Бишкекте жаалданган топ милицияга кол көтөрүп, асманга ок атылды. Видео

© Sputnik / Алексей Сухоруков / Медиабанкка өтүүМилиция кызматкери. Архив
Милиция кызматкери. Архив - Sputnik Кыргызстан
Жазылуу
Ок атылган окуя боюнча үч адам кармалган. Ленин райондук милициясы бейбаштык фактысы боюнча иш козгоду.

БИШКЕК, 5-ноя. — Sputnik. Бишкекте жаалданган топтун кол салуусунан улам милиция асманга эскертүү иретинде ок атты. Бул тууралуу Ленин райондук милициясынын маалымат кызматы билдирди.

Окуя бүгүнкүгө караган түнү саат 01:25те Дооронбек Садырбаев менен Лев Толстой көчөлөрүнүн кесилишинде болгон. Окуянын видеосун "Короче" Telegram-каналы жарыялады.

Маалыматта айтылгандай, 01:00дө Биринчи май райондук милиция кызматкерлери Бишкек травматология жана ортопедия илим изилдөө борборунан чыгышкан. Жогоруда айтылган көчө кесилишинде Daewoo Nexia жол эрежесин одоно бузуп, милициянын автоунаасы менен кагышып кете жаздагандыктан аны милиция токтоткон. Айдоочу буга баш ийбестен Толстой — Репин көчөсүнө жакын жердеги кафенин жанына барып токтогон.

"Милиция токтобой кеткен автоунааны башкарган адамдын ким экендигин тактоо учурунда ал жана 10-15 чакты адам айбат көрсөтүп, милицияга күч колдоно баштаган", — деп айтылат билдирүүдө.

Жаалданган топту артка кайтаруу үчүн милиция эскертүү иретинде асманга ок атууга аргасыз болгон.

Араванда милиционерди себепсиз уруп жиберди делген киши кармалды

Аягында 22-24 жаштардагы үч жаран кармалган. Окуя болгон жерден октун калдыктары (гильза) жана манжа белгилери алынган. Ал эми Daewoo автоунаасы айып короого киргизилген. Окуя боюнча "Бейбаштык" беренеси менен сотко чейинки өндүрүш башталган. Тергөө жүрүүдө.

Жаңылыктар түрмөгү
0