Баңгизат. Архив

Кыргызстандан Европага кеткен 670 кг баңгизат. Декабрдагы соттук чечимдер

363
(жаңыланган 11:26 04.01.2021)
Декабрда фемида өкүлдөрү бир топ чуулуу иштерди карап чыкты. Укук коргоочулар тергеп, сотко өткөн кылмыштардын арасында Германияга 670 килограмм баңгизат жөнөткөн кылмыштуу топтун, күзүндөгү шайлоодо добуш сатып алууга аракет кылган пенсионердин былыктары бар.

Sputnik Кыргызстан агенттиги узаган жылдын акыркы айында соттор чыгарган чечимдердин айрымдарын тизмектейт.

Шайлоодо акча тараткан чал

Жетимиш жашка барып калган аксакал 2020-жылдын октябрь айында өткөн Жогорку Кеңештин депутаттарын шайлоодо добуш сатып алуу максатында акча таратып жүргөн жеринен милиционерлердин колуна түшкөн. Сот отурумунда ал күнөөсүн толугу менен мойнуна алып, ал ишке балдарын жумушка орноштуруу үчүн баргандыгын айткан. Себеби "Мекеним Кыргызстан" партиясынын талапкерлеринин бири анын уулдарын Ош облусундагы жаңы ачылган ишканага киргизип берем деп убадалаганын билдирген. Эми айыпталуучу мамлекетке 180 миң сом төлөмөй болду.

Секелек кызга кол салган зөөкүр

Мурда соттолгон, аялы менен ажырашып кеткен 40 жаштагы эркек киши мас болуп алып тууганынын 11 жаштагы кызы менен жыныстык катнашка барууга аракет кылган. Ал ыплас иш жасайын деп жатканын жакындары көрүп калып сарайдан кубалап, милицияга арыз жазышкан. Сотто шектүү күнөөсүн такыр мойнуна албай койгон. Ал эми зомбулукка дуушар болгон секелек жана анын жакындары окуянын чоо-жайын тергөөчүгө айтып берген. Эми эргул беш жыл өмүрүн темир тор артында өткөрөт.

Аялын бычактап өлтүрүп....

Эч жерде иштебеген, мурда соттолгон 36 жаштагы жаран адам өмүрүн кыюу үчүн атайын үйүнөн бычак алып чыгып, жолдон арак ичип алып коомдук тамактануучу жайлардын бирине барган. Ал жактан тааныш аялды барымтага алып, мойнуна бычак сайып жиберген. Тергөө маалында колго түшкөн эркек каза болуп калган келин менен убагында бирге жашап жүргөнүн, кийин анын боюнан түшүп калганда экөө тил табыша албай калганын айткан. Кылмыш болгон күнү ал аял менен сүйлөшкөнү келсе, келинчегинин биринчи жолдошу да кафеге кирип келген экен. Натыйжада эки эркек мушташып, соттолуучу аялды барымтага алуу менен аны бычактап салган. Маркумдун артында жашы жете элек үч баласы калды. Фемида өкүлдөрү эргулду 15 жылга кести.

Базардан паспорт сатып алган сулуу

Кыргызстандык жаш кыз бир нече жыл Түркияда эмгектенип жүрүп депортацияланган. Өз мекенине келгенден кийин ишсиз калган. Күндөрдүн биринде ал "Ош" базарындагы радио түйүндөн өзүнө окшош башка кыздын паспортун сатып алып Түркияга учуп кеткен. Кайра Кыргызстанга келгенде "Манас" эл аралык аэропортунда погончондордун колуна түшкөн. Тергөөдө ал күнөөсүн толугу менен мойнуна алып, соттон жеңил жаза берүүнү өтүнгөн. Сот бийкечти бир жылдык пробациялык көзмөлгө калтырды.

Европага жөнөтүлгөн 670 килограммдык баңгизат

Бишкекте өз ишмердүүлүгүн жүргүзгөн түркиялык жеке ишкана ээлери Ички иштер министрлигинин, Соода - өнөр жай палатасынын, Мамлекеттик бажы кызматынын жогорку кызматтагы адамдары менен бирге өтө оор кылмыш жасоого бел байлаган. Кылмыштуу топтун курамына Кыргызстан менен Түркиянын жарандары кирип, алар жүк ташуучу унаага 20 тоннадан ашык кондитердик азыктарды жүктөп Германияга жөнөткөн. Бирок Германия менен Польшанын укук коргоочулары унааны текшергенде, ичинен 40-50 миллион еврого бааланган 670 килограммдык баңгизат табылган. Кыргызстандык тергөөчүлөр болсо бир шектүүнү колго түшүргөн. Айыпталуучу тергөө менен кызматташып, кылганын толук мойнуна алган. Сот ага 300 миң сом айып салган, ал эми калган мүчөлөрү боюнча маалыматтар жок.

363
Тема боюнча
ИИМ: жаңы жыл түнү 184 кылмыш катталып, 2 129 айдоочу эреже бузду
"Манас" аэропортунда жооптуу кызматкерлер 135,6 млн. сом жоготкону аныкталды
Жол кырсыкта болгон автоунаа. Иллюстративное фото

Жети-Өгүз: автоунаалар кагышып, 20 жаштагы жигит көз жуумп, 8 адам ооруканага түштү

70
(жаңыланган 10:06 27.01.2021)
Куткаруучулар барганга чейин жабыркагандар Тез жардам кызматы аркылуу Каракол шаарындагы облустук ооруканага жеткирилген.

БИШКЕК, 27-янв. — Sputnik. Жети-Өгүз районунда BMW 525 жана Subaru Legasy автоунаалары кагылышып бир адам көз жумганын ӨКМдин маалымат кызматы кабарлады.

Каргаша 26-январда түнкү саат 23:43тө Каракол — Бөкөнбаев — Балыкчы жолунун 11-чакырымында болгон. Анын кесепетинен 20 жаштагы бала каза таап, сегиз адам жаракат алган.

Куткаруучулар барганга чейин жабыркагандар Тез жардам кызматы аркылуу Каракол шаарындагы облустук ооруканага жеткирилген.

Куткаруучулар сөөктү автоунаадан чыгарып ИИМ кызматкерлерине өткөрүп беришкен.

70
Белгилер:
өлүм, жол кырсык, ӨКМ, Жети-Өгүз району
Тема:
2021-жылдын башынан бери Кыргызстанда болгон жол кырсыктар
Тема боюнча
Ысык-Көлдө унаа бакты сүзүп, бир аял каза тапты. Жеринен тартылган сүрөт
Кыргыз эл акыны, сүрөтчү Рамис Рыскулов. Архив

Эл акыны Рамис Рыскулов түндө көз жумду

99
(жаңыланган 09:45 27.01.2021)
Рамис Рыскуловдун сөөгү "Ала-Арча" көрүстөнүнө коюлат. Маркум менен коштошуу зыйнатын эртең, 28-январда, өткөрүү пландалууда.

БИШКЕК, 27-янв. — Sputnik. Кыргыз эл акыны, сүрөтчү Рамис Рыскулов 87 жашында көз жумду. Бул тууралуу маалыматты Кыргызстан жазуучулар союзунун төрагасынын орун басары Керимбек Кадыракунов Sputnik Кыргызстан агенттигине тастыктады.

Маркум көптөн бери ооруп жүргөн.

"Кечээ түнкүсүн саат 12лерде каза болду. Жашы 87ге чыкты, ал киши көптөн бери ооруп жүргөн. Маркумдун сөөгү "Ала-Арча" көрүстөнүнө коюлат. Уюштуруу иштери жүрүп жатат", — деди ал.

Кадыракунов ошондой эле Эл акыны менен коштошуу зыйнатын эртең, 28-январда, өткөрүү пландалып жатканын кошумчалады.

Рамис Рыскулов 1934-жылы 9-сентябрда Чүй облусунун Москва районундагы Кызыл-Тоо айылында туулган.

Эл акыны чыгармачылык жолунда ондогон ыр китептердин, ыр жыйнактарынын автору болгон.

99
Белгилер:
Рамис Рыскулов, жерге берүү, өлүм
Тема боюнча
Белгилүү журналист Бейшенбек Бекешов көз жумду
Жогорку Кеңеш. Архив

Жогорку Кеңеште жаңы вице-спикер шайланууда. Көрсөтүлгөн талапкерлер

0
(жаңыланган 12:24 27.01.2021)
Төраганын орун басары кызматына парламенттин оппозициялык фракцияларынын квотасы менен көрсөтүлүп, шайланат.

БИШКЕК, 27-янв. — Sputnik. Жогорку Кеңештин депутаттары вице-спикерди шайлап жатат.

Төраганын орун басары кызматына оппозициялык фракциялардын квотасы менен көрсөтүлөт. "Ата Мекен" фракциясы Нурбек Сыдыгалиевди, "Өнүгүү – Прогресс" фракциясы Уланбек Исмаиловдун талапкерлигин сунуштады.

Мурдагы вице-спикер Мирлан Бакиров белгисиз себептерден улам өткөн жылдын 23-декабрында кызматын тапшырып кеткен.

0
Белгилер:
депутат, талапкер, шайлоо, вице-спикер, Жогорку Кеңеш, Мирлан Бакиров, Нурбек Сыдыгалиев, Уланбек Исмаилов
Тема боюнча
Садыр Жапаров премьерликтен качан кетиши керек? Өкмөттү кандай тагдыр күтөт
Аягына чейин иштесеңиз болмок. Касымалиева кызматтан кеткен Бакировго кайрылды