Бишкекте 31 жаштагы жарандын телефонун тартып алды деп шектелип тогуз бала кармалды

Бишкекте бир телефонду ээсинен тартып алган деп шектелип 9 бала кармалды

110
1-ноябрь күнү болжол менен саат 05:30 чамасында 102 кызматынан Орозбеков жана Киев көчөлөрүнүн кесилишинде адамды тоноо болду деген маалымат келип түшкөн.

БИШКЕК, 3-ноя. — Sputnik. Бишкекте 31 жаштагы жарандын телефонун тартып алды деп шектелип тогуз бала кармалды. Бул тууралуу Милициянын кайгуул кызматынан билдиришти.

Задержанные в Бишкеке по подозрению в грабеже
© Фото / пресс-служба УПСМ Бишкека
Бишкекте 31 жаштагы жарандын телефонун тартып алды деп шектелип тогуз бала кармалды

1-ноябрь күнү болжол менен саат 05:30 чамасында 102 кызматынан Орозбеков жана Киев көчөлөрүнүн кесилишинде адамды тоноо болду деген маалымат келип түшкөн.

Айтылган дарекке ошол замат Милициянын кайгуул кызматынын кызматкерлери келип, 31 жаштагы жарандын Redmi Note 6 үлгүсүндөгү телефонун белгисиз бирөөлөр алып кеткенин аныктаган.

Ыкчам издөө иш-чараларынын негизинде көп өтпөй 18 жана 19 жаштагы тогуз бала кармалып, Биринчи май райондук милициясынын Тергөө кызматына өткөрүлүп берилди.

Аталган факты Кылмыштардын жана жоруктардын бирдиктүү реестрине катталып, Жазык кодексинин 201-беренесине (“Тоноо”) ылайык сотко чейинки өндүрүшкө алынды.

110
Белгилер:
тоноо, милиция, Бишкек
Тема боюнча
3,6 млн. сомдук чыгым. Нарында ишкер менен айыл өкмөт башчысына иш козголду
Президенттин Жогорку Кеңештеги өкүлү, президенттик аппаратынын жетекчисинин орун басары рангындагы Курманбек Дыйканбаев. Архив

Шайлоодо 7 млн. талап кылган. Президенттин ЖКдагы өкүлү Дыйканбаев кармалды

986
(жаңыланган 20:30 24.11.2020)
Дыйканбаев парламенттик шайлоо маалында мамлекеттик ишкананын башчысын бир партия үчүн 7 миллион сом берүүгө мажбурлаганы айтылууда.

БИШКЕК, 24-ноя. — Sputnik. Президенттин Жогорку Кеңештеги өкүлү, президенттик аппараттын жетекчисинин орун басары рангындагы Курманбек Дыйканбаев кармалды. Бул туурасында Улуттук коопсуздук мамлекеттик комитетинен билдиришти.

Маалыматка ылайык, Дыйканбаев октябрдагы парламенттик шайлоо өнөктүгү маалында стратегиялык маанидеги мамлекеттик ишкананын башчысын бир партиянын кызыкчылыгы үчүн 7 миллион сом берүүгө мажбурлаган. Эгер баш тарта турган болсо, кызматтан кетирерин айтып коркутканы тергөөдө аныкталган.

"Курманбек Дыйканбаев мыйзамсыз алган акчасын шайлоо алдындагы үгүт иштерине колдонгон. Муну менен ал кызматтык абалын кыянаттык менен пайдаланып шайлоочулардын көп добушун алуу максатын көздөгөн", — деп айтылат маалыматта.

Президенттин ЖКдагы өкүлү бүгүн, 24-ноябрда, кармалып, УКМКнын убактылуу кармоочу жайына киргизилген. Ал Жазык кодексинин 320-беренесинин 3-бөлүгү ("Кызматтык абалынан кыянаттык менен пайдалануу") менен кылмыш жасаган деп шектелүүдө.

УКМК бул багытта иштер мындан ары дагы улантылып, өз убагында коомчулукка жарыяланып турарын кошумчалады.

Белгилей кетсек, Дыйканбаев 4-октябрдагы парламенттик шайлоого "Биримдик" партиясы менен катышып, 58-тизмеде турган.

986
Белгилер:
Курманбек Дыйканбаев, шайлоо, кармоо, УКМК
Тема боюнча
Соцфонддун төрагасы Медер Ирсалиев эки айга тергөө абагына камалды
Пострадавший автомобиль в дтп на штрафстоянке в Бишкеке

Кочкордо жылкы сүзүп кырсыктаган автоунаадагы 19 жаштагы кыз каза болду

176
(жаңыланган 10:17 24.11.2020)
Окуя кечээ кечинде Бишкек — Нарын — Торугарт унаа жолунда катталган. Кырсыктан дагы үч кишинин жабыркаганы айтылат.

БИШКЕК, 24-ноя. — Sputnik. Нарындын Кочкор районунда жылкыны сүзүп кырсыкка кабылган автоунаадагы бир жаран каза болду. Бул тууралуу Өзгөчө кырдаалдар министрлиги билдирди.

Окуя кечээ кечинде Бишкек — Нарын — Торугарт унаа жолунда катталган.

"Кочкор районундагы Төлөк айылында 23-ноябрь күнү саат 22:10до Nexia унаасынын айдоочусу жылкыны сүзүп жолдон чыгып кеткен. Кырсыктан 19 жаштагы бир кыз каза болуп, 27, 23 жана 21 жаштардагы үч эркек адам жабыркаган", — деп айтылат маалыматта.

Жерине ӨКМдин №42 өрткө каршы куткаруу бөлүгүнүн куткаруучулары тартылып, каза болгон жаранды унаадан чыгарып, Тез жардам кызматына өткөрүп беришкен.

176
Белгилер:
ӨКМ, Нарын, өлүм, кырсык, автоунаа
Тема:
2020-жылдын башынан бери Кыргызстанда болгон жол кырсыктар
Тема боюнча
Өкмөттүн Ысык-Көлдөгү өкүлү Элчибек Жантаев бараткан унаа оодарылып кетти
Көчөдө беткап кийип бараткан кишилер. Архивдик сүрөт

Адис: коронавирус сасык тумоо менен грипптин катарына кошулуп келе жатат

0
"Роспотребнадзор" мекемесинин башчысы Анна Попова COVID эми жыл сайын суук түшкөн маалда келе берет деп божомолдоодо.

БИШКЕК, 25-ноя. — Sputnik. Коронавирус акырындык менен грипп, сасык тумоо сыяктуу сезондук инфекциялардын катарына кошулуп бара жатат. Бул тууралуу "Роспотребнадзор" мекемесинин башчысы Анна Поповага шилтеме берип РИА Новости жазды. 

"COVID-19 башка вирустардай эле сезондук инфекцияга айланып бара жатат. Менимче, ал жыл сайын күн сууктаган маалда активдешет", — деди Попова.

Ал ортодо Дүйнөлүк саламаттык сактоо уюму 2021-жылдын башында Европада коронавирустун үчүнчү толкуну боюнча коркунуч бар экенин эскертти.

Дүйнө жүзү боюнча алсак, коронавирус жуктургандардын саны 60 миллионго чукулдап калды. Бейтаптардын саны боюнча алдыңкы орундарда АКШ (12,5 миллион), Индия (9 миллион) жана Бразилия (6 миллион) мамлекеттери келе жатат.

0
Белгилер:
сасык тумоо, грипп, коронавирус, Дүйнө
Тема:
Дүйнөгө жайылган коронавирус
Тема боюнча
Сагыз чайнаба, тамак ичпе! Коронавируска тест тапшырарда билип алчу эрежелер