Тапанча кармаган киши. Архивдик сүрөт

Бутка атып, 100 миң долларын алып кетишти. Ошто ата-баланы тоногондор изделүүдө. Видео

457
(жаңыланган 15:25 28.12.2020)
Аталган факты Кара-Суу РИИБдин КЖБРине Кылмыш-жаза кодексинин 202-беренесинин 3-бөлүмүнүн 3-пункту менен катталып сотко чейинки өндүрүш иши ачылган.

БИШКЕК, 28-дек. — Sputnik. Ошто жергиликтүү жашоочуну бутка атып, 100 миң доллар акчасын тоноп кеткендер изделип жатканын облустук ички иштер башкармалыгынын маалымат катчысы Жеңиш Аширбаев билдирди.

Анын айтымында, окуя 26-декабрь күнү болжол менен саат 10.00дөрдө Савай айыл аймагына караштуу Кызыл-Шарк айылында болгон. Каракчылыкка аталган айылдын О.С. аттуу 47 жаштагы тургуну менен анын 24 жаштагы баласы кабылган.

Маалыматта SsangYong Musso үлгүсүндөгү автоунаадагылар каршы тилкеде келе жаткан Hyundai Sonata машинасын сүзүп токтоткону айтылат.

"Унаадан бат кап тагынган үч киши чыгып бегисиз үлгүдөгү тапанча менен жигитти бутка атып, кара баштыкка салынган 100 000 долларды алып, күтүп турган Daewoo Nexia машинасына түшүп кетишкен. Окуя болгон жерден ок атуучу куралдын гильзалары табылды", — деп айтылат билдирүүдө.

Аталган факты Кара-Суу РИИБдин КЖБРине Кылмыш-жаза кодексинин 202-беренесинин 3-бөлүмүнүн 3-пункту менен катталып сотко чейинки өндүрүш иши ачылган.

Ошондой эле кара түстөгү SsangYong Musso менен ак түстөгү Hyundai Sonata автоунаалары текшерилип, тиешелүү экспертизалар дайындалды.

Андан сырткары, жүргүзүлгөн ыкчам иш-чаранын негизинде окуя болгон жерден изин жашырып кеткен кызыл түстөгү Daewoo Nexia автоунаасы Кара-Суу районунун Сарай айыл аймагына караштуу Киров айылынын Жаңы-Чек участкасынан табылып, автоунаа айып короого киргизилди.

Кылмышка шектүүлөрдү кармоо боюнча тийиштүү иш-чаралар жүргүзүлүүдө.

457
Белгилер:
Ош, кылмышкер, бет кап, автоунаа, акча, карактоо, кылмыш
Тема боюнча
УКМК Сирияга согушкерлерди тартуу менен алектенген адамды кармады. Сүрөт
Мадрид шаарында катуу жарылуу

Мадрид шаарында катуу жарылуу болду. Видео

151
(жаңыланган 21:10 20.01.2021)
Жарылуудан кийин тартылган кадрлардан талкаланган көп кабаттуу имараттан түтүн чыгып жатканын жана айнектин сыныктары туш тарапка чачырап кеткенин көрүүгө болот.

БИШКЕК, 20-янв. — Sputnik. Мадрид шаарынын борборунда катуу жарылуу болду. Бул тууралуу РИА Новости жазды.

​Кадрлардан көрүнүп тургандай, талкаланган көп кабаттуу имараттан түтүн чыгып жатат. Айнектин сыныктары туш тарапка чачырап кеткен.

Жергиликтүү ЖМКлар жарылуу карылар үйүнө жакын жерде болгонун жазууда. Бирок жабырлануучулар боюнча маалымат бериле элек.

151
Белгилер:
Мадрид, жарылуу, имарат
Тема боюнча
Баткенде шахтада жарылуу болуп, бир кишини топурак басып калды
Иштен бошотулган киши Mercedes заводунда 50 автоунааны талкалап салды. Видео
Парламент Жогорку соттун судьясы Камил Осмоналиев. Архивдик сүрөт

Парламент Жогорку соттун мыйзамсыз байыган деп камалган судьясын иштен четтетти

101
(жаңыланган 16:42 20.01.2021)
Жогорку соттун судьясы декабрь айынын аягында камакка алынган. УКМК анын эсепсиз байлык топтогонун белгилеп, мүлккө мыйзамсыз ээ болгон деп шектелгенин билдирди.

БИШКЕК, 20-янв. — Sputnik. Парламент Жогорку соттун судьясы Камил Осмоналиевди кызматынан четтетти. Бул тууралуу Жогорку Кеңештин маалымат кызматы билдирди.

Судья декабрь айынын аягында камакка алынып, УКМКнын убактылуу кармоо жайына киргизилген.

Райондук соттун сот залы. Архив
© Пресс-служба президента КР / Султан Досалиев
УКМКнын билдиришинче, тиешелүү киреше булактары жок болсо дагы ал көптөгөн кыймылсыз мүлк сатып алган. Алардын арасында VIP-шаарчадагы элиталык үйлөрү, алдыңкы курулуш компанияларынан батирлери, Ысык-Көлдүн жээгиндеги пансионаттарда коттедждери, соода борборлорунда коммерциялык объектилери жана люкс-класстагы автоунаалары бар. Булар декларацияда көрсөтүлгөн эмес. Жакын туугандары БАЭ, Түркия, Азия жана АКШнын курорттук аймактарына байма-бай каттап турганы аныкталган.

Президенттин Жогорку Кеңештеги өкүлү Анарбек Калмаматов президенттин милдетин аткаруучу Талант Мамытовдун Осмоналиевди кызматынан бошотуу тууралуу сунушун жарыялаган. Сунуш Соттор кеңешинин Тартип комиссиясынын Камил Осмоналиевди жоопко тартуу жана аны кызматтан алуу жөнүндө чечиминин негизинде кабыл алынган.

"Кыргыз Республикасынын судьяларынын статусу жөнүндө" конституциялык мыйзамына ылайык, Жогорку Кеңеш президенттин сунушу менен Жогорку соттун судьясын кызматтан бошотууга укуктуу. Ал эми президент болсо жергиликтүү сотторду гана кызматынан бошото алат.

Бүгүнкү пленардык жыйында парламент ошондой эле судьялык кызматка Мамытов тарабынан көрсөтүлгөн Дамирбек Назаровдун талапкерлигин тандады.

101
Белгилер:
камакка алуу, чечим, УКМК, Жогорку Кеңеш, кызмат, судья, Камил Осмоналиев
Тема боюнча
Мүлктүн баары өзүнүкү эмес. Жогорку сот судьяны айыптаган УКМКга жооп берди

UFC: Хабиб Нурмагомедовдун иниси алгачкы беттешинде атаандашын утуп алды. Видео

0
(жаңыланган 01:41 21.01.2021)
Россиялык мушкер казакстандык атаандашы Сергей Морозовду муунтуу ыкмасы менен жеңип алды. Беттеш 2-раундда соңуна чыкты.

Хабиб Нурмагомедовдун тууганы Умар UFC турнириндеги алгачкы беттешинде жеңишке жетишти.

Россиялык мушкер казакстандык атаандашы Сергей Морозовду муунтуу ыкмасы менен утуп кетти. Беттеш 2-раундда соңуна чыкты.

Ал беттеш аяктаган соң агасы Хабиб дагы алгачкы жеңишин дал ушундай ыкма менен багындырганын эске салды.

"Мен бактылуумун. Тогуз жыл мурда бул рингге Хабиб кирип, дал мендей болуп утуп чыккан. Анын ыкмасын кайталаганыма кубанычтамын”, — деди ал.

Таймашка секундант катары катышкан Хабиб Нурмагомедов өзү инисиндей болуп экинчи эмес, үчүнчү гана раундда жеңгенин кошумчалады.

0
Белгилер:
бир тууган, UFC, Хабиб Нурмагомедов
Тема боюнча
Чыканак менен башка уруп... Соңку UFC турниринин кызыктуу учурлары видеодо
Макгрегордун Нурмагомедов менен кармашканга чейинки жана андан кийинки видеосу