Ахунбаев менен Саякбай Каралаев көчөлөрүнүн кесилишинде жайгашкан имараттан жарылып, андан соң өрт каптаган

Бишкекте курал саткан дүкөн жарылды. Азыр эмне болуп жатат. Сүрөт, видео

974

15:19 19.12.2020(жаңыланган 17:18 19.12.2020)

Бүгүн, 19-декабрда, борбор калаанын Ахунбаев менен Саякбай Каралаев көчөлөрүнүн кесилишинде жайгашкан имараттан жарылып, андан соң өрт каптаган.

Ал имараттын ичинде курал-жарак дүкөнү жана тиричилик техникалары боюнча кызмат көрсөткөн борбор жайгашкан. Бирок өрт чыкты деп берилген биринчи маалыматта анын автоунаа жууган жай экени айтылып, бирок кийин такталып, такыр башка багытта иштеген кеңселер экени айтылды.

Жарылуудан дүкөндөгү 57 жаштагы киши каза болуп, үч адам ооруканага жаткырылган.

ӨКМдин маалымат кызматы өрт саат 11:27лер чамасында чектөөгө алынганын билдирди.

Окуянын жүрүшү менен Sputnik Кыргызстан агенттиги жүргүзгөн тексттик баяндамадан тааныша аласыздар.

Жаңы билдирүү

17:18
Жарылуу менен өрттөн кийинки сүрөттөр. Тиричилик техникалары боюнча кызмат көрсөткөн жай
© Фото / Айнура Джунушева
© Фото / Айнура Джунушева
© Фото / Айнура Джунушева
© Фото / Айнура Джунушева
© Фото / Айнура Джунушева
16:53
Жарылуудан кийинки көрүнүш. Курал саткан дүкөн менен тиричилик техникалары боюнча кызмат көрсөткөн жай
© Sputnik / Бакыт Смаилов
© Sputnik / Бакыт Смаилов
© Sputnik / Бакыт Смаилов
© Sputnik / Бакыт Смаилов
© Sputnik / Бакыт Смаилов
16:16
Милициянын жарылган дүкөндү түнү менен кайтарып чыгаары айтылды
Жарылуу болгон имараттын жанында милиция кызматкерлери жүрөт. Дүкөндүн кызматкеримин деген адам имараттын ичинде ок-дарылар калгандыктан, тартип сакчылары аны түнү менен кайтарып чыгарын айтты.
16:15
Окуя болгон жерде жүргөн кабарчыбызга, ошол жердегилер жарылуу эки ирет болгондугун айтышты.
Бул маалыматты милициядан да тастыкташты.
16:11
Министрлик: жабыркагандар 33, 54 жана 58 жаштагы эркек кишилер
Саламаттыкты сактоо министрлигинин маалымат кызматы жарылуудан жабыркагандар Бишкек травматология жана ортопедия илим изилдөө борборуна жаткырылгандыгын билдирип жана алардын жаш курагын айтты.

"Жабыркаган адамдар 33, 54 жана 58 жаштагы эркек кишилер", - деп айтышты.
16:07
Учурда Sputnik кабарчысы жарылуу жана өрт болгон жерде жүрөт. Түз алып берүү
Бишкектеги курал саткан дүкөндөгү жарылуу. Окуя болгон жерден тартылган видео
16:07 19.12.2020
19-декабрда борбор калаанын Ахунбаев менен Саякбай Каралаев көчөлөрүнүн кесилишинде жайгашкан имарат жарылып, андан соң өрт каптаган.
Дагы
15:53
Жарылган дүкөндө каза болгон киши дал ошол дүкөндө сатуучу болуп иштеген
Бул маалыматты Бишкек шаарындагы Октябрь райондук ички иштер бөлүмүнөн айтышты
15:46
Өзгөчө кырдаалдар министрлигинин соңку маалыматы
15:41
Тилекке каршы, жарылуудан 57 жаштагы адам каза болуп калды. Биз ал адам жана жарадар болгондор туурасында маалымат тактоого аракет кылып жатабыз.
15:35
Министрлик: "жарылган дүкөндөн ооруканага жеткирилген үч кишинин абалы канааттандырарлык"
Борбор калаадагы курал саткан дүкөндөн чыккан өрттөн жабыркаган үч адамдын абалы канааттандырлык. Бул тууралуу Sputnik Кыргызстан агенттигине Саламаттык сактоо министрлигинин маалымат кызматы кабарлады.
15:32
Үрөй учурган жарылуунун видеосу
15:26
15:25
Дагы бир интернет колдонуучу автомай куюучу бекет күйүп жатат деп кабарлаган
15:22
Бишкек шаарынын тургуну алгач, "газ атылып кетти окшойт, ичиндеги кишилер эмне болду экен" деп тынчсызданган постун койгон