Милиция кызматкерлери. Архив

Бишкекте милиционерлер менен жарандар мушташкан окуянын видеосу

6987
(жаңыланган 16:03 27.12.2020)
Түнкү окуя боюнча эки адам кармалган. Анын бири 30, экинчиси 16 жаштагы жарандар болуп чыкты. Иликтөө башталып, экспертиза дайындалды.

БИШКЕК, 27-дек. — Sputnik. Бишкектеги Кайгуул милициясынын маалымат кызматы милиционерлер менен жарандардын ортосундагы мушташ тууралуу окуянын чоо-жайын айтты.

Буга чейин социалдык тармактарда жарандар менен милиция кызматкерлеринин ортосунда болгон мушташтын видеосу чыккан. Милиционердин бири мушташкандарды тынчтандыруу үчүн асманга үч ирет ок аткан. Дагы бир тартип сакчы кесиптешинен куралды адамдарга каратпоону өтүнгөн.

Маалыматка ылайык, инспекторлор 27-декабрга караган түнү жол кыймылына тоскоолдук жаратып, Токомбаев жана 7-Апрель көчөлөрүнүн кесилишин көздөй келе жаткан Volkswagen Passat унаасын тосушкан.

Тартип сакчылары унааны токтоткон учурда айдоочу менен жүргүнчүдөн алкоголдун жыты байкалган. Алар документтерин көрсөтүүнүн ордуна милицияга айбат кылып, уят сөздөр менен сөгүшкөн.

"Милиция кызматкерлерине күч колдонулду, алар милициянын кичи сержантынын погондорун тытып, Кайгуул кызматынын экипажына кол көтөрүштү. Мындан улам мыйзамдын чегинде эскертүү иретинде асманга ок атылды", — деп айтылат маалыматта.

Окуяга тиешеси бар делген 30 жана 16 жаштагы шектүүлөр кармалып, Бишкек шаардык ички иштер башкармалыгынын убактылуу кармоочу жайына киргизилди. Кайгуул милициясы алардын мас абалда болгонун билдирди.

Задержанные по подозрению в хулиганстве в Бишкеке
© Фото / пресс-служба УПСМ Бишкека
Шектүүлөр

Кылмыш-жаза кодексинин 266-беренеси ("Бейбаштык") боюнча кылмыш иши козголду. Милиция кызматкерлеринин жаракаты боюнча экспертиза дайындалды.

6987
Белгилер:
шектүү, мушташ, Кайгуул милициясы
Тема боюнча
Колу-бутун скотчтоп... Кара-Сууда карактоого шектелип кылмыштуу топ кармалды
Жалал-Абад: таңда көчө шыпырып жаткан аялды белгисиз киши сабап кетти

Жетекчиси хан сарайлардын ээси. 4 ай маяна албаган жолчулар митингге чыкты. Видео

372
(жаңыланган 18:32 26.01.2021)
Төрт-беш айдан бери маяна ала албай жүргөн жолчулар Транспорт жана жолдор министрлигинин алдына митингге чыгышты. Алар суроо-талабын жетекчиликке жеткирүү үчүн ар кайсы облустан чогулуп келишкен.

Жолчулар сентябрдан бери айлык толук төлөнбөй 2000-3000 сомдон гана берилип жатканына нааразы. Маселени аймактагы жетекчилер чече албагандыктан министрликке келүүгө аргасыз болгонун айтышты.

Нарындын Ат-Башы районунда жол тазалап иштеген Жаңыбай Кенжебаев декабрдан бери айлыгын ала элек.

"Контордо иштегендер бизден мурда, ай сайын өз убагында алат. Алар жайкысын көлөкөдө, кышкысын жылуу кеңседе отурушат. Ал эми биз аба ырайынын ысык-суугуна карабай иштейбиз. Анан калса минтип маянабызды кечиктирип, аз-аздан берип коюп кыйнап жатышат. Акыры айлабыз кеткенде ушул жерге келдик. Мугалим, медик, милиционерлердин айлыгы көтөрүлдү, бирок негизги жумушту аткарган жолчулардыкы жогорулаган жок", — деди Кенжебаев.

Дагы бир жолчу Мырзабек Данияров күн жааганда түнкү саат 4:00дө эле жумушка чыгарын, кээде эки суткалап жолго кум чачып, күнү-түнү тазалап турушарын айтат.

Ал эми Нарын шаарында иштеген Жаныбек Асаналиев төрт айдан бери маяна ала элегин айтты.

"Ай сайын 2000, 3000, 5000 сомдон берип коёт. Эмгек өргүүгө чыккандар ага төлөнчү акчасын ала элек. Мына январь бүтүп калды. Сентябрь, октябрь, ноябрь, декабрь - төрт ай болуп жатат. Ошол төрт айдан бери айлык ала элекпиз", — деди Асаналиев.

Чогулгандардын алдына Жол чарба департаментинин директорунун орун басары Жумаш Сооданбаев чыкты. Ал январдын айлыгы толук төлөнөрүн, ал эми февралда мурдагы карыздары кошулуп берилерин убадалады. Маянанын кечигүүсүн пандемияда министрликтин бюджети кыскартылганы менен түшүндүрдү.

Ал арада УКМК Жол чарба департаментинин директору Шабданбек Иманкуловду "мыйзамсыз байыган" деп кармады. Аткаминер төрт хан сарайга, Бишкектен 20 батирге, кымбат баалуу автоунааларга жана көптөгөн бодо малга ээлик кылары айтылды.

372
Белгилер:
кечигүү, төлөө, маяна, Жол чарба департаменти
Тема боюнча
Иш таштаган маршрутка айдоочулары. Үч компанияга эскертүү берилди
Бишкектеги маршрутка айдоочулары күнүнө канча акча табат? Видео
13 млн. сом коромжу болгон. Шектүү катары Эсеп палатасынын инспектору кармалды
Мончо. Архив

Алтай, жалаа, сурак. Мончодо өспүрүмдү зордуктоо видеосу боюнча жаңы жагдайлар айтылды

1024
(жаңыланган 17:04 26.01.2021)
Жашы жете элек өспүрүмдү зордуктоого байланышкан видео социалдык тармактарда тараган. Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык деп айтышкан.

БИШКЕК, 26-янв. — Sputnik. Мончодо жашы жете элек өспүрүмдү зордуктаган окуя Алтай Республикасынын Кош-Агач районунда болгон. Бул тууралуу ИИМдин маалымат кызматы кабарлады.

Буга чейин жашы жете элек өспүрүмдү зордуктоого байланышкан видео социалдык тармактарда тараган. Жапа чеккен адам кыргызча сүйлөп жаткандыктан, социалдык тармактын колдонуучулары ал кыргызстандык деп айтышкан.

Министрлик социалдык тармакта тараган видео боюнча башка өлкөгө сурам жөнөткөн.

"Бүгүн жооп келди. Белгилүү болгондой, 2020-жылдын 29-июль күнү Алтай Республикасынын ИИМ кызматкерлери WhatsApp мессенджеринде белгисиз балага күч колдонуп, сексуалдык мүнөздөгү аракеттерди жасап жаткан жаш жигиттин видеосу тарап жатканын байкаган. Натыйжада 2019-жылдын август айында Кош-Агач районунун Кош-Агач айылында жашы жете элек "Р" башка кичирээк бала "К"ны зордуктаганы аныкталган", — деп айтылат маалыматта.

Жогорудагы факты боюнча Алтай Республикасынын Тергөө комитетинин тергөө башкармалыгынын Улаган райондор аралык тергөө бөлүмү былтыр 29-июль күнү Россия Федерациясынын Кылмыш-жаза кодексинин 132-беренеси ("Жашы жете элекке карата жасалган күч колдонуу менен сексуалдык мүнөздөгү аракеттер") боюнча кылмыш ишин козгогон.

Ыкчам-иликтөө иш-чараларын жүргүзүү учурунда жашы жете элек "Р" кармалган.

2020-жылдын 31-декабрь күнү айыптоо корутундусу менен кылмыш иши Кош-Агач райондук сотуна жиберилген.

Кыргызстандагы иш

"Видео Кыргызстанда тартылган деген маалымат болгондуктан ролик социалдык тармактын бардыгына тарап кеткен. Натыйжада ИИМдин Экстремизмге жана мыйзамсыз миграцияга каршы аракеттенүү боюнча кызматы Facebook жана Instagram социалдык тармагында 51 тайпадан жана блогерлердин баракчаларынан аталган видеону өчүрүү боюнча тиешелүү иш-чараларды жүргүздү", — деген маалымат таратты ИИМ.

Ошондой эле зордуктады деген адамдын сүрөтү да жайылып кеткен. Текшерүү иштеринин натыйжасында сүрөттөгү жаран Бишкек шаарынын Ленин районунун тургуну Б.А. экендиги жана анын аталган окуяга эч кандай тиешеси жоктугу аныкталган.

ИИМден Экстремизмге жана мыйзамсыз миграцияга каршы иштөө кызматынын кибер коркунучтарга каршы күрөшүү бөлүмү маалыматты ким тараткандыгын табуу боюнча жүргүзүлгөн ыкчам иштердин натыйжасында шектүү кармалганын айтышты.

"Сүрөт коюп кылмышты ушул жасаган деген жалган маалымат тараткан Чүй облусунун 16 жаштагы тургуну Т.Ж. экендиги аныкталып, тергөө кызматына жеткирилди. Учурда аталган факт боюнча тергөө иш-чаралары жүргүзүлүүдө", — деп айтылат маалыматта.

Аталган факт Бишкек шаарынын Ленин РИИБнин Кылмыш жана жоруктардын бирдиктүү реестрине Жазык кодексинин 186-беренеси менен ("Жекече жашоонун кол тийбестигин бузуу") катталган.

Ички иштер министрлиги кылмыш жасалгандыгы жөнүндөгү жалган маалымат жайылткандар Жазык кодексинин 344-беренесине ылайык кылмыш жоопкерчилигине тартыла тургандыгын эскертти.
"Кыргыз Республикасынын Мыйзамын билбегендик жарандарды кылмыш жоопкерчилигинен бошотпойт", — деп айтылат билдирүүдө.
Андан сырткары, элди социалдык тармактар жана интернет аркылуу чагымчыл маалыматтарды таратпоону суранып, такталбаган жалган маалыматтарды жайылтпоого чакырган.

1024
Белгилер:
видео, мончо, өспүрүм, бала, зордуктоо, ИИМ, Алтай крайы
Тема боюнча
Алматы: полиция педофилияга шектелген кишинин артынан 13-кабаттан секирип кетти
Көгүчкөн. Архив

Шаршембиге карата аба ырайы

0
27-январга караган түнү өлкө боюнча жаан-чачын күтүлбөйт. Жолдорго муз тоңуп, тайгак болот.

БИШКЕК, 25-янв. — Sputnik. Шаршембиде күндүз республика аймагында күн ачык болору айтылды. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй облусунда -2…+3, Талас жергесинде -3…+2, Ош, Жалал-Абад, Баткен аймактарында +3…+8, Ысык-Көлдө -1…+4, Нарын өрөөнүндө -5…-10 градусту көрсөтөт.

Күндүн табы Бишкекте +1…+3, Ош шаарында +6…+8 градус болот.

0
Белгилер:
Кыргызстан, январь, аба ырайы
Тема боюнча
Күн жылый баштайт. Бир жумага карата аба ырайы