Колунда мылтык кармаган өспүрүм. Архив

Сокулуктун Орок айылындагы мушташтан үчөөнө ок тийип, бирөө бычак жеди

1555
(жаңыланган 13:13 31.12.2020)
Кылмышка шектелип 50 жаштагы И. Э. кармалып, Сокулук РИИБдин убактылуу кармоочу жайына киргизилген.

БИШКЕК, 31-дек. — Sputnik. Сокулук районунун Орок айылында 30-декабрга караган түнү адамдар мушташып, анын айынан үчөөнө ок тийип, бирөө бычак жеди. Бул тууралуу Чүй облустук милициянын маалымат кызматы кабарлады.

Билдирүүгө ылайык, саат 21:00 чамасында Бишкектеги ресторандардын биринде 52 жаштагы А. А. аттуу киши менен 50 жаштагы И.Э. жаңжалдашкан. Алар мушташып кеткенде жанында отурган туугандары бөлүштүрүп калган.

"Арадан бир нече саат өткөндөн кийин И.Э. ресторанда жаңжалдашкан кишинин Орок айылындагы үйүнө досторун ээрчитип келген. Анын короосунун дарбазасын талкалап, 52 жаштагы кишини жана анын 27 жаштагы баласын сабаган. Андан соң уулу куралын алып чыгып асманга аткан. Мушташтын кесепетинен төрт киши Бишкектеги ооруканага жеткирилген", — деп билдиришти милициядан.

Аталган факты Жазык кодексинин 266-беренеси ("Бейбаштык") менен Кылмыш жана жоруктардын бирдиктүү реестрине катталып, сотко чейинки өндүрүш ачылды.

Аталган кылмышка шектелип 50 жашатагы И. Э. кармалып, Сокулук РИИБдин убактылуу кармоочу жайына киргизилген.

Мындан сырткары, милиция окуя болгон жерди тинтип, ок атуучу куралды 12-калибрдеги огу менен табышкан. Жагдайдын чоо-жайын териштирүү үчүн ыкчам-тергөө иштери жүрүп жатат. Тийиштүү экспертизалар дайындалды.

1555
Белгилер:
Орок айылы, кармоо, милиция, мушташ, кылмыш
Тема боюнча
Экөөлөп сабап... "Кудайберген" базарындагы мушташ боюнча иш козголду
Коррупция беренеси менен шектелип Жогорку Кеңештин депутаты Дүйшөн Төрөкулов кармалды

Учактан кишенделип түштү. Депутат Төрөкуловдун кармалган видеосу

17
(жаңыланган 10:53 16.01.2021)
Улуттук коопсуздук мамлекеттик кызматы Жогорку Кеңештин депутаты Дүйшөн Төрөкуловду кармаган видеосун жарыялады.

БИШКЕК, 15-янв. — Sputnik. Эл өкүлү коррупцияга шектелип колго түшүрүлгөн. Ал 15-январь күнү Ош шаарынан кармалып, Бишкекке алып келинген. Кадрдан колуна кишен салынган депутатты атайын кызматтын куралчан аскерлери учактан түшүрүп, андан соң УКМКнын имаратына алып кирип кеткенин көрүүгө болот. 

Биринчи май райондук сотунун чечими менен депутат Төрөкулов эки айга УКМКнын тергөө абагына камалган.

Белгилей кетсек, Дүйшөн Төрөкулов Жогорку Кеңеште "Бир Бол" фракциясынан депутат. Октябрдагы башаламандык учурунда Ош шаардык мэриясын басып алып, өзүн өзү мэр деп жарыялап эки күн отурган.

17
Белгилер:
кармоо, УКМК, шайлоо, депутат, Дүйшөн Төрөкулов
Тема боюнча
УКМК депутат Дүйшөн Төрөкуловду желкелеген бойдон кармап кетти. Сүрөт
Автомат такап, баса калып... Спецназ кримтөбөл "Алтуханы" кармаган видео
Коррупция беренеси менен шектелип Жогорку Кеңештин депутаты Дүйшөн Төрөкулов кармалды

УКМК депутат Дүйшөн Төрөкуловду желкелеген бойдон кармап кетти. Сүрөт

88
(жаңыланган 10:23 16.01.2021)
Биринчи май райондук сотунун чечими менен депутат Төрөкулов эки айга УКМКнын тергөө абагына камалган.

БИШКЕК, 15-янв. — Sputnik. Коррупция беренеси менен шектелип Жогорку Кеңештин депутаты Дүйшөн Төрөкулов кармалды. Бул тууралуу УКМКнын маалымат кызматы кабарлады.

  • ГКНБ задержал депутата Жогорку Кенеша от фракции Бир Бол Дуйшона Торокулова
    Коррупция беренеси менен шектелип Жогорку Кеңештин депутаты Дүйшөн Төрөкулов кармалды
    © Фото / пресс-служба ГКНБ
  • ГКНБ задержал депутата Жогорку Кенеша от фракции Бир Бол Дуйшона Торокулова
    Билдирмеге ылайык, ал 15-январь күнү Ош шаарынан кармалып, Бишкек шаарына алып келинген.
    © Фото / пресс-служба ГКНБ
1 / 2
© Фото / пресс-служба ГКНБ
Коррупция беренеси менен шектелип Жогорку Кеңештин депутаты Дүйшөн Төрөкулов кармалды

Билдирмеге ылайык, ал 15-январь күнү Ош шаарынан кармалып, Бишкек шаарына алып келинген.

Ошондой эле УКМК менен ИИМдин тергөө кызматы биргелешип кылмыштуу топтун мүчөсү Жантай Шаменовду дагы Чүй облусунун аймагынан кармаганы айтылат.

Биринчи май райондук сотунун чечими менен депутат Төрөкулов эки айга УКМКнын тергөө абагына камалган. Ал эми Шаменов убактылуу кармоочу жайга киргизилди.

Белгилей кетсек, Дүйшөн Төрөкулов Жогорку Кеңеште "Бир Бол" фракциясынан депутат. Октябрдагы башаламандык учурунда Ош шаардык мэриясын басып алып, өзүн-өзү мэр деп жарыялап эки күн отурган.

88
Белгилер:
кармоо, УКМК, шайлоо, депутат, Дүйшөн Төрөкулов
Тема боюнча
Автомат такап, баса калып... Спецназ кримтөбөл "Алтуханы" кармаган видео
Лаборатория кызматкери иш учурунда. Архив

Россияда COVID-19ду бир саатта аныктай турган тест-система жасалды

0
(жаңыланган 11:03 16.01.2021)
Россиялык окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

БИШКЕК, 16-янв. — Sputnik. Роспотребнадзор мекемесинин Эпидемиология институту COVID-19ду 60-90 мүнөттүн ичинде аныктап берчү тест-система иштеп чыкты. Бул тууралуу аталган институттун директору Василий Акимкиндин сөзүнө таянып РИА Новости жазды.

"Биз вирусту аныктоо убактысын үч-төрт эсеге кыскарта алдык. Мунун негизинде тест-система иштеп чыктык. Эффективдүүлүгү жагынан кадимки ПЦР-тесттерден калышпайт. Жакынкы күндөрү аны COVID-19дун Улуу Британияда табылган жаңы штаммын аныктап көрүү үчүн жөнөтөбүз", — деди Акимкин.

Окумуштуулар жугуу жагынан күчтүүрөөк деп айтылып жаткан жаңы штаммдарды тез аныктоону максат кылууда.

Ошондой эле адистер жаңы тест-система вирустун мутация болгонун же болбогонун дагы так көрсөтүп берерин кошумчалашты.

0
Белгилер:
тест, коронавирус, Россия
Тема:
Дүйнөгө жайылган коронавирус
Тема боюнча
Кыргызстанда дагы бир менчик лабораторияга ПЦР-тест жүргүзүүгө уруксат берилди
Финпол ПЦР-тесттин жасалма жыйынтыгын саткан кылмыштуу топту кармады. Сүрөт
Россияда COVID-19га каршы массалык эмдөө башталат