Ички иштер министринин орун басары Сүйүн Өмүрзаковдун прокурор болуп иштеген бир тууган иниси Улукбек Өмүрзаков. Архивдик сүрөт

82 млн. сомдук көмүр... Ошто Сүйүн Өмүрзаковдун прокурор иниси кармалды. Сүрөт

4018
(жаңыланган 19:36 12.11.2020)
УКМК, ИИМ жана Башкы прокуратуранын кызматкерлеринен турган ыкчам-тергөө тобу түзүлүп, текшерүү иштерин улантууда.

БИШКЕК, 12-ноя. — Sputnik. Ички иштер министринин орун басары Сүйүн Өмүрзаковдун прокурор болуп иштеген бир тууган иниси Улукбек Өмүрзаков көмүр кенин басып алууга шектелип кармалды. Бул тууралуу УКМКнын маалымат кызматы кабарлады.

Аны менен кошо кылмышка тиешеси бар делген төрт жакын адамы дагы колго түшүрүлгөн. 

Задержанный Улук Омурзаков с приближенными, которые подозреваются в рейдерском захвате угольного месторождения в Оше
© Фото / пресс-служба ГКНБ
Көмүр кенин басып алууга шектелип кармалгандар
"Иликтөөнүн алдын ала маалыматы боюнча, быйыл январь айында "Мухамед Умар" (Өмүрзаковдорго таандык) спорт клубунун балдары коштогон топ "Жолчырак" көмүр кенине басып кирип, жумушчуларды карьердин сыртына чыгарып салган. Атайын техникаларды мыйзамсыз түрдө тартып алып, 82 миллион сомдук көмүр казып ташып кеткен. Ал үчүн салыктык жана социалдык төлөмдөрдү төккөн эмес. Алар жергиликтүү бийликтин кен казууну токтотуу боюнча бир нече талаптарын, эскертүүлөрүн четке каккан. Бул кылмыш ишине шектелип Ош облусундагы прокуратура бөлүмүнүн улук прокурору О.У. жана анын рейдерлик басып алууга тиешеси бар төрт жакын адам кармалды", — деп айтылат билдирүүдө.

Аталган факты боюнча УКМК, ИИМ жана Башкы прокуратуранын кызматкерлеринен турган ыкчам-тергөө тобу түзүлүп, текшерүү иштерин улантууда.

Эс алуу бөлмөсүндө акча санап отурган. Аламүдүндүн прокурорун кармаган видео

Белгилей кетсек, президенттин милдетин аткаруучу Садыр Жапаров Ошко барып эл менен кезиккенде Канназар Ыдырысов аттуу 51 жаштагы тургун ИИМ жетекчисинин орун басарынын бир тууганы кысымга алганын айткан. Ошол эле күнү маселенин чоо-жайын аныктоо үчүн ал УКМКнын башкы башкармалыгына чакыртылган. Эртеси Ыдырысов УКМКга арыз жазып, бир жыл мурдараак өзү негиздөөчүлөрдүн бири болгон "Жолчырак" ЖЧК көмүр кенин Улукбек Өмүрзаков басып алганын билдирген. Ошондой эле "үлүш" катары андан акча талап кылганына арызданган.

4018
Белгилер:
кармоо, басып алуу, кен, көмүр, Ош, окшош, Сүйүн Өмүрзаков
Тема боюнча
Сузакта милиция кызматкери 30 000 сом пара алып жатканда кармалды
Бакиевдин жакындарына жардам берген. Бишкекте мурдагы судья кармалды
500 миң сом сураган. Көмүр боюнча тендердик комиссиянын мүчөсү кармалды
Кары киши. Архивдик сүрөт

Беш айдан бери дайынсыз. Чүйдө 61 жаштагы киши изделүүдө

15
(жаңыланган 16:28 02.12.2020)
Издөө салынган киши күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

БИШКЕК, 2-дек. — Sputnik. Чүйдө беш айдан бери 61 жаштагы киши изделүүдө. Бул тууралуу Чүй облустук ички иштер башкармалыгынын маалымат кызматы кабарлады. 

Без вести пропавший Сулайманов Сайдали
© Фото / пресс-служба ОВД Московского района
Жоголуп кеткен 61 жаштагы Москва районунун Беш-Терек айылынын жашоочусу Сайдалы Сулайманов

Ага ылайык, жоголгон Сайдалы Сулайманов Москва районунун Беш-Терек айылында жашачу. Ал үйүнөн 2020-жылдын 15-июнунда чыгып кеткен боюнча кайрылып келген эмес.

Изделип жаткан кишинин бою 170-175 сантиметр, чачын ак баскан, кыска. Көздөрү кара, кашы калың. Ал күрөң түстөгү свитер, жеңи кыска көйнөк, көк түстөгү спорттук шым, кара туфли жана башына кара кепка кийип жүргөн.

Дайынсыз жоголуп жаткан киши тууралуу кандайдыр бир маалымат болсо, Чүй ОИИБ (0312) 43-01-27, (0312) 43-88-85 телефондоруна, ал эми Москва райондук ИИБ (0312) 60-77-27, 0550 22-17-17,0707 54-21-71 номерлерине чалып коюуну өтүндү.

15
Белгилер:
Чүй облусу, милиция, белги, издөө
Тема боюнча
Баткенде жоголгон аял Өзбекстан менен Тажикстандан да изделип жатат. Сүрөт
Көз айнек жана сом купюралары. Архив

Ысык-Көл облустук өнүктүрүү фонду мамлекетке 13 млн. сом зыян келтиргени аныкталды

74
(жаңыланган 13:16 02.12.2020)
Башкы прокуратуранын маалыматына караганда, Ысык-Көл облустук өнүктүрүү фондунун башкаруу дирекциясы мыйзамсыз аракеттерди жасаган.

БИШКЕК, 2-дек. — Sputnik. Ысык-Көл облустук өнүктүрүү фондунун башкаруу дирекциясы мамлекетке 13 миллион сомдон ашуун зыян келтирген. Бул тууралуу Башкы прокуратурадан кабарлашты.

Ысык-Көл облустук прокуратурасы социалдык объектилерди курууга сарпталган акчанын максаттуу пайдаланылышы боюнча текшерүү жүргүзгөн.

Мааламатка караганда, аталган дирекция 2016-2019-жылдары З.С. аттуу жоопкерчилиги чектелген коому менен Жети-Өгүз районунун Светлая Поляна айылына спорт зал куруу үчүн келишим түзгөн. 2019-жылдын 4-мартында спорт зал пайдаланууга берилген.

"Бирок дирекциянын өкүлдөрү пайда көрүү үчүн кызматтык абалын кыянаттык менен пайдаланып З.С. ЖЧКсынын кызматкерлери менен сүйлөшүп алып айрым иштерди жогорулатылган баада жасаткан. Ошондой эле аткарылбаган иштер дагы сметага кирип калган. Анын кесепетинен мамлекетке 4 миллион 324 миң 200 сом зыян келтирилген", — деп айтылат маалыматта.

Ошондой эле 2014-2018-жылдар аралыгында Тоң районунун Тоң айылында бала бакча куруу үчүн дирекция менен жогоруда аталган ЖЧКнын ортосунда келишим түзүлүп, курулушу бүткөрүлдү делген бала бакча 2018-жылдын 29-майында пайдаланууга берилген.

"Мында дагы тараптар сүйлөшүп алып мамлекетти 4 миллион 378 миң 100 сом зыянга учураткан", — дешти Башкы прокуратурадан.

Мындан тышкары, 2015-2018-жылдар аралыгында Балыкчы шаарында бала бакча курууда дирекциянын кызмат адамдары менен ТИП коомунун кызматкерлеринин ушундай эле кылмыштуу аракеттеринен улам мамлекетке 4 миллион 338 миң 700 сом зыян келтирилгени айтылды.

Мамлекетке жалпы жонунан 13 миллион 041 миң сом өлчөмүндө зыян келтирилген.

Белгиленген фактылар Ыссык-Көл облустук прокуратурасы тарабынан Жазык кодексинин 320-беренеси ("Кызмат абалынан кыянаттык менен пайдалануу") менен КЖБРге катталып, сотко чейинки өндүрүш иши башталды.

74
Белгилер:
бюджет, коррупция, фонд, өнүктүрүү, Ысык-Көл облусу
Тема боюнча
Прокуратура 10 млн. сомдук жер тилкени мамлекетке кайтарды
Прокуратура: Бишкекте иштебеген мугалимдерге айлык төлөнгөн факты аныкталды
Тез жардам кызматы. Архив

Сурабалдиева Тез жардам станциясынын жабдылбай калышын кызматтагы жубайлардан көрүүдө

0
(жаңыланган 17:35 02.12.2020)
Тез жардам станциясынын жетекчиси Искендер Шаяхметов болсо, анын жубайы Бактыгүл Исмаилова Бишкек мэриясынын саламаттык сактоо башкармалыгынын жетекчиси болуп эмгектенет.

БИШКЕК, 2-дек. — Sputnik. Вице-премьер Эльвира Сурабалдиева Республикалык ыкчам штабдын жыйынында Тез жардам станциясы жабдылбай калганы боюнча маселеге көңүлүн бурду.

Анын айтымында, маселе айлык акыга гана байланыштуу эмес.

"Тез жардам станциясынын жабдылбай калганынын себеби эмнеде? Жеке пикиримде, анын себеби айлык акыга гана байланыштуу эмес. Мага белгилүү болгондой, жубайы Бишкек шаары боюнча түзүмдүк бөлүктөрдү башкарса, жолдошу Тез жардам станциясынын ишин координациялайт. Маалыматтарга ылайык, ошол эле учурда жолдошу жеке Тез жардам кызматын ачкан. Мында түздөн-түз кызыкчылыктардын кагылышы бар экендиги байкалбайбы? Бишкек шаардык мэриясы кызыкчылыктардын кагылышуусу жана маселенин моралдык тарабын эске алуу менен кызматтык иликтөө жүргүзүүсү тийиш", — деди ал.

Белгилей кетсек, Тез жардам станциясынын жетекчиси Искендер Шаяхметов болсо, анын жубайы Бактыгүл Исмаилова Бишкек мэриясынын саламаттык сактоо башкармалыгынын жетекчиси болуп эмгектенет.

0
Белгилер:
Элвира Сурабалдиева, "Тез жардам" кызматы, КР Саламаттык сактоо министрлиги, Бишкек мэриясы
Тема боюнча
Сурабалдиева: бейтаптарга жайында курамы текшерилбеген кытай дарылары берилген