Бейтап ооруканада. Архив

Кеминдик жигитти жаңы жыл түнү поезд коюп кетип, эки бутунан ажырады

186
(жаңыланган 14:56 04.01.2021)
Маалыматтарга караганда, жаран башка адамды куткарам деп өзү поезд алдында калган. Туугандары донор издеп жатышат.

БИШКЕК, 4-янв. — Sputnik. Кыргызстандык Тилек Жумабековду жаңы жыл түнү поезд коюп кетип, натыйжада ал эки бутунан айрылды. Бул тууралуу Sputnik агенттигине анын тууганы Диляра Жакыпжанова билдирди.

Каргашалуу окуя Кеминде болгон.

"Саат 23:55тер чамасында ага апасы телефон чалып, каякта жүргөнүн сураган. Тилек жакында келерин айткан, бирок кийин аны поезд коюп кеткенин билдик. Кабарды укканыбызда аны Кеминдин ооруканасына алып кетишиптир. Окуя кандайча болгону белгисиз. Кайсы бир киши Тилек бир адамды куткарып калганын айтыптыр, бирок ал күбөнү таппай жатабыз", - деди Жакыпжанова.

Жабырлануучу Травматология жана ортопедия илим-изилдөө борборунун реанимация бөлүмүнө (4-шаардык оорукана) жаткырылган. Учурда туугандары донор издеп жатышат. Жардам бергиси келгендер Кан борборуна (Айтматов проспекти, 60, Айни көчөсү менен кесилишет) барып Тилек Жумабековдун атына кан тапшыра алышат. Маалым катты сүрөткө тартып (0500) 01-44-49 жана (0709) 200-772 номерлерине жөнөтүүгө болот.

Окуя тууралуу Бишкектин вице-мэри Айжан Чыныбаева да жазды. Анын айтымына караганда, Тилек рельсте турган кишини түртүп ийип куткарып калган.

186
Белгилер:
кырсык, Кемин, Жаңы жыл, поезд
Тема боюнча
Казакстанда тоңуп калган кыргызстандык айдоочуларды полиция куткарып калды
Ошто жер титиреди

Бишкекте кургак сүттү мыйзамсыз өндүргөн жашыруун цех табылды. Видео

23
Ордо калаадагы базарлардын биринин аймагынан кургак сүттү санитардык эреже сакталбаган шартта жасаган цех табылган. Финпол ушундай мыйзамсыз иштер менен алектенгендер тууралуу кабарлап коюуну суранды.

Бишкекте Frima кургак сүтүн мыйзамсыз жол менен өндүрүп келген жашыруун цех табылды. Бул тууралуу Экономикалык кылмыштарга каршы күрөшүү мамлекеттик кызматы кабарлады.

Мекемеден билдиришкендей, бул факт Жазык кодексинин 218-беренеси ("Товарларды индивидуалдаштыруу каражаттарын (иштерди, кызмат көрсөтүүлөрдү) мыйзамсыз пайдалануу") менен сотко чейинки өндүрүшкө алынган.

"25-январь күнү ордо калаадагы базарлардын биринин аймагынан аталган азыкты санитардык эрежел сактабалбаган шартта жасаган цех табылды. Учурда өлкө боюнча ушул сыяктуу фактыларды аныктоо иш-чаралары жүрүп жатат", – деп айтылат маалыматта.

Финпол азык-түлүктөрдү мыйзамсыз өндүрүү жана сатуу менен алектенгендер тууралуу кабары барларга кайрылып, 1955 номерине билдирип коюуну суранат.

Мындай азыктар өлкө экономикасына гана эмес, жарандардын ден соолугуна да коркунуч келтирери белгиленген.

23
Белгилер:
кылмыш, азык, кургак сүт
Тема боюнча
Бишкекте мөөнөтү өткөн конфет-печенье сакталган дагы бир кампа табылды. Видео
Бишкек шаарындагы Орто-Сай базарында ири өрттүн кесепети

Былтыр "Орто-Сай" базарында ири өрт чыгарган деген киши кармалды

83
(жаңыланган 10:02 26.01.2021)
Ордо калаада былтыр 9-ноябрга караган түнү "Орто-Сай" базарынан өрт чыгып, тигүү цехи, тез татым жайы жана дүкөн жайгашкан эки кабаттуу имарат күйүп кеткен.

БИШКЕК, 26-янв. — Sputnik. Бишкек шаарындагы "Орто-Сай" базарында ири өрттү чыгарганга шектелген адам кармалды. Бул тууралуу шаардык милиция кабарлады.

Подозреваемый в поджоге на Орто-Сайском рынке
© Фото / пресс-служба ГУВД Бишкека
Шектүү

Эске салсак, былтыр 9-ноябрга караган түнү саат 00:18дер чамасында Бишкектеги "Орто-Сай" базарынан өрт чыккан. Өрт түнкү саат 02:16ларда чектөөгө алынып, толугу менен эртең мененки саат 8:55те өчүрүлгөн. ӨКМдин маалыматы боюнча, болжол менен 1800 чарчы метр жер күйгөн. Өрт тигүү цехи, тез татым жайы жана дүкөн жайгашкан эки кабаттуу имараттан чыккан.

Аталган факт боюнча Жазык кодексинин 210-беренеси менен ("Башка бирөөнүн мүлкүн жок кылуу жана талкалоо") кылмыш иши козголгон.

Бишкек ШИИББ өткөн жумада 42 жаштагы эркек кишини кармады. Ал камакка алынып, тергөө амалдары жүрүүдө.

83
Белгилер:
шектүү, кылмыш иши, өрт, Орто-Сай базары, Бишкек
Тема боюнча
Кара-Кече көмүр кенинен өрт чыкты. Сүрөт, видео
 Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты

Айлыгын ала албай жүргөн жолчулар Бишкекке келип митингге чыгышты. Сүрөт

0
Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатышат.

БИШКЕК, 26-янв. — Sputnik. Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты.

  • Митинг сотрудников Минтранса в Бишкеке, с требованием выдачи зарплаты
    Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты
    © Sputnik / Эркин Садыков
  • Митинг сотрудников Минтранса в Бишкеке, с требованием выдачи зарплаты
    Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатат
    © Sputnik / Эркин Садыков
  • Митинг сотрудников Минтранса в Бишкеке, с требованием выдачи зарплаты
    Алар сентябрдан бери айлык толук төлөнбөй 2000-3000 сомдон гана берилип жатканына нааразы.
    © Sputnik / Эркин Садыков
1 / 3
© Sputnik / Эркин Садыков
Беш-алты айдан бери маянасын толук ала албай келген жолчулар бүгүн Транспорт жана жолдор министрлигинин алдына митингге чыгышты

Өлкөнүн ар аймагынан келген 60ка чукул жол кызматкери чогулуп, эмгек акыларын өз убагында беришин талап кылып жатат. Алар сентябрдан бери айлык толук төлөнбөй 2000-3000 сомдон гана берилип жатканына нааразы. Маселени аймактагы жетекчилер чече албагандыктан министрликке келүүгө аргасыз болгонун айтышты. Алардын бири Нарындын Ат-Башы районунда жол тазалап иштеген Жаңыбай Кенжебаев.

"Акыры айлабыз кеткенде үнүбүздү чоңдорго жеткирели деп Бишкекке келдик. Жеке мен декабрдан бери айлык ала элекмин. Эмгек өргүүгө чыксак, аны да төлөп беришкен жок. Биз аба ырайы кандай болгонуна карабай жолдо иштеп, бирок акыбызды ала албай чуркап жүрөбүз. Ал эми кышкысын жылуу, жайында көлөкөдө отурган мекеме кызматкерлери убагынан кечиктирбей алууда", — деди Кенжебаев.

Чогулган жолчулардын алдына Жол чарба департаментинин директорунун орун басары Жумаш Сооданбаев чыкты. Ал январдын айлыгы толук төлөнөрүн, ал эми февралда мурдагы карыздары кошулуп берилерин убадалады.

0
Белгилер:
Бишкек, кызмат, маяна, митинг
Тема боюнча
Хан сарай, бодо мал... Министрликтин өкүлү мыйзамсыз байыган деп кармалды
Иш таштаган маршрутка айдоочулары. Үч компанияга эскертүү берилди