Кыргызстандын Өзбекстан менен чектешкен аймагында кайрадан жер титиреди

© AFP / TED ALJIBEЖет титирөөнүн графиги. Архив
Жет титирөөнүн графиги. Архив - Sputnik Кыргызстан
Жазылуу
Ишемби күнү дагы эки өлкөнүн чектеш жеринде 5 баллдык жер титирөө болгон. Анын кесепетинен Баткен облусундагы бир нече имараттан жарака кетти.

БИШКЕК, 29-дек. — Sputnik. Кыргызстан менен Өзбекстандын чектешкен аймагында кайрадан жер титиреп, 4 баллга жетти. Бул тууралуу ӨКМ Сейсмология институтуна таянуу менен кабарлады.

Ал бүгүн, 29-декабрь күнү, саат 07:49да катталды.

Жер титирөө Ош шаарында жана Ош облусунун Кара-Суу районунун Нариман, Шарк, Кашкар-Кыштак, Жаңы-Кыштак айылдарында 4 балл, Кара-Суу шаарында, Ак-Таш, Большевик, Отуз-Адыр, Каарман, Кыргыз-Чек, Таштак, Мады, Дыйкан-Кыштак, Жапалак айылдарында 3 баллга чейин сезилген.

Последствия землетрясения в Чон-Алайском районе - Sputnik Кыргызстан
Табият албууттанганда. Кыргызстандагы жүрөк үшүн алган жаратылыш кырсыктары
Алдын ала алынган маалымат боюнча, жер титирөөдөн жабыркагандар жана кыйроолор катталган жок.

Эске салсак, ишемби күнү дагы эки өлкөнүн чектешкен жеринде 5 баллдык жер титирөө болгон. Анын кесепетинен Баткендин Кадамжай районунун Совет айылында №21 Кан орто мектебинин, Кайтпас айылындагы №23 Жоомарт Бөкөнбаев атындагы орто мектебинин жана "Керемет Банк Кадамжай" филиалынын дубалдарынан жарака кеткен.

Мындан сырткары, Баткен районунун Кыштут айылында орто мектеп жана Сай айылындагы "Баластан" балдар бакчасында, ошондой эле Бөжөй айылында беш турак үйдө, Самаркандек айылында бир тамда жана дагы бир орто мектепте жарака пайда болгон.

Объектилерди кайра калыбына келтирүүгө жергиликтүү бийликке сунуш берилген. Кошумча тактоо иштери жүргүзүлүп жатат.

Жаңылыктар түрмөгү
0