ИИМдин кызматкери пара алып кармалды

УКМК: ИИМдин кызматкери пара алып жаткан жеринен кармалды

437
(жаңыланган 14:20 13.11.2020)
Бишкек шаарынын Ленин райондук ички иштер башкармалыгынын З.Ж.А. аттуу кызматкери 30 миң сом өлчөмүндө акча алып жаткан жеринен колго түшүрүлгөн.

БИШКЕК, 13-ноя. — Sputnik. Пара алуу фактысы менен Ички иштер министрлигинин кызматкери кармалды. Бул тууралуу УКМКнын маалымат кызматы кабарлады.

30 тысяч сомов, найденные у задержанного оперуполномоченного УВД Ленинского района при получении взятки
© Фото / пресс-служба ГКНБ КР
Пара алуу фактысы боюнча Ички иштер министрлигинин кызматкери кармалды

Билдирмеге ылайык, УКМК менен ИИМдин ички иликтөө кызматы ыкчам издөө иш-чараларын жүргүзүп, жыйынтыгында Бишкек шаарынын Ленин райондук ички иштер башкармалыгынын З.Ж.А. аттуу ыкчам кызматкери 30 миң сом өлчөмүндө акча алып жаткан жеринен колго түшүрүлгөн. Окуя 12-ноябрда болгон.

"Кармалган адам арыз ээсинен сотко чейинки процессте жоопко тартылбаганы үчүн 100 миң сом өлчөмүндө акча талап кылган", — деп айтылат маалыматта.

Аталган факты Кылмыш-жаза кодексинин 326-беренесинин 1-бөлүгү ("Пара талап кылуу") боюнча кылмыштардын жана жоруктардын бирдиктүү реестрине катталды.

Спецназ жабыла кирип басып калды. Сүйүн Өмүрзаковдун инисин кармаган видео

ИИМдин кызматкери УКМКнын убактылуу кармоочу жайына киргизилгени айтылды. Учурда тиешелүү ыкчам иликтөө иш-чаралары жүргүзүлүп жатат.

437
Белгилер:
кармоо, пара, кызматкер, ИИМ, УКМК
Тема боюнча
82 млн. сомдук көмүр... Ошто Сүйүн Өмүрзаковдун прокурор иниси кармалды. Сүрөт
УКМК: радиожыштык чыры боюнча өкмөттүн аппаратынын мурдагы жетекчиси кармалды
Алтын куймалары. Архив

Мурдагы чекист кармалды. УКМК алтын аткезчилиги боюнча иштин чоо-жайын атты

55
(жаңыланган 19:36 28.11.2020)
Дүйшөнбек Чоткараев 2016-2018-жылдары УКМКга Абдил Сегизбаев төрага болуп турган кезде анын орун басары болуп Коррупцияга каршы кызматты жетектеген.

БИШКЕК, 28-ноя. — Sputnik. Алтын аткезчилиги боюнча УКМКнын төрагасынын мурдагы орун басары Дүйшөнбек Чоткараев кармалып, күбө катары сурак берди. Бул тууралуу аталган комитеттен билдиришти.

Ошондой эле ведомство президенттикке талапкер Абдил Сегизбаевдин бул иш боюнча пикирине өз позициясын билдирди. Буга чейин Сегизбаев анын штабын координациялап жаткан Чоткараевди кармоо менен өзүнө саясий басым жасалып жатканын айткан.

Эске салсак, Дүйшөнбек Чоткараев 2016-2018-жылдары Абдил Сегизбаев УКМКнын төрагасы кезинде анын орун басары болуп Коррупцияга каршы кызматты жетектеген.

"Өткөн жылдын март айында Аскер прокуратурасы УКМКнын айрым кызматкерлеринин катыштыгы бар делген алтын аткезчилиги боюнча ишти тергей баштаган. 2017-жылы УКМК кызматкерлери мыйзамсыз түрдө өлкөгө алып кирилген 22 килограмм зер буюмдарды таап алган. Анда УКМКнын жетекчилиги ишти токтотуп, буюмдарды кайтарып берүү чечимин кабыл алган", — деп айтылат билдирүүдө.

Маалыматка караганда, кийин бардык далилдер табылып, аткезчилик кылган тараптар жоопко тартылган.

"Алар күнөөсүн мойнуна алып, мамлекетке келтирилген 6 миллион сом чыгымдын ордун толтуруп беришкен", — деп айтышты УКМКдан.

Тергөө тобу азыр ишке тиешеси барларды аныктап жатат. Бул иштин алкагында УКМКнын дагы бир мурдагы кызматкери кармалган. Маалымат кызматтан аткезчилик менен келген жүктү кармоодо куратор болгон деп айтылган Чоткараев күбө катары суракка алынды.

Маалыматка караганда, тергөөнүн жыйынтыгы менен УКМКнын мурдагы жетекчилигинин аракеттерине укуктук баа берилет.

55
Белгилер:
Дүйшөнбек Чоткараев, кылмыш, УКМК
Тема боюнча
Чай ичкиле дешкен. УКМК Матраимовдун өкүл баласынын айыптоосуна үн катты
Уюшкан кылмыштуу топтун эки мүчөсүн кармаган видео жарыяланды
Бишкектин четиндеги Чоң-Арык айылында эл ташыган маршрутка оодарылып кетти

Бишкектин четинде эл ташыган маршрутка оодарылып калды. Видео

979
(жаңыланган 16:34 28.11.2020)
Жабыркагандар бар, бирок алардын саны канча экени белгисиз болууда. Милициянын атайын тобу жеринде иштеп жатат.

БИШКЕК, 28-ноя. – Sputnik. Бишкектин четиндеги Чоң-Арык айылында эл ташыган маршрутка оодарылып кетти. Бул тууралуу Sputnik Кыргызстан агенттигине Бишкек милициясынан билдиришти.

Жол кырсыктын видеосу "Короче" Telegram-каналына жарыяланды.

Кадрдан микроавтобус саат 11:00дөр чамасында оодарылып кеткенин, ичинен адамдар чыгарылып жатканын көрүүгө болот.

Күбөлөрдүн айтымында, жол тайгак болгондуктан айдоочу рулду башкара албай калган.

Милиция болсо азырынча так маалымат жок экенин, атайын топ жеринде иштеп жатканын кабарлады. Жабыркагандар бар, бирок алардын саны канча экени белгисиз болууда. 

Тез жардам кызматы жерине унаа жиберилгенин, бирок жарандар ооруканага баруудан баш тарткандыктан кайра артка кайтканын маалымдады.

979
Белгилер:
милиция, маршрутка, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Талкаланып кеткен... Бишкек – Ош жолунда унаа кырсыгынан алты адам жабыркады