АКШ долларлары. Архив

600 миң доллар пайда көргөн. Финпол алдамчылыкка шектелген адамды кармады

371
Атайын кызмат шектүүнүн сүрөтүн жарыялап, кокус анын торуна илингендер болсо, Финансы полициясына тезинен кайрылууну же ишеним номерине чалууну өтүндү.

БИШКЕК, 7-янв. — Sputnik. Экономикалык кылмыштарга каршы күрөшүү кызматы өзгөчө ири өлчөмдөгү алдамчылыкка шектелип жаткан Дөлөтбак Акимканов аттуу адамды кармады. Бул тууралуу Финполдун маалымат кызматы кабарлады.

Билдирмеге караганда, ага карата сот КРдин Жазык-процесстик кодексинин ченемдерине ылайык жаза өтөө чарасын тандайт. Учурда ал Ички иштер башкы башкармалыгынын убактылуу кармоочу жайына киргизилген.

"Тергөөдө белгилүү болгондой, шектүү буга чейин бир нече жолу алдамчылык кылган жана расмий документтерди жасалмалоо фактылары боюнча жоопкерчиликке тартылган", — деп айтылат маалыматта.

Атайын кызмат шектүүнүн сүрөтүн жарыялап, кокус анын торуна илингендер болсо, Финансы полициясына тезинен кайрылууну же ишеним номерине чалууну өтүндү.

371
Белгилер:
документ, шектүү, акча, алдамчылык, финансы полициясы
Тема боюнча
Жасалма документ, криминалга аралашкан. УКМК Кылыч Саркарбаевди кармады
ӨКМдин Бишкек шаары боюнча башкармалыгынын куткаруу кызматынын башчысынын орун басары, улук лейтенант Дастан Женгенбеков. Архив

Женгенбеков: Дача-СУ кырсыгында элдин ынтымагы көзгө жаш алдырды

2
(жаңыланган 11:34 16.01.2021)
ӨКМдин Бишкек шаары боюнча башкармалыгынын куткаруу кызматынын башчысынын орун басары, улук лейтенант Дастан Женгенбеков 2017-жылы "Манас" эл аралык аэропортунун жанындагы Дача СУ конушунда болуп өткөн кырсык тууралуу эскерди.
Женгенбеков: Дача-СУ кырсыгында элдин ынтымагы көзгө жаш алдырды

Дача-СУдагы кырсыкта элдин ынтымагына суктандым. Бишкектиктердин күйүмдүүлүгүн көрүп, көзүбүзгө жаш алдык. Мындай сезимдери менен Дастан Женгенбеков Sputnik Кыргызстан радиосуна маек куруп жатып бөлүштү.

Куткаруучунун айтымында, элден ар кандай жардамдар кырсык болгон күнү түштөн тарта келе баштаган.

"Мен ал күнү күзөттө болчумун. Бир сааттан соң нөөмөттү тапшырабыз деп турганбыз. Аңгыча эле "Манас" аэропорту жакта учак кулады деген чакырык келип түштү. Алгач уккан кулагыма ишенген жокмун, тилекке каршы, маалымат чын болуп чыкты. Саат 8ге чамалап жетип бардык. Согушка түшкөндөй эле болдук. Урандылар менен коюу туман, түтүндүн арасынан чыккан онтологон үндөр жүрөгүбүздүн үшүн алды. Саат 14:00гө чейин тынымсыз иштеп жаттык. Негизги максатыбыз, тилегибиз да тирүү адамдарды табуу эле. Түштөн баштап элден гуманитардык жардам келе баштады. Улгайган апалар бир килограмм кумшекер, бир банка варенье, жаш балдар чогултуп жүргөн тыйындарын кутучасын жара чаап көтөрүп келип жаткандарын көргөндө көзүмө жаш алдым. Шаардыктардын мындай боорукерлигин, ынтымагын ошондо алгач ирет көргөм", — деди Женгенбеков.

Ал куткаруучулук кызмат өзүмчүл болбоого тарбиялай тургандыгын кошумчалады.

Эскерте кетсек, каргаша 2017-жылы 16-январда эртең менен болгон. Жүгү бар Boeing учуп-конуу тилкесинен чыгып кетип, аэропорттун жанындагы Дача-СУ айылына кулаган. Натыйжада айылдын 35 тургуну менен экипаждын төрт мүчөсү тең каза тапкан.

Sputnik агенттиги Дача-СУдагы авиакырсыктын себебин ачып берген даректүү тасма даярдады.

2
Белгилер:
куткаруучу, ӨКМ, кырсык, Дача СУ
Тема:
Дача айылындагы авиакырсыктын кесепеттери
Тема боюнча
Өлөр алдында учкучтар уруша кетишкен. Дача СУга учактын кулаган себеби
Коррупция беренеси менен шектелип Жогорку Кеңештин депутаты Дүйшөн Төрөкулов кармалды

Учактан кишенделип түштү. Депутат Төрөкуловдун кармалган видеосу

351
(жаңыланган 11:35 16.01.2021)
Улуттук коопсуздук мамлекеттик комитети Жогорку Кеңештин депутаты Дүйшөн Төрөкуловду кармаган видеосун жарыялады.

БИШКЕК, 16-янв. — Sputnik. Эл өкүлү коррупцияга шектелип колго түшүрүлгөн. Ал 15-январь күнү Ош шаарынан кармалып, Бишкекке алып келинген. Кадрдан колуна кишен салынган депутатты атайын кызматтын куралчан аскерлери учактан түшүрүп, андан соң УКМКнын имаратына алып кирип кеткенин көрүүгө болот. 

Биринчи май райондук сотунун чечими менен депутат Төрөкулов эки айга УКМКнын тергөө абагына камалган.

Белгилей кетсек, Дүйшөн Төрөкулов Жогорку Кеңеште "Бир Бол" фракциясынан депутат. Октябрдагы башаламандык учурунда Ош шаардык мэриясын басып алып, өзүн-өзү мэр деп жарыялап эки күн отурган.

351
Белгилер:
кармоо, УКМК, шайлоо, депутат, Дүйшөн Төрөкулов
Тема боюнча
УКМК депутат Дүйшөн Төрөкуловду желкелеген бойдон кармап кетти. Сүрөт
Автомат такап, баса калып... Спецназ кримтөбөл "Алтуханы" кармаган видео
Студенттер лекция учурунда. Архив

РФ ЖОЖдору бюджетке кабыл ала баштады. Кыргызстандыктар эмнени билиши керек

0
(жаңыланган 11:37 16.01.2021)
Жогорку окуу жайларга документтерди мектеп бүтүрүүчүлөрү да, орто окуу жайды аяктагандар да тапшырса болот. Талапкерлерди кабыл алуу Россотрудничествонун КРдеги өкүлчүлүгү аркылуу гана жүрөт.

БИШКЕК, 16-янв. — Sputnik. Россияда 2021-2022-окуу жылына бюджеттик окуу жайларга документтерди кабыл алуу жарыяланды. Бул тууралуу маалымат Россотрудничествонун расмий сайтына чыкты.

Документтерди кабыл алуу Россия өкмөтү кыргызстандыктар үчүн бекиткен квотага ылайык жүрөт. РФтин ЖОЖдорунан билим алууну каалагандарды тандоо түздөн-түз Россотрудничествонун КРдеги өкүлчүлүгү аркылуу өтүп, башка эч кандай жол, ортомчулук болбойт.

Окуу жайларга документтерди мектеп бүтүрүүчүлөрү да, орто окуу жайды аяктагандар да тапшыра алышат. Эгерде талапкер документин тапшырган учурда башка жакта билим алып жаткан болсо, анда баалары менен кошо академиялык справкасын алып келүүсү керек.

Документтерди кабыл алуу 2021-жылдын 20-январынан 20-февралына чейинки аралыкта бир гана EDUCATION IN RUSSIA сайтында жүргүзүлөт. Көрсөтүлгөн убакыттан кеч берилген документтер каралбайт.

Каттоого алуу өтө кыска убакытта жүргүзүлөт. Ошондуктан документтерди алдын ала даярдоо зарыл. Аларды толтуруу боюнча консультация 2021-жылдын 26-январынан тарта аптасына эки жолу (шейшемби, бейшемби күндөрү) саат 17:00дөн 18:00гө чейин жүргүзүлөт.

Бардык документтерди электрондук түрдө (файлдар pdf форматында болушу зарыл, бир документ — бир файл, файлдын көлөмү 3 Мбайттан ашпашы талап кылынат) EDUCATION IN RUSSIA сайтына жүктөө керек. Ар бир файлдын аталышы (аты-жөнү жана документтин аталышы) болушу зарыл.

Сурап-билүү үчүн +996 (312) 300-512 телефону же abiturient@kgz.rs.gov.ru электрондук почтасы аркылуу кайрылууга болот.

0
Белгилер:
документ, Кыргызстан, бюджет, билим берүү, ЖОЖ, Россия
Тема боюнча
Россиянын алдыңкы ЖОЖдоруна кантип өтүү керек? Пайдалуу портал
Россияда билим алууга квота бөлүү: система реформаланат, орун көп болот