Чүйдө КамАЗ менен Sprinter кагышып, айдоочу жабыркады. Видео

© Sputnik / Табылды КадырбековВ Бишкеке перевернулся "бусик", есть пострадавшие
В Бишкеке перевернулся бусик, есть пострадавшие - Sputnik Кыргызстан
Жазылуу
Кырсык бүгүн саат 15.30дар чамасында Чүй облусундагы айланма жолдо болгон. Милиция жеринде окуянын себептерин аныктап жатат.

БИШКЕК, 13-дек. — Sputnik. Бишкек — Торугарт жолунун 69-чакырымында КамАЗ менен Mercedes-Benz Sprinter автоунаалары кагышып, бир киши жабыркады. Бул тууралуу Чүй облустук жол кыймылы коопсуздугун камсыздоо башкармалыгынан билдиришти.

"Бүгүн саат 15.30дар чамасында Чүй облусундагы айланма жолдун жээгинде токтоп турган Mercedes-Benz Sprinter унаасын жүк ташуучу машина артынан сүзүп алган. Натыйжада алдыдагы машинанын айдоочусу жабыркап, ооруканага жеткирилди", — деп айтылат билдирүүдө.

Кырсыктан кийин тартылган видео "Короче" Telegram-каналына жүктөлдү.

Каза болгондор жана башка жабырлануучулар болгон жок. Милиция кырсыктын себептерин аныктап жатат.

Жаңылыктар түрмөгү
0