Арча-Бешик конушуна асмандан көрүнүш. Архивдик сүрөт

Арча-Бешикте жок адамдын атына жер тилкеси катталган. Иш козголду

104
(жаңыланган 12:54 23.11.2020)
Башкы прокуратурадан билдиришкендей, "Бишкек башкы архитектура" жана Бишкек мэриясынын Жер пайдалануу жана курулуш башкармалыгынын өкүлдөрү кызмат абалынан кыянаттык менен пайдаланышкан.

БИШКЕК, 23-ноя. — Sputnik. Бишкек шаарындагы Арча-Бешик конушунда 0,07 гектар жер тилкеси жок адамдын наамына жасалма түрдө мыйзамсыз катталган. Бул тууралуу Башкы прокуратурадан билдиришти.

Маалыматка караганда, "Бишкек башкы архитектура" жана Бишкек шаарынын мэриясынын Жер пайдалануу жана курулуш башкармалыгынын өкүлдөрү кызмат абалынан кыянаттык менен пайдаланышкан.

Арча-Бешик жаңы конушунда жайгашкан 0,07 гектар жер тилкесин жок адамдын наамына жасалма түрдө мыйзамсыз катташкан. Ал эми "Кадастр" мамлекеттик мекемесинин Бишкек шаарындагы филиалы тарабынан жер участогуна болгон жеке менчик укугу жөнүндө мамлекеттик акты берилген. Натыйжада мамлекеттик бюджетке 6 миллион 99 миң сомдук зыян келтирилген", — деп айтылат маалыматта.

Аталган факты Ленин райондук прокуратурасы тарабынан Жазык кодексинин 235 ("Жеке нотариустардын, аудиторлордун, эксперттердин же баалоочулардын ыйгарым укуктарын кыянаттык менен колдонуусу"), 320 ("Кызмат абалынан кыянаттык менен пайдалануу"), 329 ("Кызматтык жасалмачылык") жана 359-беренелери ("Документтерди жасалмалоо") боюнча Кылмыш жана жоруктардын бирдиктүү реестрине катталып, тергөө амалдарын уюштуруу үчүн УКМКнын тергөө кызматына тапшырылган.

Ленин райондук прокуратурасы жер тилкесин берүү жөнүндөгү мыйзамсыз токтом жана мамлекеттик актыларды жокко чыгаруу боюнча сотко доо арыз келтирип, соттук кароонун жыйынтыгы менен доо арыз толугу менен канааттандырылып, мыйзамдуу күчүнө кирген.

2020-жылдын 5-ноябрында райондук прокуратура кайтарылган жер тилкени муниципалдык менчикке кабыл алуу үчүн Бишкек шаарынын мэриясына сунуш кылды.

104
Белгилер:
Прокуратура, бузуу, мыйзам, жер тилкеси, Арча-Бешик, Бишкек
Тема боюнча
Кыялдарды талкалайт! Спорт агенттиги коррупцияга каршы видеоролик чыгарды
Жаңы конуштардагы документи жок жер тилкелерин мыйзамдаштыруу талкууланды
Кол кишен кармаган ИИМ кызматкерлери. Архив

"Ботош" каймана аты бар уюшкан кылмыштуу топтун мүчөсү кармалды

119
(жаңыланган 17:26 22.01.2021)
Ысык-Көлдө бир катар кылмыштарды жасаган деген шек менен кармалган "Ботоштун" кримтөбөл Камчы Көлбаевдин кылмыштуу тобунда мүчө экени аныкталган.

БИШКЕК, 22-янв. — Sputnik. Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды. Бул тууралуу УКМКнын басма сөз кызматы кабарлады.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды

Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

2020-жылдын сентябрь айында Ысык-Көл облустук сотунун чечими менен "Ботошту" камакка алуу түрүндөгү бөгөт чарасы үй камагына өзгөртүлгөн.

УКМК тарабынан уюшкан кылмыштуу топторго каршы тиешелүү иш-чаралар жүрүп жатканы кошумчаланды.

119
Белгилер:
УКМК, уюшкан кылмыштуу топ
Тема боюнча
Автомат такап, баса калып... Спецназ кримтөбөл "Алтуханы" кармаган видео
Кайгуул милициясынын унаасы. Архив

Бишкекте Кайгуул милициянын унаасы өкмөттүк трассада аялды сүзүп кетти

153
(жаңыланган 13:15 22.01.2021)
Кырсыкта жабыркаган аял атайын унаа менен ооруканага жеткирилген. Ал эми автоунаа айып жайга киргизилген.

БИШКЕК, 22-янв. — Sputnik. Бишкекте Кайгуул милициянын унаасы Чыңгыз Айтматов проспектисинде улгайган аялды сүзүп кетти. Бул маалыматты шаардын Кайгуул милициясы башкармалыгынын маалымат катчысы Байказы Айтикулов Sputnik Кыргызстан агенттигине тастыктады.

Анын айтымында, окуя кечээ, 21-январда, саат 10:00дө катталган. Патрулдук милициянын версиясы боюнча Айтматов проспектиси менен Славянский көчөсүнүн кесилишинде жолго чуркап чыга калган 62 жаштагы аялды айдоочу коюп кеткен. Жабырлануучу атайын унаа менен ооруканага жеткирилген.

Окуядан кийин милициянын кызматтык унаасы айып короого киргизилген. Маалымат катчы кырсык боюнча материалдар тергөө бөлүмүнө берилгенин кошумчалады.

Чыңгыз Айтматов проспектиси өкмөттүк трасса болуп саналат. Ал жол менен президент мамлекеттик резиденциядан Ак үйгө каттайт.

153
Белгилер:
автоунаа, Кайгуул милициясы, жол кырсык, Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Карап туруп эле сүзүп алды. Токмокто адамды автоунаа койдуруп кеткен видео
Муниципалдык кызматкер карды тазалап жатат. Архив

Ишембиге карата аба ырайы

0
23-январга караган түнү көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүүсү ыктымал. Бул тууралуу Кыргызгидромет билдирди.

БИШКЕК, 22-янв. — Sputnik. Ишембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй облусунда -4…-9, Таласта -3…-8, Ош, Жалал-Абад, Баткен аймактарында 0…-5, Ысык-Көл жергесинде -2…-7, Нарын өрөөнүндө -8…-13 градус болору айтылды.

Термометрдин көрсөткүчү Бишкекте -5…-7, Ош шаарында -2…-4 градус болот.

0
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди