Саламаттык сактоо министрлигинин имараты. Архивдик сүрөт

Саламаттык сактоо министрлиги пайдасыз ишке 1 млн. доллар короткону аныкталды

170
(жаңыланган 11:54 28.12.2020)
Министрликтин кызматкерлери баасы негизсиз жогорулатылганын билип туруп жеке компаниянын кызматтарын колдонушкан.

БИШКЕК, 28-дек. — Sputnik. Башкы прокуратура Саламаттык сактоо министрлиги пайдасыз келишим түзүп, мамлекетке бир миллион доллардан ашык зыян келтиргенин аныктады. Бул туурасында көзөмөл органдын маалымат кызматы билдирди.

Текшерүү учурунда министрликтин айрым кызмат адамдары иш абалынан кыянаттык менен пайдаланганы ачыкталган.

"2014-2019-жылдарга карата аудит жүргүзүү боюнча консультациялык кызматтар тийиштүү мониторинг жүргүзүлбөстөн жогору суммада негизсиз сатып алынган. Тендердин жыйынтыгында "D.&T." ЖЧКсы менен билип туруп мамлекет үчүн пайдасыз 1 060 730 долларга келишим түзүлгөн. Анын негизинде аталган компанияга 63 миллион 804 432 сом которулуп, мамлекетке ири өлчөмдө зыян келтирилген", — деп айтылат маалыматта.

Үстүбүздөгү жылдын 5-декабрында Башкы прокуратура тарабынан жогорудагы факты Жазык кодексинин 320-беренеси ("Кызмат абалынан кыянаттык менен пайдалануу") жана 322-беренеси ("Билип туруп пайдасыз келишим түзүү") менен КЖБРге катталган. Сотко чейинки өндүрүш ишин жүргүзүү тийиштүү тергөө органдарына тапшырылды.

170
Белгилер:
зыян, келишим, саламаттык сактоо
Тема боюнча
Коопсуз шаар: өкмөт "Веганын" 20 млн. сом айып пулун кечип салганы аныкталды
Ташиев: 8 млн. сом кымырып алышкан, жакында Жогорку соттун төрайымын да тергейбиз
Прокуратура: "Манас" аэропортунун жетекчилиги өлкөгө 65 млн. сом зыян келтирген
Автоунаа жол кырсыктан кийин. Архив

Ысык-Көлдө унаа бакты сүзүп, бир аял каза тапты. Жеринен тартылган сүрөт

135
(жаңыланган 13:28 25.01.2021)
Mercedes-Benz Sprinter жолдон чыгып кетип бакты сүзгөн. Унаа ичинде айдоочу жана 17 жүргүнчү болгон.

БИШКЕК, 25-янв. — Sputnik. Кечээ, 24-январда, Ысык-Көл облусунда адам өмүрүн алган жол кырсыгы катталды. Бул тууралуу облустук милициядан билдиришти.

Mercedes-Benz Sprinter съехал с дороги и врезался в дерево на автодороге Каракол — Бишкек, недалеко от села Курмонту Тюпского района. 24 января 2021 года
© Sputnik
Кечээ, 24-январда, Ысык-Көл облусунда адам өмүрүн алган жол кырсыгы катталды. Бул тууралуу облустук милициядан билдиришти

Жол кырсыгы Каракол — Бишкек унаа жолунда, Түп районундагы Күрмөнтү айылынан анча алыс эмес жерде болгон.

"Mercedes-Benz Sprinter жолдон чыгып кетип бакты сүзгөн. Анын ичинде айдоочу жана 17 жүргүнчү болгон. Кырсыктын кесепетинен бир аял көз жумду”, — деп айтылат маалыматта.

Жаракат алган жети киши тийиштүү жардам алып жатат. Алардын арасындагы алты жаштагы бала реанимацияда болсо, калгандары палатада.

135
Белгилер:
жол кырсык, Ысык-Көл
Тема:
2021-жылдын башынан бери Кыргызстанда болгон жол кырсыктар
Тема боюнча
Анжелика менен кызы реанимацияда. Кичүү кызына бүгүн операция жасалат
Курулуш иштери. Архив

Алайда спорт зал менен ашкана курууда акча уурдалып, курулуш токтоп калган

56
(жаңыланган 13:15 25.01.2021)
Орто мектептин спорт залы менен ашканасын куруу үчүн мамлекет тарабынан өз убагында акча бөлүнүп берилсе да, 5 жылдан бери курулуш иши бүтпөй жатканы аныкталган.

БИШКЕК, 25-янв. — Sputnik. Алай районунун Сары-Могол айылында жайгашкан орто мектепке спорт зал жана ашкана куруу үчүн мамлекеттен бөлүнгөн акчанын бир бөлүгү уурдалып кеткен. Бул туурасында Башкы прокуратурадан билдиришти.

Маалыматка ылайык, курулуш иштерин баштоо үчүн 2015-жылы тендер өткөрүлүп, жеңүүчү компанияга 24 млн. 202 миң 850 сом алдын ала төлөнгөн.

"Ош облустук капиталдык курулуш башкармалыгы тарабынан жеңүүчү компанияга акча каражаты толугу менен которулуп, бирок 5 жылдан бери аталган орто мектептин спорт залын жана ашканасын куруу иштери токтоп калган. Натыйжада мамлекетке 6 млн. 382 миң 225 сомдук материалдык зыян келтирилген", — деп жазылат маалыматта.

Текшерүүнүн жыйынтыгында райондук прокуратура тарабынан аталган факт боюнча Жазык кодексинин 320-беренесинин 2-бөлүмү ("Кызмат абалынан кыянаттык менен пайдалануу") менен сотко чейинки өндүрүш иши башталган.

56
Белгилер:
Алай району, прокуратура, курулуш, мектеп
Тема боюнча
Финпол: Балыкчыга камера орнотууда 3 млн. сом сол чөнтөккө солонгон
ЖИА бизнес-ассоциациясынын аткаруучу директору Фархат Пакыров. Архив

Пакыров: орто жана чакан бизнес өлкөдөгү инвестициялык абалдын күзгүсү

0
ЖИА бизнес-ассоциациясынын аткаруучу директору Фархат Пакыров сырткы инвестицияга гана көңүл бурбай ички инвестицияны да карап, чакан жана орто бизнеске маани берүү зарылдыгын билдирди.

Ички ишкерлик өлкөнүн инвестициялык жүзү, андыктан чет элдик компаниялар ишкерлик рыногун байкап турушат. Мындай пикирин Фархат Пакыров Sputnik Кыргызстан радиосунун эфиринде маек куруп жатып билдирди.

Анын айтымында, чакан жана орто бизнеске көңүл буруп, бул багытта маанилүү аракеттерди көрүү керек.

"Кризис экономикалык көрсөткүчтөрдүн төмөндөшүнө алып келди. Ага өлкөдөгү саясий кырдаал да себеп. Буга карабастан ишкерлер жаңы долбоорлорду сунуштап, туура кадамдарды карап жатышат. Маселен, чакан жана орто бизнес — инвестициялык абалдын күзгүсү. Биз көп учурда сырткы инвесторлорго көңүл буруп, маселесин талкуулап, аларга багытталган иш-чараларды көп жасайбыз. Бирок ошол эле убакта ички инвестицияга маани бербей жатабыз," — деди Пакыров.

Ал, ошондой эле, өлкөдөгү саясий кырдаал инвесторлор менен иш алып барууда таасирин тийгизерин кошумчалады.

0
Белгилер:
инвестициялар, бизнес, Фархат Пакыров
Тема боюнча
Кыргызстанга кандай инвестициялар тартыла турганы айтылды