуучу системасы иштеп кеткен. Буга байланыштуу ал жактан чыккан 110 киловольттук линиянын чыңалуусу жоголуп кеткен. Бул тууралуу "Түндүк электр" ишканасынан кабарлашты.

Белгилей кетсек, ушул эле ишкана буга чейин жарыктын өчүшүнө Бишкек ТЭЦтеги авария себеп болушу ыктымалдыгын кабарлаган.

Белгилей кетсек, Бишкекте саат 13.10дор чамасында массалык түрдө жарык өчө баштады. Анын айынан светофорлор иштебей жол тыгыны жаралды. Ал эми Бишкек ТЭЦтен оргуштап буу чыгып жатат.

Учурда эмне болуп жатканын Sputnik агенттигинин тексттик трансляциясынан окуп, түз эфирден көрүңүздөр.

200
Белгилер:
"Түндүк Электр" ишканасы, Бишкек, Кыргызстан
Тема боюнча
Бишкекте электр кубаты өчүп, ТЭЦтен буу чыга баштады. Учурда эмне болуп жатат
Жарык жапырт өчкөндөн кийинки ТЭЦтеги абал. Видео
"Түндүк электр": жарык ТЭЦтеги аварияга байланыштуу өчүп жатат
Оорукана. Архив

Министрлик: жарык өчкөндө кычкылтек концентраторуна кошулгандар тынчсызданды

0
(жаңыланган 19:13 29.10.2020)
Айгерчинова азыркы кырдаалда жарык үзгүлтүксүз берилип турбаса, кычкылтек концентратору менен жаткан бейтаптарга коркунуч жаралып калышы мүмкүн экенин эскертти.

БИШКЕК, 29-окт. — Sputnik. Бишкек шаары жарыксыз калганда оорукана, төрөт үйлөрүндө олуттуу көйгөй жаралган жок. Бирок кычкылтек концентраторунда жаткан бейтаптар бир аз тынчсызданды. Бул тууралуу Sputnik Кыргызстан агенттигине Саламаттык сактоо министрлигинин маалымат катчысы Жылдыз Айгерчинова билдирди.

Эске салсак, ордо калаада бүгүн, 29-октябрда, болжол менен саат 13:10дор чамасында Бишкектин бир топ жеринде электр кубаты өчүп, кийинчерээк күйгөн.

"Электр жарыгы көп убакытка өчкөн жок. Мындан улам оорукана, төрөт үйлөрүндө олуттуу көйгөй жаралган эмес. Анын үстүнө ар бир ооруканадагы реанимациялык блок генераторго туташтырылган. Алар жарык өчкөндө автоматтык түрдө иштейт. Республикалык жугуштуу илдеттер ооруканасында өпкөнү жасалма дем алдыруучу аппараттар генератордун жардамы менен үзгүлтүксүз иштеп турду. Ал эми кычкылтек концентраторуна туташкан бейтаптар бир аз дүрбөлөңгө түштү. Анткени генератор палаталарга кошулган эмес. Алар болсо палаталарда жатышат", — деди Айгерчинова. 

Шаардыктар жарыксыз калганда. ТЭЦтеги кырдаалды асмандан көрсөткөн видео

Ал азыркы кырдаалда жарык үзгүлтүксүз берилип турбаса, кычкылтек концентратору менен жаткан бейтаптарга коркунуч жаралып калышы мүмкүн экенин эскертти.

0
Белгилер:
бейтап, Төрөт үйү, оорукана, жарык берүү, Бишкек
Тема боюнча
Авария эмес. "Түндүк электр" Бишкек ТЭЦте эмне болгонун тактады
Бишкек ТЭЦтин жетекчиси Воропаев билдирүү жасады
Шаардыктар жарыксыз калганда. ТЭЦтеги кырдаалды асмандан көрсөткөн видео