Акча санап жаткан аял. Архив

Жалал-Абаддагы абакка 40 миң рубль киргизүүгө аракет кылган аял кармалды

76
(жаңыланган 15:37 06.01.2021)
Колго түшкөн 30 жаштагы аял абакта жаза өтөп жаткан жарандык никедеги жолдошуна жолугуу үчүн мекеменин жетекчилигинен уруксат алганы айтылды.

БИШКЕК, 6-янв. — Sputnik. Жалал-Абад шаарындагы №10 абакка 40 миң рубль жана 1300 сом алып кирүүгө аракет кылган аял кармалды. Бул тууралуу Жаза аткаруу мамлекеттик кызматы кабарлады.

Маалыматка ылайык, 5-январь күнү кызматкерлер тарабынан кармалган аял 17 жылга эркинен ажыратылган жарандык никедеги жолдошуна жолугуу үчүн абак жетекчилигинен уруксат алган.

"Абактын тинтүү бөлмөсүнөн текшерген учурда аялдын койнуна катылган кара түстөгү баштыкчанын ичинен 40 миң рубль жана 1300 сом табылган. Топтогон материалдар маалыматтарды эсепке алуу журналына катталып, тийиштүү кызматкерлерге өткөрүп берилген", — деп айтылат маалыматта.

Азыркы учурда жогорудагы факт боюнча сотко чейинки териштирүү башталганы кабарланды.

76
Белгилер:
Жалал-Абад, акча, кармоо, абак
Тема боюнча
Бишкекте кыздарды чет өлкөгө сойкулукка жиберген аял кармалды
ӨКМ кызматкери өрт жеринде. Архивдик сүрөт

Түндө Бишкекте азык-түлүк саткан дүкөн өрттөнүп кетти. Видео

86
(жаңыланган 10:42 23.01.2021)
Өрт түнкү үчтөрдө чыгып, ага куткаруучулардын бир бөлүмү тартылган. Дүкөндөгү азык-түлүктөр менен 11 муздаткыч жана кондиционер күйүп кеткен.

БИШКЕК, 23-янв. — Sputnik. Бишкекте түндө дүкөн өрттөнүп кеткенин ӨКМдин маалымат кызматы кабарлады.

"Короче" Telegram-каналы өрттүн видеосун жарыялады.

23-январга караган түнү 5-кичи районундагы №48 үйдүн жанында жайгашкан азык-түлүк саткан дүкөндөн өрт чыккандыгы тууралуу маалымат түшкөн. Өрттү өчүрүүгө саат 02:39да Октябрь районунан бир бөлүм тартылган.

Тилсиз жоо саат 03:36да чектөөгө алынып, 04:30да толук өчүрүлгөн.

"Кийинчерээк дүкөндүн аянты 50 чарчы метр экени аныкталды. Ошондой эле азык-түлүктөр менен биргеликте 11 муздаткыч жана кондиционер күйүп кеткен", — деп айтылат маалыматта.

Өрткө электр жабдыктарын орнотуудагы эреже бузуулар себеп болгон.

86
Белгилер:
дүкөн, өрт, ӨКМ, Бишкек
Тема боюнча
Бала бакчадагы өрт. Милиция күйүп жаткан имараттагы адамдарды сыртка чыгарып кеткен
Кол кишен кармаган ИИМ кызматкерлери. Архив

"Ботош" каймана аты бар уюшкан кылмыштуу топтун мүчөсү кармалды

167
(жаңыланган 17:26 22.01.2021)
Ысык-Көлдө бир катар кылмыштарды жасаган деген шек менен кармалган "Ботоштун" кримтөбөл Камчы Көлбаевдин кылмыштуу тобунда мүчө экени аныкталган.

БИШКЕК, 22-янв. — Sputnik. Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды. Бул тууралуу УКМКнын басма сөз кызматы кабарлады.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ысык-Көлдө уюшкан кылмыштуу топтун "Ботош" аттуу каймана аты бар О.А.К. аттуу активдүү мүчөсү кармалды

Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

В Иссык-Кульской области задержан член организованной преступной группировки О. А. по прозвищу Ботош,
© Фото / пресс-служба ГКНБ
Ал Ысык-Көл облусунда бир катар кылмыштарды жасаган деп шектелүүдө. Анын кримтөбөл Камчы Көлбаевдин кылмыштуу тобунда мүчө экени дагы аныкталган.

2020-жылдын сентябрь айында Ысык-Көл облустук сотунун чечими менен "Ботошту" камакка алуу түрүндөгү бөгөт чарасы үй камагына өзгөртүлгөн.

УКМК тарабынан уюшкан кылмыштуу топторго каршы тиешелүү иш-чаралар жүрүп жатканы кошумчаланды.

167
Белгилер:
УКМК, уюшкан кылмыштуу топ
Тема боюнча
Автомат такап, баса калып... Спецназ кримтөбөл "Алтуханы" кармаган видео
Лондондо коронавируска кабылган бейтапты ооруканага жеткирүү. Архивдик сүрөт

Коронавирустун жаңы түрүндө өлүм көп катталары айтылды. ДССУ эмне дейт

0
(жаңыланган 11:42 23.01.2021)
Коронавирустун жаңы штаммы азыр 60тан ашык мамлекетте катталды. Ал SARS-CoV-2 вирусуна салыштырмалуу адамдан адамга өтө тез жугары маалым болгон.

БИШКЕК, 23-янв. — Sputnik. Британиянын премьер-министри Борис Жонсон коронавирустун "британдык" штаммы кадимки SARS-CoV-2ге салыштырмалуу адам өлүмүнө көп алып келерин айтты. Бул тууралуу РИА Новости жазды.

Брифингде айтылган маалымат боюнча, коронавирус жуктурган 1000 кишинин ичинен 10у каза тапса, вирустун мутацияланган түрүндө 13-14 бейтап акка моюн сунган. Азыр Улуу Британия сутка ичинде COVID-19дан көз жумгандардын дүйнөлүк статистикасында биринчи орунда турат.

Ошол эле учурда Жонсон өлкөдө колдонулуп жаткан Pfizer жана AstraZeneca вакциналары жаңы штаммга оң таасирин тийгизерине ишендирген.

Дүйнөлүк саламаттык сактоо уюму Жонсондун айткандары боюнча үн катып, коронавирустун "британдык" штаммында өлүмдүн көп болушу саламаттык сактоо системасына күч келгенине байланыштуу экенин айткан.

"Вирус бат тарагандыктан эл көп ооруй турганы белгилүү. Анан ооруканалар да жык толот. Дарыгерлер бирине жетишсе, экинчисине жетишпейт. Натыйжада саламаттык сактоо системасына күч келип, өлүмдү азайта албай калышат", — деген ДССУ өкүлү Ван Керкхове.

Коронавирустун жаңы түрү — VUI-202012/01 тууралуу 14-декабрда Британиянын саламаттык сактоо министри Мэтт Хэнкок айтып чыккан. Ал SARS-CoV-2 вирусуна салыштырмалуу адамдан адамга өтө тез жугары айтылган. Коронавирустун бул штаммы азыр 60тан ашык мамлекетте катталды.

0
Белгилер:
өлүм, вакцина, штамм, коронавирус, Дүйнөлүк саламаттыкты сактоо уюму, Улуу Британия
Тема:
Дүйнөгө жайылган коронавирус