Ош облусунун аймагындагы уюшкан кылмыштуу топтордун мүчөсүнүн үйүнө тинтүү учурунда табылган курал-жарактар

УКМК Ошто кылмыш топтун өкүлдөрүнүн үйүн тинтип куралдарды тапты. Тизме

156
(жаңыланган 11:03 03.11.2020)
УКМКдан маалымдашкандай, ыкчам иш-чара аймактагы криминалдык аракеттердин ишине бөгөт коюу максатында жүргүзүлгөн.

БИШКЕК, 3-ноя. — Sputnik. Улуттук коопсуздук боюнча мамлекеттик комитеттин кызматкерлери Ош облусунун аймагындагы уюшкан кылмыштуу топтордун (УКТ) 23 мүчөсүнүн үйүнө тинтүү жүргүзгөн. Бул тууралуу атайын кызматтын коомчулук менен байланыш бөлүмү кабарлады.

  • Оружия, обнаруженные во время обыска в домах членов организованной преступной группировки в Ошской области
    Улуттук коопсуздук боюнча мамлекеттик комитетинин кызматкерлери Ош облусунун аймагындагы уюшкан кылмыштуу топтордун (УКТ) 23 мүчөсүнүн үйүнө тинтүү жүргүзгөн
    © Фото / пресс-служба ГКНБ
  • Оружия, обнаруженные во время обыска в домах членов организованной преступной группировки в Ошской области
    Иш-чара "кылмыш жасоо үчүн уюшкан топ түзүү" фактысы боюнча катталган сотко чейинки өндүрүштүн алкагында жүргүзүлгөн
    © Фото / пресс-служба ГКНБ
  • Оружия, обнаруженные во время обыска в домах членов организованной преступной группировки в Ошской области
    Мындан сырткары бул иш-чара криминалдык элементтердин коомдук-саясий кырдаалга таасир этүүсүнө жол бербөө максатын көздөгөнү маалыматта айтылат.
    © Фото / пресс-служба ГКНБ
1 / 3
© Фото / пресс-служба ГКНБ
Улуттук коопсуздук боюнча мамлекеттик комитетинин кызматкерлери Ош облусунун аймагындагы уюшкан кылмыштуу топтордун (УКТ) 23 мүчөсүнүн үйүнө тинтүү жүргүзгөн

Иш-чара кылмыш жасоо үчүн уюшкан топ түзүү фактысы боюнча катталган сотко чейинки өндүрүштүн алкагында жүргүзүлгөн. Мындан сырткары, бул иш-чара криминалдык элементтердин коомдук-саясий кырдаалга таасир этүүсүнө жол бербөө максатын көздөгөнү маалыматта айтылат.

Кылмыштуу топ ишкердин мойнуна 100 миң доллар илип койгон. Шектүүлөр кармалды

Санкцияланган тинтүүлөрдүн жыйынтыгында табылгандар:

  • АК-47 үлгүсүндөгү эки мылтык;
  • эки травматикалык тапанча;
  • 32 мм калибрдеги белгисиз мылтык;
  • 12 мм калибрдеги "ТОЗ-34" маркасындагы көзөнөктүү эки мылтык;
  • оптикалык мээлегичи бар мылтык;
  • белгисиз маркадагы колдо жасалган мылтык (кесилген);
  • ТОЗ-16 маркасындагы мылтык;
  • 15 бычак;
  • жезден жасалган эки кастет;
  • көп сандагы октор.

Учурда УКМК тарабынан уюшкан кылмыштуу топтун ишин нейтралдаштыруу боюнча тиешелүү иш-чаралар улантылып жаткандыгын кошумчалашты.

156
Белгилер:
курал-жарак, тинтүү, Уюшкан кылмыштуу топ, Ош облусу, Кыргызстан
Тема боюнча
УКМК кримтөбөл Камчы Көлбаев бошотулат деген кептерге жооп кайтарды
ЖКККББдин жетекчи орун басарынын пара алып жаткан учуру видеого түшүп калган
Кары киши. Архивдик сүрөт

Беш айдан бери дайынсыз. Чүйдө 61 жаштагы киши изделүүдө

18
(жаңыланган 16:28 02.12.2020)
Издөө салынган киши күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

БИШКЕК, 2-дек. — Sputnik. Чүйдө беш айдан бери 61 жаштагы киши изделүүдө. Бул тууралуу Чүй облустук ички иштер башкармалыгынын маалымат кызматы кабарлады. 

Без вести пропавший Сулайманов Сайдали
© Фото / пресс-служба ОВД Московского района
Жоголуп кеткен 61 жаштагы Москва районунун Беш-Терек айылынын жашоочусу Сайдалы Сулайманов

Ага ылайык, жоголгон Сайдалы Сулайманов Москва районунун Беш-Терек айылында жашачу. Ал үйүнөн 2020-жылдын 15-июнунда чыгып кеткен боюнча кайрылып келген эмес.

Изделип жаткан кишинин бою 170-175 сантиметр, чачын ак баскан, кыска. Көздөрү кара, кашы калың. Ал күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

Дайынсыз жоголуп жаткан киши тууралуу кандайдыр бир маалымат болсо, Чүй ОИИБ (0312) 43-01-27, (0312) 43-88-85 телефондоруна, ал эми Москва райондук ИИБ (0312) 60-77-27, 0550 22-17-17,0707 54-21-71 номерлерине чалып коюуну өтүндү.

18
Белгилер:
Чүй облусу, милиция, белги, издөө
Тема боюнча
Баткенде жоголгон аял Өзбекстан менен Тажикстандан да изделип жатат. Сүрөт
Көз айнек жана сом купюралары. Архив

Ысык-Көл облустук өнүктүрүү фонду мамлекетке 13 млн. сом зыян келтиргени аныкталды

80
(жаңыланган 13:16 02.12.2020)
Башкы прокуратуранын маалыматына караганда, Ысык-Көл облустук өнүктүрүү фондунун башкаруу дирекциясы мыйзамсыз аракеттерди жасаган.

БИШКЕК, 2-дек. — Sputnik. Ысык-Көл облустук өнүктүрүү фондунун башкаруу дирекциясы мамлекетке 13 миллион сомдон ашуун зыян келтирген. Бул тууралуу Башкы прокуратурадан кабарлашты.

Ысык-Көл облустук прокуратурасы социалдык объектилерди курууга сарпталган акчанын максаттуу пайдаланылышы боюнча текшерүү жүргүзгөн.

Мааламатка караганда, аталган дирекция 2016-2019-жылдары З.С. аттуу жоопкерчилиги чектелген коому менен Жети-Өгүз районунун Светлая Поляна айылына спорт зал куруу үчүн келишим түзгөн. 2019-жылдын 4-мартында спорт зал пайдаланууга берилген.

"Бирок дирекциянын өкүлдөрү пайда көрүү үчүн кызматтык абалын кыянаттык менен пайдаланып З.С. ЖЧКсынын кызматкерлери менен сүйлөшүп алып айрым иштерди жогорулатылган баада жасаткан. Ошондой эле аткарылбаган иштер дагы сметага кирип калган. Анын кесепетинен мамлекетке 4 миллион 324 миң 200 сом зыян келтирилген", — деп айтылат маалыматта.

Ошондой эле 2014-2018-жылдар аралыгында Тоң районунун Тоң айылында бала бакча куруу үчүн дирекция менен жогоруда аталган ЖЧКнын ортосунда келишим түзүлүп, курулушу бүткөрүлдү делген бала бакча 2018-жылдын 29-майында пайдаланууга берилген.

"Мында дагы тараптар сүйлөшүп алып мамлекетти 4 миллион 378 миң 100 сом зыянга учураткан", — дешти Башкы прокуратурадан.

Мындан тышкары, 2015-2018-жылдар аралыгында Балыкчы шаарында бала бакча курууда дирекциянын кызмат адамдары менен ТИП коомунун кызматкерлеринин ушундай эле кылмыштуу аракеттеринен улам мамлекетке 4 миллион 338 миң 700 сом зыян келтирилгени айтылды.

Мамлекетке жалпы жонунан 13 миллион 041 миң сом өлчөмүндө зыян келтирилген.

Белгиленген фактылар Ыссык-Көл облустук прокуратурасы тарабынан Жазык кодексинин 320-беренеси ("Кызмат абалынан кыянаттык менен пайдалануу") менен КЖБРге катталып, сотко чейинки өндүрүш иши башталды.

80
Белгилер:
бюджет, коррупция, фонд, өнүктүрүү, Ысык-Көл облусу
Тема боюнча
Прокуратура 10 млн. сомдук жер тилкени мамлекетке кайтарды
Прокуратура: Бишкекте иштебеген мугалимдерге айлык төлөнгөн факты аныкталды
Чүй облусундагы Оруу-Сай лыжа базасы. Архив

Бейшембиге карата аба ырайы

0
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

0
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы