Түркиядагы жер титирөө

Түркияда күчү 6,6 баллга жеткен жер титирөө болуп, имараттар урады. Видео

2671
(жаңыланган 20:18 30.10.2020)
Измир шаарынын мэринин башкы катчысы Бугра Гёкче NTV телеканалына билдиргендей, Түркиянын чыгышында жер силкинүүдөн бир топ кыйроолор болгон. Шаарда бир нече үйлөр талкаланган.

БИШКЕК, 30-окт. – Sputnik. Түркияда күчү 6,6 баллга жеткен жер титирөө катталды. Бул тууралуу РИА Новости Жаратылыш кырсыктары жана өзгөчө кырдаалдар агенттигинин (AFAD) маалыматына таянып кабарлады.

Билдирмеге ылайык, жер титирөөнүн очогунун тереңдиги 16,5 чакырымды түзүп, ал Измир аймагындагы Сеферлихисар шаарында жайгашкан.

​Түркиялык ЖМКлардын маалыматына жана күбөлөрдүн айтымына караганда, жер титирөө өлкөнүн түндүк райондорунда жана Стамбул шаарында да сезилген.

Измир шаарынын мэринин башкы катчысы Бугра Гёкче NTV телеканалына билдиргендей, Түркиянын чыгышында жер силкинүүдөн бир топ кыйроолор болгон. Шаарда бир нече үйлөр талкаланган.

"Бизге Буджа, Байраклы жана Борнова райондорунда бир топ имараттар талкалангандыгы тууралуу маалымат түштү", — деген Гёкче.

​Видеодон жаратылыш кырсыгынан имараттар урап, адамдар үйлөрүнөн сыртка чуркап чыгып жатканын көрүүгө болот. 

Түркиянын ИИМ башчысы Сулейман Сойлу Twitter баракчасы аркылуу жаратылыш кырсыгы тууралуу маалымат берген.

"Измирдеги Борнова жана Байраклы райондорунда алты имарат урагандыгы боюнча кабар келди. Ушак, Денизли, Манис, Балыкесир, Айдын, Мугла райондорунда жабыркагандар боюнча маалымат келген жок", — деп жазган министр.

​Материалдык чыгым жана жабыркагандар тууралуу азырынча так маалымат жок экени кошумчаланды.

2671
Белгилер:
видео, кырсык, жер титирөө, Түркия
Тема:
Измирдеги жер титирөө (10)
Тема боюнча
Түркиядагы зилзала: келме келтирген, үйдөн, эфирден качып чыккан элдин видеосу
Тапанча кармаган адам. Архив

Нарында ресторан алдында ок атылып, 23 жаштагы жигит ооруканага түштү

2296
(жаңыланган 10:53 25.11.2020)
Нарын ОИИБдин маалымат кызматы атышкандардын уюшкан кылмыштуу топко эч кандай тиешеси жок экенин кошумчалады.

БИШКЕК, 25-ноя. — Sputnik. Нарын шаарындагы атышуудан 23 жаштагы жигит ооруканага түштү. Бул тууралуу облустук ИИБдин маалымат кызматы кабарлады.

Ага ылайык, 24-ноябрь күнү саат 18:20лар чамасында Нарын ИИБдин "102" кызматына шаар тургуну чалып Кулумбаев көчөсүндө жайгашкан "Корона" ресторанынын алдында ок атылганын маалымдаган.

Аталган билдирүүнү Нарын ШИИБи каттоого алып, окуя болгон жерге ыкчам тергөө тобу барган.

"Ресторандын алдынан 23 жаштагы К.А. аттуу шаар тургуну менен 21 жаштагы Т.Э. аттуу адамдын ортосунда пикир келишпестик жаралган. Экөө уруша кетип, Т.Э. жанынан белгисиз ок атуучу куралды алып чыгып каршылашын аткан. Бирок ок ага эмес, көчөдө турган 23 жаштагы М.Д. аттуу жигиттин оң бутуна тийген. Андан кийин Т.Э. дагы бир жолу куралын урушуп жаткан адамга багыттап, ок чыгарууга аракет кылган. Бирок ал тоскоолдук жаратып, жыйынтыгында ок К.А. аттуу жигиттин курткасын тешип өткөн", — деп айтылат маалыматта.

Бутуна ок тийген адам жолдон өтүп бара жаткан автоунаа менен Нарын облустук бириктирилген ооруканасына жеткирилгени жана алган жараатынан эсине келе электиги айтылды.

Бул иш КР Жазык кодексинин 266-беренеси ("Ээнбаштык") боюнча каттоого алынып, тиешелүү экспертизалар дайындалган.

"Азыркы учурда шектүүлөр аныкталып, аларды кармоо иш-чарасы жүргүзүлүп жатат", — деп жазылат билдирмеде.

Нарын ОИИБ бул адамдардын уюшкан кылмыштуу топко эч кандай тиешеси жок экенин кошумчалады.

2296
Белгилер:
ресторан, оорукана, ок атуу, Нарын
Тема боюнча
Сузакта бири-бирин аткылаган эки кылмыштуу топтун мүчөлөрү кармалды. Сүрөт
Президенттин Жогорку Кеңештеги өкүлү, президенттик аппаратынын жетекчисинин орун басары рангындагы Курманбек Дыйканбаев. Архив

Шайлоодо 7 млн. талап кылган. Президенттин ЖКдагы өкүлү Дыйканбаев кармалды

1267
(жаңыланган 20:30 24.11.2020)
Дыйканбаев парламенттик шайлоо маалында мамлекеттик ишкананын башчысын бир партия үчүн 7 миллион сом берүүгө мажбурлаганы айтылууда.

БИШКЕК, 24-ноя. — Sputnik. Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев кармалды. Бул туурасында Улуттук коопсуздук мамлекеттик комитетинен билдиришти.

Маалыматка ылайык, Дыйканбаев октябрдагы парламенттик шайлоо өнөктүгү маалында стратегиялык маанидеги мамлекеттик ишкананын башчысын бир партиянын кызыкчылыгы үчүн 7 миллион сом берүүгө мажбурлаган. Эгер баш тарта турган болсо, кызматтан кетирерин айтып коркутканы тергөөдө аныкталган.

"Курманбек Дыйканбаев мыйзамсыз алган акчасын шайлоо алдындагы үгүт иштерине колдонгон. Муну менен ал кызматтык абалын кыянаттык менен пайдаланып шайлоочулардын көп добушун алуу максатын көздөгөн", — деп айтылат маалыматта.

Президенттин ЖКдагы өкүлү бүгүн, 24-ноябрда, кармалып, УКМКнын убактылуу кармоочу жайына киргизилген. Ал Жазык кодексинин 320-беренесинин 3-бөлүгү ("Кызматтык абалынан кыянаттык менен пайдалануу") менен кылмыш жасаган деп шектелүүдө.

УКМК бул багытта иштер мындан ары дагы улантылып, өз убагында коомчулукка жарыяланып турарын кошумчалады.

Белгилей кетсек, Дыйканбаев 4-октябрдагы парламенттик шайлоого "Биримдик" партиясы менен катышып, 58-тизмеде турган.

1267
Белгилер:
Курманбек Дыйканбаев, шайлоо, кармоо, УКМК
Тема боюнча
Соцфонддун төрагасы Медер Ирсалиев эки айга тергөө абагына камалды
Легендарлуу футболчу Диего Марадона. Архив

Легендарлуу футболчу Диего Марадона көз жумду

0
(жаңыланган 22:50 25.11.2020)
Аргентиналык спортчу 60 жашта болчу. Ал 30-октябрда медициналык көзөмөлдөн өтүү үчүн ооруканалардын бирине жаткырылган.

БИШКЕК, 25-ноя. — Sputnik. Футбол боюнча 1986-жылы дүйнө чемпиону болгон легендарлуу футболчу Диего Марадона көз жумду. Бул тууралуу РИА Новости Аргентинанын TN телеканалына таянып кабарлады.

Аргентиналык спортчу 60 жашта болчу.

30-октябрда "Химнасия жана Эсгрима" футбол клубуна башкы машыктыруучулук кылып жаткан Марадона бир катар текшерүүлөрдөн өтүү үчүн ооруканага жаткырылган. Кийинчерээк анын мээсине операция жасалгандыгы кабарланган. Марадона ооруканадан 12-ноябрда чыгарылганы айтылган. Футбол адисинин акыркы жылдары басканы оорлошуп, өзүн начар сезип калган.

0
Тема боюнча
Роналду, Зидан, Марадона... Дүйнөлүк футболчулардын атын алган кыргызстандыктар