Күйүк бөлүмү. Архивдик сүрөт

Денесинин 82%ы күйгөн. Таластагы жарылуудан жабыркагандардын абалы айтылды

208
(жаңыланган 13:30 05.01.2021)
Өрттөн жабыркагандардын экөө облустагы биргелешкен ооруканада, сегиз бейтап Кара-Буура аймактык ооруканасында дарыланууда. Алардын арасында жаш бала бар.

БИШКЕК, 5-янв. — Sputnik. Саламаттык сактоо министрлиги Талас облусундагы тез тамактануучу жайдагы өрттөн күйүк алган адамдардын абалы тууралуу маалымат таратты.

Ага ылайык, учурда 10 адам облустук биргелешкен ооруканасында жана Кара-Буура аймактык ооруканасында дарыланууда. Жабыркагандардын бири жаш бала. Ал эми бир бейтап үй шартында дарыланууга жиберилген.

Кара-Буура аймактык ооруканасынын жандандыруу бөлүмүндө жаткандар:

  • 32 жаштагы К.к.Б. денесинин 82 пайызы күйүп калган, абалы өтө оор;
  • 29 жаштагы С.у.А. денесинин 32 пайызын күйүк алган, абалы орто оор;
  • 29 жаштагы Т.Ч. денесинин 36 пайызын күйүк алган, абалы орто оор.

Калган беш жабырлануучу ар кандай деңгээлдеги күйүк менен Кара-Буурадагы оорукананын хирургия бөлүмүнө жаткырылган. Дарыгерлер алардын саламаттыгын орточо туруктуу деп баалашууда.

Эки жабырлануучу Талас облустук биргелешкен ооруканасына которулуп, жандандыруу бөлүмүнө жаткырылган.

Алар:

  • 40 жаштагы К.С., денесинин 40 пайызга жакынын күйүк алган, абалы оор деп бааланууда;
  • 41 жаштагы К.З., денесинин 45-48 пайызын күйүк алган, абалы оор деп бааланууда.                            Бейтаптар үчүн дары-дармек жетиштүү экени айтылды.

Кара-Буура районуна караштуу Кызыл-Адыр айылындагы "Шаурма City" тез тамактануучу жайда 4-январь күнү газ баллон жарылып, өрт чыккан. Кырсыктын келип чыгышына газ баллонду колдонууда өрт коопсуздугу боюнча эрежелердин бузулушу себеп болгон.

208
Белгилер:
баллон, Газ, Талас, оорукана, бейтап, күйүк, абал, өрт, жарылуу
Тема боюнча
Таластагы жарылуу: кырсыктын себеби айтылып, дарыгерлер консилиум өткөрүүдө
Таластагы тез тамактануучу жайда газ баллон жарылып, 11 киши жабыркады. Видео
ӨКМ кызматкерлери. Архив

Бала бакчадагы өрт. Милиция күйүп жаткан имараттагы адамдарды сыртка чыгарып кеткен

85
(жаңыланган 20:55 15.01.2021)
ӨКМдин куткаруучулары бир сааттын ичинде жалынды чектөөгө алып, кийин толугу менен өчүргөн. Жабыркагандар жана көз жумгандар жок.

БИШКЕК, 15-янв. — Sputnik. Бишкектин Ленин райондук милициясы өрт чыккан бала бакчадагы адамдардын бардыгын эвакуациялаган. Бул тууралуу райондук милициядан билдиришти.

Эске салсак, бүгүн, 15-январда, Түштүк магистралда жайгашкан жеке менчик бала бакчадан өрт чыккан.

Милициядан билдиришкендей, кырсык тууралуу маалымат саат 17:34тө түшкөн.

"Жерине Ленин райондук милициясынын экинчи бөлүмүнүн кызматкерлери жөнөп кеткен. Алар барганда Масалиев көчөсүндөгү бала бакчанын үстүнкү кабаты күйүп жатканын көрүшкөн. Коопсуздук үчүн имараттын ичиндегилердин бардыгы эвакуацияланып, аймак курчоого алынган. ӨКМдин куткаруучулары бир сааттын ичинде жалынды чектөөгө алып, кийин толугу менен өчүрдү (19:22). Жабыркагандар жана көз жумгандар болгон жок", - дешти милициядан.

Факты Кылмыштардын жана жоруктардын бирдиктүү реестрине Кылмыш-жаза кодексинин 261-беренеси ("Өрт коопсуздук эрежелерин бузуу") боюнча каттоого алынды.

Сотко чейинки өндүрүштүн алкагында тергөө амалдары уланып жатат.

85
Белгилер:
кырсык, өрт, ӨКМ, милиция
Тема боюнча
Түштүк магистралда жеке менчик бала бакча өрттөнүп жатат. Сүрөт, видео
Ош шаарында 100 орундуу бала бакча пайдаланууга берилди. Сүрөт
Көчө тазалаган аял. Архивдик сүрөт

Жалал-Абадда көчө шыпырган аялды сабады деген шектүү кармалды

75
(жаңыланган 18:27 15.01.2021)
Тергөө учурунда жабырлануучу шектүүнү тааныган. Кийинчерээк ал аял кармалган кишиге дооматы жок экенин айтып, тосмо арыз жазганы айтылды.

БИШКЕК, 15-янв. — Sputnik. Жалал-Абадда көчө шыпырган аялды сабады деген шектүү кармалып, тергөө иштери башталды. Бул тууралуу Облустук ички иштер башкармалыгынын маалымат кызматы кабарлады.

Буга чейин Жалал-Абад шаарынын "Тазалык" ишканасынын кызматкери Маргуба Хакимованы белгисиз киши сабап кеткени кабарланган. Ал аялды белгисиз эркек киши таш менен чаап, ур-соккуга алып, милиция келгенге чейин качып кеткен. Жыйынтыгында жабырлануучу облустук ооруканага жаткырылган.

Факты боюнча топтолгон материал Жоруктар кодексинин 119-беренеси ("Майда бейбаштык") менен КЖБРге катталып, сотко чейинки өндүрүш иши ачылган.

"Жүргүзүлгөн иликтөө иштеринин натыйжасында аталган окуяга шектүү катары Сузак районунун К.У. аттуу 30 жаштагы тургуну аныкталып, тергөө иштери башталган. Тергөөнүн жүрүшүндө жабырлануучу шектүүнү тааныган", — деп жазылат маалыматта.

Кийинчерээк жабырлануучу шектүүгө доосу жок экенин айтып, тосмо арызын жазып бергени маалым болду. Учурда тергөө амалдары улантылып жатат.

75
Белгилер:
шектүү, аял, көчө, "Тазалык" ишканасы, Жалал-Абад
Тема боюнча
Оштон автоунаа айдай качкан жаранды Токтогулдун инспектору кууп жүрүп кармады
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн