Кримтөбөл Камчы Көлбаев. Архив

ЖАМК соцтармакта тараган Камчы Көлбаевдин видеосу боюнча үн катты

384
(жаңыланган 19:27 11.11.2020)
Текшерүү учурунда абакта жаткан 24 жаштагы жигиттен телефон табылып, видео анын аппаратына тартылганы аныкталган.

БИШКЕК, 11-ноя. — Sputnik. Жаза аткаруу мамлекеттик кызматы кримтөбөл Камчы Көлбаев катышкан видеону тартып алган адам айып изоляторуна киргизилгенин кабарлады.

Буга чейин интернетте футбол аянтчасында жайылган дасторкондун четинде отурган Камчы Көлбаевдин видеосу тараган. ЖМКлар абактагылар кримтөбөлдү дасторкон даярдап тосуп алды деп жазып чыгышкан.

"Ыкчам иш-чаранын жүрүшүндө видео 5-ноябрь күнү тартылганы маалым болду. Бул күнү мекеменин администрациясы план боюнча Тарых жана ата-бабаларды эскерүү майрамына карата спорттук иш-чара, анын ичинде чакан футбол турнирин уюштурган. Түшкү тамак учурунда дасторкон жайылып куран окутулган", — деп айтылат маалыматта.

Текшерүү учурунда абакта жаткан 24 жаштагы жигиттен телефон табылып, видео анын аппаратына тартылганы аныкталган. Ал буга чейин Кылмыш кодексинин 164 жана 202-беренеси боюнча 10 жылга эркинен ажыратылган.

"Видеого тартканы үчүн ал Жаза аткаруу кодексинин 118-беренесинин 3-бөлүмүнө ылайык, айып изоляторуна бир айга киргизилген", — деп жазылат билдирмеде.

ЖАМК Атамбаевдин абактан тартылган сүрөтү боюнча үн катты

Мындан сырткары, чөнтөк телефонду колдонууга уруксат берген мекеме кызматкерлерин аныктоо боюнча да текшерүү иштери жүрүп жатат.

384
Белгилер:
абак, телефон, видео, Камчы Көлбаев, ЖАМК
Тема:
Камчы Көлбаевдин кармалышы (11)
Тема боюнча
УКМК: Камчы Көлбаев ден соолугуна байланыштуу №47 түзөтүү жайына которулду
Массалык мушташ. Архив

Түндө ЦУМда массалык мушташ чыгып, 15 киши кармалган. Милициянын видеосу

5
Жерине кайгуул милициясынын бир экипажы жөнөтүлүп, бирок кишинин көптүгүнө байланыштуу дагы экөө жиберилген. Бирок интернетте андан көп барганы айтылат.

БИШКЕК, 3-дек. — Sputnik. Бүгүн, 3-декабрга караган түнү, Бишкектеги "Айчүрөк" дүр-дүйнө дүкөнүнүн (ЦУМ) жанында массалык мушташ чыгып, 15 киши кармалган. Бул тууралуу Милициянын кайгуул кызматы билдирди.

"Короче" Telegram-каналында ЦУМдун жанында милициянын тогуз унаасы өтүп бараткан видео жүктөлдү.

Бирок кайгуул кызматынын билдиришинче, окуя болгон жерге үч экипаж гана жөнөтүлгөн.

"3-декабрга караган түнү саат 2:30да 102 кызматына ЦУМдун жанында массалык мушташ тууралуу кабар түшкөн. Жерине кайгуул милициясынын бир экипажы жөнөтүлгөн. Бирок кишинин көптүгүнө байланыштуу дагы экөө жиберилген", — деп айтылат маалыматта.

Мушташ токтотулуп, 15тей адам Свердлов райондук милициясына алып келинген.

5
Белгилер:
унаа, милиция, мушташ, ЦУМ, Бишкек
Тема боюнча
Ош шаарында милиционер менен тургундар мушташа кетти. Видео
Түрмөдө отурган кылмышкерлер. Архивдик сүрөт

ЖАМК: абактагы 100дөй адам коронавирус жуктуруп алган, каза болгондору да бар

51
(жаңыланган 17:52 03.12.2020)
Аскат Эгембердиев ЖАМК коронавирусту алдын алуу жана дарылоонун алгоритмин иштеп чыкканын билдирди. Анда төрт ыкчам бригада иштеп жатат.

БИШКЕК, 3-дек. — Sputnik. Түзөтүү колонияларындагы соттолуучулардын 100гө жакыны коронавирус жуктуруп алган. Бул тууралуу Жаза аткаруу мамлекеттик кызматынын жетекчиси Аскат Эгембердиев билдирди. Ал "ЖАМК башчысы мунапыс, колониядагы экстремисттер жана уюшкан кылмыштуулукка каршы күрөшүү боюнча абал жөнүндө" деген аталышта өткөн брифингге катышты. 

Председатель Государственной службы исполнения наказаний Аскат Эгембердиев в мультимедийном пресс-центре Sputnik Кыргызстан.
© Sputnik / Табылды Кадырбеков
Жаза аткаруу мамлекеттик кызматынын жетекчиси Аскат Эгембердиев

Анын айтымында, ЖАМК COVID-19 менен күрөшүүдө бардык чараларды көрүп жатат.

"Пандемиянын биринчи толкунун эске алганда 100дөн ашык соттолуучудан коронавирус табылды. Учурда төртөө дарыланып жатат, калгандары сакайып кетти. Тилекке каршы, төрт адам бул илдеттен көз жумду. Белгилей кетчү жагдай, оорудан улам көз жумгандардын саны былтыркы статистикадай эле. Анда пандемия жок болчу", — деди жетекчи.

Эгембердиев ЖАМК коронавирусту алдын алуу жана дарылоонун алгоритмин иштеп чыкканын кошумчалады.

"Биз төрт ыкчам бригаданы уюштурдук. Медиктер күнү-түнү кырдаалга көз салып турушат. Жалпы 13 медициналык-санитардык бөлүк, төрт саламаттык сактоо пунктусу, эки оорукана бар", — деди ал.

Эгембердиев эгер соттолуучулардын жакындары келсе алардан сөзсүз түрдө ПЦР-анализдин жыйынтыгы талап кылынарын кошумчалады.

51
Белгилер:
коронавирус, абак, ЖАМК
Тема:
Кыргызстандагы коронавирус жуктуруп алгандар
Тема боюнча
Жапаровдун мунапысы менен абактан чыккан 230 адам кайсы кылмышы үчүн соттолгон
УКМК: Камчы Көлбаев ден соолугуна байланыштуу №47 түзөтүү жайына которулду