Өкмөттүн Ысык-Көлдөгү өкүлү Элчибек Жантаев бараткан унаа оодарылып кетти
(жаңыланган 19:37 23.11.2020)
Toyota Land Cruiser Prado үлгүсүндөгү кызматтык автоуааны Ак-Суу районунун тургуну, 24 жаштагы жигит айдап баратып рулду башкара албай калган.БИШКЕК, 23-ноя. — Sputnik. Өкмөттүн Ысык-Көл облусундагы өкүлү Элчибек Жантаев жол кырсыгына кабылды. Бул маалыматты облустук администрациясы тастыктады.
Өкмөттүн Ысык-Көл облусундагы өкүлү Элчибек Жантаев жол кырсыгына кабылды© Sputnik
Билдирмеге караганда, кырсык бүгүн, 23-ноябрда, эртең менен облус жетекчиси Бишкек — Торугарт жолунун 156-чакырымында баратканда болгон© Sputnik
Toyota Land Cruiser Prado үлгүсүндөгү кызматтык автоуааны Ак-Суу районунун тургуну, 24 жаштагы жигит айдап баратып руль башкара албай калганы айтылат маалыматта© Sputnik
Мунун кесепетинен жолтандабас оодарылып кеткен. Салондогу Жантаев жеңил жаракат алып, Балыкчы шаардык ооруканасына жаткырылды© Sputnik
© Sputnik
Маалыматта Toyota Land Cruiser Prado үлгүсүндөгү кызматтык автоунааны Ак-Суу районунун тургуну, 24 жаштагы жигит айдап баратып руль башкара албай калганы айтылат. Мунун кесепетинен жолтандабас оодарылып кеткен. Салондогу Жантаев жеңил жаракат алып, Балыкчы шаардык ооруканасына жаткырылды.
"Жантаевдин абалы орточо деп бааланууда. Аны менен телефон аркылуу байланыштым, өзү сүйлөп жатат. Айдоочу дагы Караколдо жолдо бара жатат. Анын дагы абалы жакшы", — деди өкмөттүн Ысык-Көлдөгү өкүлчүлүгүнүн маалымат катчысы Жаныбек Кожоев.
Аталган факт Балыкчы шаардык милициясынын электрондук журналына катталып, соттук-техникалык экспертиза дайындалды.
Таластагы тамактануучу жайда газ баллон жарылып, жаракат алган аял көз жумду
(жаңыланган 19:14 23.01.2021)
4-январда Кара-Буура районундагы Кызыл-Адыр айылында "Шаурма City" коомдук тамактануучу жайында жарылуу болгон.БИШКЕК, 24-янв. — Sputnik. Талас облусунда коомдук тамактануучу жайдан газ баллон жарылып жаракат алган аял каза болду. Бул тууралуу Бишкек травматология жана ортопедия илим-изилдөө борборунун маалымат кызматы билдирди.
©
Sputnik / Владимир Песня
Белгилей кетсек, 4-январь күнү Таластын Кара-Буура районундагы Кызыл-Адыр айылында "Шаурма City" коомдук тамактануучу жайында жарылуу болгон. Анын кесепетинен 11 адам жаракат алган, арасында жаш балдар дагы бар. Төртөө өтө оор абалда райондук ооруканага жаткырылган. Ар кимисинин күйүгү ар кандай деңгээлде болгон.
Реанимацияда жаткандардын экөө Бишкек травматология жана ортопедия илим-изилдөө борборуна которулган.
Бишкекте унаасы менен кишини коюп качып кетти деген аял кармалды
(жаңыланган 18:51 23.01.2021)
Мурдагы күнү Үмөталиев жана Москва көчөлөрүнүн кесилишинде айдоочу унаасы менен жөө тургунду сүзүп, окуя болгон жерден из жашырып кеткен.БИШКЕК, 23-янв. — Sputnik. Бишкекте кишини унаасы менен сүзүп качып кетти деген аял кармалганын милициянын Кайгуул кызматынан билдиришти.
21-январда саат 17:00дөр чамасында Үмөталиев жана Москва көчөлөрүнүн кесилишинде белгисиз айдоочу унаа менен жөө тургунду сүзүп, жол кырсыгы болгон жерден из жашырып кеткен. Окуянын кесепетинен 33 жаштагы киши ооруканага жаткырылган.
"Коопсуз шаардын" камералары аркылуу жол кырсыгына шектелип Lexus 470 унаасынын ээси — 1992-жылы төрөлгөн А. А. аттуу аял кармалды", — деп айтылат билдирмеде.
Шектүү Бишкек ШИИБдин тергөө кызматына жеткирилген.
Факты Кылмыш жана жоруктардын бирдиктүү реестринде катталып, сотко чейинки өндүрүш башталды.
Жекшембиге карата аба ырайы
БИШКЕК, 23-янв. — Sputnik. Жекшембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.
Абанын температурасы Чүй, Талас, Ысык-Көл облустарында -1…-6, Ош, Жалал-Абад, Баткен аймактарында -4…+1, Нарын өрөөнүндө -7…-12 градусту көрсөтөт.
Бишкекте жана Ошто кар жаайт. Термометрдин көрсөткүчү борбордо -2…-4, Ош шаарында 0…-2 градуска жетет.
Белгилер: