Бишкекте изделип жаткан 9 жаштагы Аяна Эмилбекова аман-эсен табылды

РИИБ: 9 жаштагы Аяна Эмилбекова аман-эсен табылды. Сүрөт

197
(жаңыланган 18:53 03.11.2020)
Өспүрүм кыз 31-октябрдан бери изделип жаткан. Бул күнү кичинекей Аянанын тууганы милицияга кайрылып, ал 31инде саат 15:00дөр чамасында Абдраев көчөсүндө жайгашкан үйүнөн чыккан боюнча кайтып келбегенин билдирген.

БИШКЕК, 3-ноя. — Sputnik. Бишкекте изделип жаткан 9 жаштагы Аяна Эмилбекова аман-эсен табылды. Бул тууралуу Ленин РИИБдин маалымат кызматы кабарлады.

Эскерте кетсек, өспүрүм кыз 31-октябрдан бери изделип жаткан. Бул күнү кичинекей Аянанын тууганы милицияга кайрылып, ал 31инде саат 15:00дөр чамасында Абдраев көчөсүндө жайгашкан үйүнөн чыккан боюнча кайтып келбегенин билдирген. Аталган факты Ленин РИИБдин Кылмыш жана жоруктардын бирдиктүү реестрине катталган.

Бишкектин чок ортосунан жоголуп кеткен тестиер кыз табылды. Сүрөт

"3-ноябрь күнү саат 15:00дөр чамасында өспүрүм кыз табылды. Милиция кызматкерлери мындан ары бул сыяктуу фактылар катталбашы үчүн түшүндүрүү иштерин жүргүзүп, жакындары менен сүйлөштү", — деп айтылат маалыматта.

Азыркы учурда милиция окуянын чоо-жайын териштирип жатат.

197
Белгилер:
түшүндүрүү иштери, милиция, издөө, өспүрүм, Бишкек
Тема боюнча
Бишкекте 9 жаштагы Аяна Эмилбекова изделип жатат. Сүрөт
Бишкектин чок ортосунан жоголуп кеткен тестиер кыз табылды. Сүрөт
Задержанный в наручниках. Архивное фото

Кайгуул милициясы: "Асанбай" паркында жардыруу жасады деген киши кармалды

48
(жаңыланган 13:28 04.12.2020)
Маалымат түшкөндөн кийин Кайгуул милициясы сейил бакка барганда чындыгында эле белгисиз бирөөлөрдүн жардыруу уюштурганы аныкталган.

БИШКЕК, 4-дек. — Sputnik. Борбор калаадагы "Асанбай" паркында жардыруу уюштурду деген шектүү кармалды. Бул туурасында Кайгуул милициясынын башкармалыгынын маалымат кызматынан кабарлашты.

  • Борбор калаадагы Асанбай паркында жардыруу уюштурду деген шектүү кармалды
    Борбор калаадагы "Асанбай" паркында жардыруу уюштурду деген шектүү кармалды
    © Фото / пресс-служба УПСМ Бишкека
  • Алгач милицияга 2-ноябрда борбор калаадагы Асанбай сейил багына белгисиз бирөөлөр жардыргыч зат ыргытып жиберди деген маалымат келип түшкөн
    Алгач милицияга 2-ноябрда борбор калаадагы "Асанбай" сейил багына белгисиз бирөөлөр жардыргыч зат ыргытып жиберди деген маалымат келип түшкөн
    © Фото / пресс-служба УПСМ Бишкека
  • Кайгуул милициясы ал жерге барганда чындыгында эле бирөөлөр жардыруу уюштурганы аныкталган
    Кайгуул милициясы ал жерге барганда чындыгында эле бирөөлөр жардыруу уюштурганы аныкталган
    © Фото / пресс-служба УПСМ Бишкека
1 / 3
© Фото / пресс-служба УПСМ Бишкека
Борбор калаадагы "Асанбай" паркында жардыруу уюштурду деген шектүү кармалды

Алгач милицияга 2-ноябрда борбор калаадагы "Асанбай" сейил багына белгисиз бирөөлөр жардыргыч зат ыргытып жиберди деген маалымат келип түшкөн. Кайгуул милициясы ал жерге барганда чындыгында эле бирөөлөр жардыруу уюштурганы аныкталган.

Бул иш боюнча милиция издөө иштерин жүргүзүп, 31 жаштагы жаран кармалып, андан ары териштирүү үчүн Октябрь райондук милициясына жеткирилген. Бул факт Кылмыш жана жоруктардын бирдиктүү реестрине катталган.

Аталган ведомстводон учурда сотко чейинки өндүрүш иштери жүрүп жатканы айтылды.

48
Белгилер:
"Асанбай" кичи району, Бишкек, Кыргызстан
Тема боюнча
Бишкектин чок ортосунан 18 жаштагы куралчан жаран кармалды. Сүрөт
Морг. Архив

Эңилчек тоосундагы эки адамдын өлүмү: шектүү өз жанын кыйганы аныкталды

69
(жаңыланган 13:01 04.12.2020)
Быйыл апрель айында "Хан Теңири" аңчылык лагеринен үч чакырым ары жактагы тоодон эркек кишинин сөөгү табылган.

БИШКЕК, 4-дек. — Sputnik. Ысык-Көл облусунун Эңилчек тоолорунан табылган белгисиз адамдын сөөгү аңчылык лагеринде эки адамды өлтүрүүгө шектелген Сергей Смирнов экени тастыкталды. Бул тууралуу облустук милициядан кабарлашты.

Эскерте кетсек, былтыр июль айында 29 жаштагы кызматкер "Хан-Теңири" аңчылык лагеринин жетекчисинин орун басары менен ошол жерде иштеген дагы бир кишини өлтүрүп, тоого жашырынып кеткен. Ал мамлекеттик издөөгө алынган болчу.

Тогуз айдан кийин аталган лагерден үч чакырым ары жактагы тоодон эркек кишинин сөөгү табылган. Кароо учурунда аскердик камуфляж менен сары түстөгү бут кийимдин бөлүктөрү, 25 огу бар "Вепрь" куралы алынган. Экспертизанын жыйынтыгында ал кылмышка шектүү Смирнов экени белгилүү болгон.

"Анын баш сөөгүндөгү мүнөздөмөгө караганда, өзүнүн жанын өзү кыйган", — деп айтылат маалыматта.

Смирнов окуя болгондон кийин ошол жердеги бир аялды барымтага алып, андан кийин аны кое берген. Өзү Түп айылындагы тоолордо жашырынып жүргөнү айтылып, издөөгө спецназ тартылган. Бирок табылган эмес.

69
Белгилер:
экспертиза, кылмыш, лагерь, Эңилчек
Тема боюнча
КРде канча киши түрмөдө отурат, канчасы оор кылмыш жасаган. Сандар
Сот депутат Абжалиевдин уулу катышкан кырсыктын күнөөкөрүн абактан бошотту
Көлдүн тоосунан табылган сөөк. ИИМ окуянын чоо-жайын айтты
Мурдагы ЖК депутаты Самат Ибраев. Архив

БШК талапкерлердин бири 30 миң кол чогултпаганын аныктап, жарыштан четтетти

0
(жаңыланган 14:20 04.12.2020)
БШК түндө тийиштүү документтерди 21 талапкер тапшырганын билдирген, анын арасында Ибраев дагы бар эле.

БИШКЕК, 4-дек. — Sputnik. Борбордук шайлоо комиссиясына кол топтоп, шайлоо күрөөсүн төктү делген президенттикке талапкерлердин бири Самат Ибраев жарыштан четтетилди.

Кечээ, 3-декабарда, саат 23:59да президенттикке аттангандардын 30 миң адамдын колун чогултуп, шайлоо күрөөсүн төгүү мөөнөтү аяктаган. БШК бул документтерди 21 талапкер тапшырганын билдирген. Арасында Ибраев дагы бар эле.

"БШКнын документтерди кабыл алуу боюнча жумушчу тобу Самат Ибраев 15 033 кол чогултканын аныктады. Ошондой эле шайлоо күрөөсүн төккөн маалым каты жок болуп чыкты. Буга байланыштуу тапшырган документи талапкердин өкүлүнө кайтарып берилди", — деп айтылат билдирүүдө.

БШКнын жумушчу тобу кол чогултуу барактарын сегиз күндүн аралыгында текшерип бүтүп, 10-декабрга чейин талапкер катары катташы шарт. Президенттик шайлоо кийинки жылдын 10-январына белгиленген.

0
Белгилер:
БШК, документ, шайлоо, Самат Ибраев, талапкер
Тема:
Кыргызстандагы президенттик шайлоо – 2021
Тема боюнча
Дагы алты киши президенттикке талапкерлигин алып салды
Күрөө тапшырып, 30 миңден ашуун кол чогулткан талапкерлер. Тизме