Куралчан адам. Архив

Бишкекте жол талашкан айдоочуга курал такап жаткан киши кармалды

183
Кечээ кайгуул кызматкерлери жолдун ортосунда эки киши урушуп жаткандыгын көрүшкөн. Бири экинчисин коркутканы үчүн суралып жатат.

БИШКЕК, 29-дек. — Sputnik. Бишкекте жол талашкан айдоочуну курал менен коркутуп жаткан киши кармалды. Бул тууралуу Милициянын кайгуул кызматы кабарлады.

Окуя кечээ, 28-декабрда, болжол менен саат 12:00дөр чамасында Айтматов көчөсүндө болгон. Анда милициянын кайгуул кызматкерлери жолдун ортосунда эки киши урушуп жаткандыгын көрүшкөн.

Пистолет обнаруженный у задержанного водителя в Бишкеке
© Фото / пресс-служба УПСМ
Бишкекте жол талашкан айдоочуну курал менен коркутуп жаткан киши кармалды
"Айдоочулар жол талашып урушуп, бири белгисиз үлгүдөгү тапанча менен экинчисин коркутуп жаткандыгы белгилүү болгон. Милиционерлер экөөнүн урушун токтотуп, курал кармап жүргөн 24 жаштагы баланы кармап, Ленин РИИБдин тергөө кызматына өткөрүп беришкен", — деп айтылат маалыматта.

Аталган факты Ленин райондук ИИБ тарабынан Кылмыш жана жоруктардын бирдиктүү реестрине катталып, тергөө иштери жүрүүдө.

183
Белгилер:
кармоо, коркутуу, айдоочу, Кайгуул милициясы, Бишкек
Тема боюнча
Кыз ала качкан балдарды милиция кармаганча кууган. Бишкектик үй-бүлөнүн видеосу 
Кол кишен кармаган ИИМ кызматкерлери. Архив

"Ботош" каймана аты бар уюшкан кылмыштуу топтун мүчөсү кармалды

162
(жаңыланган 17:26 22.01.2021)
Ысык-Көлдө бир катар кылмыштарды жасаган деген шек менен кармалган "Ботоштун" кримтөбөл Камчы Көлбаевдин кылмыштуу тобунда мүчө экени аныкталган.

БИШКЕК, 22-янв. — Sputnik. Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды. Бул тууралуу УКМКнын басма сөз кызматы кабарлады.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды

Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

2020-жылдын сентябрь айында Ысык-Көл облустук сотунун чечими менен "Ботошту" камакка алуу түрүндөгү бөгөт чарасы үй камагына өзгөртүлгөн.

УКМК тарабынан уюшкан кылмыштуу топторго каршы тиешелүү иш-чаралар жүрүп жатканы кошумчаланды.

162
Белгилер:
УКМК, уюшкан кылмыштуу топ
Тема боюнча
Автомат такап, баса калып... Спецназ кримтөбөл "Алтуханы" кармаган видео
Кайгуул милициясынын унаасы. Архив

Бишкекте Кайгуул милициянын унаасы өкмөттүк трассада аялды сүзүп кетти

169
(жаңыланган 13:15 22.01.2021)
Кырсыкта жабыркаган аял атайын унаа менен ооруканага жеткирилген. Ал эми автоунаа айып жайга киргизилген.

БИШКЕК, 22-янв. — Sputnik. Бишкекте Кайгуул милициянын унаасы Чыңгыз Айтматов проспектисинде улгайган аялды сүзүп кетти. Бул маалыматты шаардын Кайгуул милициясы башкармалыгынын маалымат катчысы Байказы Айтикулов Sputnik Кыргызстан агенттигине тастыктады.

Анын айтымында, окуя кечээ, 21-январда, саат 10:00дө катталган. Патрулдук милициянын версиясы боюнча Айтматов проспектиси менен Славянский көчөсүнүн кесилишинде жолго чуркап чыга калган 62 жаштагы аялды айдоочу коюп кеткен. Жабырлануучу атайын унаа менен ооруканага жеткирилген.

Окуядан кийин милициянын кызматтык унаасы айып короого киргизилген. Маалымат катчы кырсык боюнча материалдар тергөө бөлүмүнө берилгенин кошумчалады.

Чыңгыз Айтматов проспектиси өкмөттүк трасса болуп саналат. Ал жол менен президент мамлекеттик резиденциядан Ак үйгө каттайт.

169
Белгилер:
автоунаа, Кайгуул милициясы, жол кырсык, Бишкек
Тема:
2021-жылдын башынан бери Кыргызстанда болгон жол кырсыктар
Тема боюнча
Карап туруп эле сүзүп алды. Токмокто адамды автоунаа койдуруп кеткен видео
Кыз апасы менен кинотеатрда. Архив

Балдар үчүн кинофильмдин сценарийине сынак жарыяланды

0
Сценарий жазууга катышууну каалагандардын арызы "Кыргызфильм" киностудиясынын электрондук почтасы аркылуу кабыл алынат.

БИШКЕК, 23-янв. — Sputnik. Төлөмүш Океев атындагы "Кыргызфильм" улуттук киностудиясы балдар үчүн кинофильмдин сценарийине сынак жарыялады. Бул тууралуу Маданият, маалымат жана туризм министрлигинен кабарлады.

Ага ылайык, арыздар "Кыргызфильм" киностудиясынын электрондук почтасы аркылуу кабыл алынат.

Сценарийдин тиркемесине төмөнкүлөр кирет:

  • болжолдуу аталышы;
  • жанр;
  • убакыт;
  • логлайн (кыскача баяндоо);
  • синопсис (кыскача мааниси).
"Сценарийлер америкалык форматта гана кабыл алынат. Ал эми тиркемелери менен өзү кыргыз тилинде жазылышы шарт. Жеңүүчүлөрдүн эмгеги киностудиянын расмий сайтына жарыяланат", — деп айтылат маалыматта.

Мыкты эмгектин ээсине 100 000 сом гонорар төлөнүп бериле турганы кошумчаланды.

0
Белгилер:
балдар, кино, сынак, сценарий
Тема боюнча
"Акыркы көч" тасмасы Дакка эл аралык кинофестивалына катышууда