Жүк ташуу унаа жол кырсыктан кийин. Архив

Кара-Кечеде көмүр ташыган автоунаа оодарылып, бир киши каза болду. Видео

272
(жаңыланган 09:48 11.11.2020)
Жүк ташуучу автоунаа көмүр жүктөп алып Бишкек шаарын көздөй келе жатканы айтылды. Кырсык бүгүн күндүз болгон.

БИШКЕК, 10-ноя. — Sputnik. Нарын облусундагы Кара-Кече көмүр кенинен жүк алып келе жаткан автоунаа жолдон чыгып оодарылып кетип, бир адам каза болду. Бул тууралуу маалыматты ИИМдин Жол кыймылынын коопсуздугун камсыздоо боюнча башкы башкармалыгынан тастыкташты.

Кырсыктан кийин тартылган видео "Короче" Telegram каналына жарыяланды.

"Кырсык бүгүн күндүз болгон. Кара-Кечеден көмүр салып алып, жер көчкүдөн кийин убактылуу ачылган жол менен келе жаткан автоунаа ылдый түшө бериште күү менен барып, алдыдагы башка жүк ташуучу унааны сүзүп алган. Ошол маалда арттагы автоунаа оодарылып кеткен", — деп айтылат ЖКККББнын билдирүүсүндө.

Кара-Кече кени кадимки калыбында иштеп, көмүр ташып чыгуу токтогон жок

Кырсыктын кесепетинен айдоочу Жумгал райондук ооруканасына жеткирилип, жанындагы адам кырсык болгон жерде көз жумган.

Аталган факты Кылмыш жана жоруктардын бирдиктүү реестрине катталып, тиешелүү экспертизалар дайындалды.

272
Белгилер:
өлүм, жол кырсык, Кара-Кече, Нарын
Тема:
2020-жылдын башынан бери Кыргызстанда болгон жол кырсыктар (284)
Тема боюнча
Күү менен капталдап келип, тосмону сүздү. Бишкектеги жол кырсыктын видеосу
Түрмөдө отурган кылмышкерлер. Архивдик сүрөт

ЖАМК: абактагы 100дөй адам коронавирус жуктуруп алган, каза болгондору да бар

50
(жаңыланган 17:52 03.12.2020)
Аскат Эгембердиев ЖАМК коронавирусту алдын алуу жана дарылоонун алгоритмин иштеп чыкканын билдирди. Анда төрт ыкчам бригада иштеп жатат.

БИШКЕК, 3-дек. — Sputnik. Түзөтүү колонияларындагы соттолуучулардын 100гө жакыны коронавирус жуктуруп алган. Бул тууралуу Жаза аткаруу мамлекеттик кызматынын жетекчиси Аскат Эгембердиев билдирди. Ал "ЖАМК башчысы мунапыс, колониядагы экстремисттер жана уюшкан кылмыштуулукка каршы күрөшүү боюнча абал жөнүндө" деген аталышта өткөн брифингге катышты. 

Председатель Государственной службы исполнения наказаний Аскат Эгембердиев в мультимедийном пресс-центре Sputnik Кыргызстан.
© Sputnik / Табылды Кадырбеков
Жаза аткаруу мамлекеттик кызматынын жетекчиси Аскат Эгембердиев

Анын айтымында, ЖАМК COVID-19 менен күрөшүүдө бардык чараларды көрүп жатат.

"Пандемиянын биринчи толкунун эске алганда 100дөн ашык соттолуучудан коронавирус табылды. Учурда төртөө дарыланып жатат, калгандары сакайып кетти. Тилекке каршы, төрт адам бул илдеттен көз жумду. Белгилей кетчү жагдай, оорудан улам көз жумгандардын саны былтыркы статистикадай эле. Анда пандемия жок болчу", — деди жетекчи.

Эгембердиев ЖАМК коронавирусту алдын алуу жана дарылоонун алгоритмин иштеп чыкканын кошумчалады.

"Биз төрт ыкчам бригаданы уюштурдук. Медиктер күнү-түнү кырдаалга көз салып турушат. Жалпы 13 медициналык-санитардык бөлүк, төрт саламаттык сактоо пунктусу, эки оорукана бар", — деди ал.

Эгембердиев эгер соттолуучулардын жакындары келсе алардан сөзсүз түрдө ПЦР-анализдин жыйынтыгы талап кылынарын кошумчалады.

50
Белгилер:
коронавирус, абак, ЖАМК
Тема:
Кыргызстандагы коронавирус жуктуруп алгандар
Тема боюнча
Жапаровдун мунапысы менен абактан чыккан 230 адам кайсы кылмышы үчүн соттолгон
УКМК: Камчы Көлбаев ден соолугуна байланыштуу №47 түзөтүү жайына которулду
Автоунаа жол кырсыктан кийин. Архив

Таласта үч унаа кагышып, адамдар жабыркады. Видео

77
(жаңыланган 16:47 03.12.2020)
Жол кырсыгы кечээ күнү күндүз болгон. Анын кесепетинен айдоочу менен жүргүнчү жабыркаган. Учурда териштирүү иштери жүрүп жатат.

БИШКЕК, 3-дек. — Sputnik. Талас облусунда үч унаа кырсыктап, адамдар жабыркады. Бул тууралуу Жол кыймылы коопсуздугун камсыздоо башкы башкармалыгынан кабарлашты.

Кырсык болгон жерден тартылган видео "Короче" Telegram-каналына жарыяланды.

Кадрдан жабыркаган адамдарды алып чыгып жатышканын көрүүгө болот.

ЖКККББдан билдиришкендей, жол кырсыгы Талас районунда 2-декабрь күнү болгон.

Анда бири-бирин көздөй келе жаткан ВАЗ-2106 менен Ford Transit микроавтобусу кагышып, микроавтобустун жанында бараткан Toyota Wish дагы жабыркаган.

Маалыматка караганда, окуянын кесепетинен 29 жаштагы айдоочу менен 24 жаштагы жүргүнчү дагы жабыркаган. Алар райондук ооруканага жеткирилген.

Учурда териштирүү амалдары жүрүүдө.

77
Белгилер:
жол кырсык, Талас облусу
Тема:
2020-жылдын башынан бери Кыргызстанда болгон жол кырсыктар (284)
Тема боюнча
Жолдо кыйылган үч өмүр. Жалал-Абаддагы автокырсыктын сүрөттөрү
Бишкектин четинде эл ташыган маршрутка оодарылып калды. Видео
Аял кол чатыр менен бара жатат. Архив

Жума күнүнө карата аба ырайы

0
4-декабрга караган түнү республиканын көпчүлүк аймактарында кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 3-дек. — Sputnik. 4-декабрда күндүз өлкөдө суук болуп, жолдор тайгак болот. Бул тууралуу Кыргызгидромет билдирди.

Абанын температурасы Чүй облусунда -2…+3, Ош, Жалал-Абад, Баткен аймактарында 0…+5, Талас жана Нарын өрөөндөрүндө -4…+1, Ысык-Көлдө -1…+4 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда 0…+2, Ош шаарында +3…+5 градус жылыйт.

 

0
Белгилер:
Кыргызстан, декабрь, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы