Жүргүнчүлөрдү текшерип жаткан бажы кызматкери. Архив

Перс булуңуна жөнөтүп. КРде мыйзамсыз миграция иштерин уюштурган көмүскө канал табылды

226
(жаңыланган 11:11 11.11.2020)
Жумушка орноштурган жеке компаниялардын биринин кызматкерлери Перс булуңундагы өлкөлөргө мыйзамсыз чыгууга көмөк көрсөтүп келишкен.

БИШКЕК, 11-ноя. — Sputnik. ИИМдин Экстремизм жана мыйзамсыз миграцияга каршы иштөө боюнча кызматы Кыргызстандын аймагынан тышкары мыйзамсыз миграцияны уюштургандарды аныкташты. Бул тууралуу ИИМдин басма сөз бөлүмүнөн кабарлады.

Маалыматка ылайык, жумушка орноштуруучу жеке компаниялардын биринин кызматкерлери кыргызстандыктардын Перс булуңундагы өлкөлөргө мыйзамсыз чыгуусуна көмөк көрсөтүп келишкен. Алардын Кыргызстан жарандарын башка өлкөлөргө жумушка орноштуруу боюнча ишмердүүлүк менен алектенүү укугуна уруксаты жок болгон.

Бангладештен Өзбекстанга 900 мигрант иштегени келет

"Аталган факты Кылмыш жана жоруктардын бирдиктүү реестрине КРдин Жоруктар жөнүндө кодексинин 122-беренеси ("Мыйзамсыз миграцияны уюштуруу") боюнча катталды. Ал эми жумушка орноштуруу боюнча агенттиктин жетекчиси Ж.А. аттуу аялдын өзүнө анын шек жаратып жатканы туурасында кабарланды", — деп айтылат маалыматта.

Маалымат кызматы бул боюнча топтолгон материалдар жакынкы күндөрү сотко жөнөтүлөрүн кошумчалады.

226
Белгилер:
шектүү, кылмыш, миграция, ИИМ
Тема боюнча
Якутияда мигранттар үчүн тиркеме иштелип чыкты. Ал кыргыз тилинде да жеткиликтүү
Жыл башынан бери Кыргызстандан 316 чет элдик жаран депортацияланды
Түрмөдө отурган кылмышкерлер. Архивдик сүрөт

ЖАМК: абактагы 100дөй адам коронавирус жуктуруп алган, каза болгондору да бар

51
(жаңыланган 17:52 03.12.2020)
Аскат Эгембердиев ЖАМК коронавирусту алдын алуу жана дарылоонун алгоритмин иштеп чыкканын билдирди. Анда төрт ыкчам бригада иштеп жатат.

БИШКЕК, 3-дек. — Sputnik. Түзөтүү колонияларындагы соттолуучулардын 100гө жакыны коронавирус жуктуруп алган. Бул тууралуу Жаза аткаруу мамлекеттик кызматынын жетекчиси Аскат Эгембердиев билдирди. Ал "ЖАМК башчысы мунапыс, колониядагы экстремисттер жана уюшкан кылмыштуулукка каршы күрөшүү боюнча абал жөнүндө" деген аталышта өткөн брифингге катышты. 

Председатель Государственной службы исполнения наказаний Аскат Эгембердиев в мультимедийном пресс-центре Sputnik Кыргызстан.
© Sputnik / Табылды Кадырбеков
Жаза аткаруу мамлекеттик кызматынын жетекчиси Аскат Эгембердиев

Анын айтымында, ЖАМК COVID-19 менен күрөшүүдө бардык чараларды көрүп жатат.

"Пандемиянын биринчи толкунун эске алганда 100дөн ашык соттолуучудан коронавирус табылды. Учурда төртөө дарыланып жатат, калгандары сакайып кетти. Тилекке каршы, төрт адам бул илдеттен көз жумду. Белгилей кетчү жагдай, оорудан улам көз жумгандардын саны былтыркы статистикадай эле. Анда пандемия жок болчу", — деди жетекчи.

Эгембердиев ЖАМК коронавирусту алдын алуу жана дарылоонун алгоритмин иштеп чыкканын кошумчалады.

"Биз төрт ыкчам бригаданы уюштурдук. Медиктер күнү-түнү кырдаалга көз салып турушат. Жалпы 13 медициналык-санитардык бөлүк, төрт саламаттык сактоо пунктусу, эки оорукана бар", — деди ал.

Эгембердиев эгер соттолуучулардын жакындары келсе алардан сөзсүз түрдө ПЦР-анализдин жыйынтыгы талап кылынарын кошумчалады.

51
Белгилер:
коронавирус, абак, ЖАМК
Тема:
Кыргызстандагы коронавирус жуктуруп алгандар
Тема боюнча
Жапаровдун мунапысы менен абактан чыккан 230 адам кайсы кылмышы үчүн соттолгон
УКМК: Камчы Көлбаев ден соолугуна байланыштуу №47 түзөтүү жайына которулду
Автоунаа жол кырсыктан кийин. Архив

Таласта үч унаа кагышып, адамдар жабыркады. Видео

78
(жаңыланган 16:47 03.12.2020)
Жол кырсыгы кечээ күнү күндүз болгон. Анын кесепетинен айдоочу менен жүргүнчү жабыркаган. Учурда териштирүү иштери жүрүп жатат.

БИШКЕК, 3-дек. — Sputnik. Талас облусунда үч унаа кырсыктап, адамдар жабыркады. Бул тууралуу Жол кыймылы коопсуздугун камсыздоо башкы башкармалыгынан кабарлашты.

Кырсык болгон жерден тартылган видео "Короче" Telegram-каналына жарыяланды.

Кадрдан жабыркаган адамдарды алып чыгып жатышканын көрүүгө болот.

ЖКККББдан билдиришкендей, жол кырсыгы Талас районунда 2-декабрь күнү болгон.

Анда бири-бирин көздөй келе жаткан ВАЗ-2106 менен Ford Transit микроавтобусу кагышып, микроавтобустун жанында бараткан Toyota Wish дагы жабыркаган.

Маалыматка караганда, окуянын кесепетинен 29 жаштагы айдоочу менен 24 жаштагы жүргүнчү дагы жабыркаган. Алар райондук ооруканага жеткирилген.

Учурда териштирүү амалдары жүрүүдө.

78
Белгилер:
жол кырсык, Талас облусу
Тема:
2020-жылдын башынан бери Кыргызстанда болгон жол кырсыктар
Тема боюнча
Жолдо кыйылган үч өмүр. Жалал-Абаддагы автокырсыктын сүрөттөрү
Бишкектин четинде эл ташыган маршрутка оодарылып калды. Видео
Аял кол чатыр менен бара жатат. Архив

Жума күнүнө карата аба ырайы

0
4-декабрга караган түнү республиканын көпчүлүк аймактарында кар жаайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 3-дек. — Sputnik. 4-декабрда күндүз өлкөдө суук болуп, жолдор тайгак болот. Бул тууралуу Кыргызгидромет билдирди.

Абанын температурасы Чүй облусунда -2…+3, Ош, Жалал-Абад, Баткен аймактарында 0…+5, Талас жана Нарын өрөөндөрүндө -4…+1, Ысык-Көлдө -1…+4 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда 0…+2, Ош шаарында +3…+5 градус жылыйт.

 

0
Белгилер:
Кыргызстан, декабрь, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы