Жол кырсыктын кесепети. Архивдик сүрөт

Өлүм менен коштолду. Бишкектин четинде бет маңдай кагышкан унаа кырсыгынын видеосу

473
(жаңыланган 11:03 17.11.2020)
Алдын ала маалымат боюнча, кар жаңы жаагандыктан жол тайгак болуп, айдоочу автоунааны башкара албай  экинчиси менен бетме-бет кагышкан.

БИШКЕК, 17-ноя. — Sputnik. Бишкектин четинде эки автоунаа бетме-бет кагышып, айдоочу каза болду. Бул тууралуу Чүй облустук Жол кыймылын камсыздоо башкармалыгынын маалымат кызматы билдирди.

Кырсыктын видеосу "Короче" Telegram каналына чыкты.

Видеодон көрүнүп тургандай, бир автоунаа оодарылып кеткен. Мекемеден кабарлагандай, кырсык ГЭС-5 районунда Лебединовка айылында катталган. Анда Honda Odissey менен Nissan Almera кагышкан.

Алдын ала маалымат боюнча, кар жаңы жаагандыктан жол тайгак болуп, айдоочу автоунааны башкара албай калып экинчиси менен бетме-бет кагышкан.

Кырсыктан Honda унаасынын айдоочусу каза болуп, анын төрт жүргүнчүсү жаракат алган. Ал эми экинчи автоунаадагы бир адам жабыркаган.

Учурда териштирүү иштери жүргүзүлүүдө.

473
Белгилер:
өлүм, жол кырсык, автоунаа
Тема:
2020-жылдын башынан бери Кыргызстанда болгон жол кырсыктар (277)
Тема боюнча
Атасы, уул-келини мүрт кетти. Суусамырдагы үрөй учурган жол кырсыктын сүрөттөрү
Беш киши каза болду. Баткендеги жол кырсыктын видеосу
Пострадавший автомобиль в дтп на штрафстоянке в Бишкеке

Кочкордо жылкы сүзүп кырсыктаган автоунаадагы 19 жаштагы кыз каза болду

135
(жаңыланган 10:17 24.11.2020)
Окуя кечээ кечинде Бишкек — Нарын — Торугарт унаа жолунда катталган. Кырсыктан дагы үч кишинин жабыркаганы айтылат.

БИШКЕК, 24-ноя. — Sputnik. Нарындын Кочкор районунда жылкыны сүзүп кырсыкка кабылган автоунаадагы бир жаран каза болду. Бул тууралуу Өзгөчө кырдаалдар министрлиги билдирди.

Окуя кечээ кечинде Бишкек — Нарын — Торугарт унаа жолунда катталган.

"Кочкор районундагы Төлөк айылында 23-ноябрь күнү саат 22:10до Nexia унаасынын айдоочусу жылкыны сүзүп жолдон чыгып кеткен. Кырсыктан 19 жаштагы бир кыз каза болуп, 27, 23 жана 21 жаштардагы үч эркек адам жабыркаган", — деп айтылат маалыматта.

Жерине ӨКМдин №42 өрткө каршы куткаруу бөлүгүнүн куткаруучулары тартылып, каза болгон жаранды унаадан чыгарып, Тез жардам кызматына өткөрүп беришкен.

135
Белгилер:
ӨКМ, Нарын, өлүм, кырсык, автоунаа
Тема:
2020-жылдын башынан бери Кыргызстанда болгон жол кырсыктар (277)
Тема боюнча
Өкмөттүн Ысык-Көлдөгү өкүлү Элчибек Жантаев бараткан унаа оодарылып кетти
Убактылуу кармоочу жайы. Архив

Жеткинчекти сабады делген өгөй ата убактылуу кармоочу жайга киргизилди

125
(жаңыланган 19:28 23.11.2020)
Факты Жоруктар кодексинин 75-беренеси ("Үй-бүлөлүк зомбулук") менен катталган. Баланын апасынан тосмо арыз түшкөн эмес.

БИШКЕК, 23-ноя. — Sputnik. Сокулукта алты жаштагы баласын сабоого шектелип милицияга жеткирилген өгөй ата убактылуу кармоочу жайга киргизилди. Бул тууралуу Чүй облустук ички иштер башкармалыгынан кабарлашты.

Аталган факты Жоруктар кодексинин 75-беренеси ("Үй-бүлөлүк зомбулук") менен катталган. Мурдараак өгөй атасы Сокулук райондук милициясына жеткирилген.

"Жеткинчектин апасы тосмо арыз жазган жок, эгер келип түшө турган болсо мыйзам алкагында каралат. Учурда сотко чейинки өндүрүш жүрүп жатат", — деп белгилешти милициядан.

Буга чейин баланын сабалганы боюнча маалымат соцтармактарга тараган. Жеткинчектин денеси көгала болуп, бети шишип кеткен. Ошондой эле көзүнө кан уюган. Таякталган баланын сүрөтү дагы жарыяланган. Маалыматта киши аялдын экинчи күйөөсү жана андан кош бойлуу экени айтылган. Бойдон түшүп калуу коркунучу болгондуктан ооруканада жатканы кабарланды. Сабалган алты жаштагы наристе дагы ооруканада. Жаракатын аныктоо үчүн экспертиза дайындалган.

125
Белгилер:
камоо, милиция, өгөй ата, сабоо, жеткинчек
Тема боюнча
Сокулукта алты жаштагы бала катуу сабалып, энеси күйөөсүн айыптап жатат
Кыз талашкан. Бир жигитти алтоолоп сабаган Оштогу окуянын чоо-жайы
Новый автомобильный номер. Архивное фото

Мамкаттоо 604 миң сомго автоунаанын бир номерин жана эки "ХАН" сатты

0
(жаңыланган 14:43 24.11.2020)
Мамкаттоо 7-декабрга автоунаалар үчүн 700дөн ашык өзгөчө номер сатууну пландап жатат. Аукционго бардык айдоочулар катыша алат.

БИШКЕК, 24-ноя. — Sputnik. Кыргызстанда автоунаага тагылуучу "01 888 BBB" сериялык номери аукциондо 604 000 сомго сатылды. Бул туурасында Мамлекеттик каттоо кызматы билдирди.

Кечээ, 23-ноябрда, nomer.srs.kg порталында сандар менен тамгалардын өзгөчө айкалышындагы автономерлерди сатуу боюнча онлайн-аукцион өткөрүлдү. Аталган номер 80 миң сом баштапкы сумма менен аукционго коюлган.

"Жалпысынан өзгөчө номерлерди сатуу боюнча 14 аукцион пландаштырылган. Анын жарымы ээсин тапты. Беш номерди бишкектиктер, экөөнү Жалал-Абад облусунун "04" аймактык коду менен сатып алышкан. Ал эми "ХАН" тамгаларынын айкалышы бар номерлерди борбор калаанын эки тургуну алып кетти", — деп айтылат маалыматат.

Ошондой эле баштапкы наркы 60 миң сомдон башталган "01 555 SSS" номерин алууга кызыккандар арбып, 430 000 сомго чейин көтөрүлгөн.

Ал эми "01 777 XAH" 72 миң, "01 007 XAH" номери 32 миң сомго сатылган.

"01 111 JJJ" номерин 82 миң, "04 111 III" 60 миң жана "04 007 AMG" 32 миң сомго алып кетишкен.

Сатылган жети автономердин жалпы баасы 1 миллион 312 миң сом түздү. Кирешенин 91 пайызы мамлекеттик бюджетке которулат.

Кечээ-бүгүн болуп өткөн аукциондордун жыйынтыгы боюнча дагы 46 кооз унаа номери сатылары күтүлүүдө. Жакында "01 777 ZZZ" номери боюнча аукцион аяктаган. Жеңүүчү ага 810 000 сом сунуштаган, акчасын үч күндүн ичинде төлөшү керек.

Мамлекеттик каттоо кызматы онлайн-аукциондор nomer.srs.kg сайтында баарына жеткиликтүү экендигин белгиледи. 7-декабрга 700дөн ашык өзгөчө номер сатуу пландалууда.

0
Тема боюнча
Кыргызстанда эң өтүмдүү автоунаалардын баасы. Инфографика