Президенттикке талапкер Курсан Асанов. Архив

УКМК Курсан Асановдун жубайын шылуундукка айыптады. Адвокаттын жообу

320
(жаңыланган 12:39 08.01.2021)
УКМК кечээ президенттикке талапкерлердин биринин аялы чет элдик жаранды 5 миллион долларга алдап кеткени аныкталганын кабарлаган.

БИШКЕК, 8-янв. — Sputnik. Президенттикке талапкер Курсан Асановдун жубайы алдамчылыкка шектелип жаткан жок. Бул туурасында талапкердин адвокаты Таалайгүл Токтакунова Facebook баракчасына жазды.

Белгилей кетсек, УКМК кечээ расмий маалымат таратып, президенттикке талапкерлердин биринин аялы У.К. чет элдик жаранды 5 миллион долларга алдап кеткени аныкталганын билдирген. Ал каражатты 2017-2018-жылдары А.О. аттуу аялдан чогуу бизнес кылабыз деп алып кайтарбай койгону айтылган.

Кийинчерээк айрым ЖМКлар алдамчылыкка шектелген аял Курсан Асановдун жубайы Күлнара Үсөнканова экенин жазган.

Асановдун адвокаты Үсөнканова "өтө чоң шылуун" экенин ЖМКлардан угуп жатканын таң калуу менен билдирди.

"Биринчиден, ал (Күлнара Үсөнканова — ред.) бүгүнкү күндө шектүү деп таанылган эмес. Экинчиден, Кой-Таш окуясынан кийин укук коргоо органдарына тынбай каттап жатат. Ага эмне деген гана күнөөлөрдү коюуга аракет кылышкан жок, "Бастилияны басып алды" деп айыптоо гана калды. Жубайы эле эмес, жалгыз уулу да атасынын ишмердүүлүгү үчүн түйшүк тартууда", — деди Токтакунова.

Ошондой эле адвокат ал генералдын жубайы экенин айтып, баарына чыдай турганын белгиледи.

320
Белгилер:
алдамчылык, жубайлар, Курсан Асанов, Таалайгүл Токтакунова
Тема боюнча
Транспорт жана жолдор министрлигинин статс-катчысы кармалды
УКМК Өмүрбек Бабановду суракка чакырды
Курсан Асановдун жубайы кайсы иш боюнча суракка чакырылып жатканы айтылды
ӨКМ кызматкерлери. Архив

Бала бакчадагы өрт. Милиция күйүп жаткан имараттагы адамдарды сыртка чыгарып кеткен

72
(жаңыланган 20:55 15.01.2021)
ӨКМдин куткаруучулары бир сааттын ичинде жалынды чектөөгө алып, кийин толугу менен өчүргөн. Жабыркагандар жана көз жумгандар жок.

БИШКЕК, 15-янв. — Sputnik. Бишкектин Ленин райондук милициясы өрт чыккан бала бакчадагы адамдардын бардыгын эвакуациялаган. Бул тууралуу райондук милициядан билдиришти.

Эске салсак, бүгүн, 15-январда, Түштүк магистралда жайгашкан жеке менчик бала бакчадан өрт чыккан.

Милициядан билдиришкендей, кырсык тууралуу маалымат саат 17:34тө түшкөн.

"Жерине Ленин райондук милициясынын экинчи бөлүмүнүн кызматкерлери жөнөп кеткен. Алар барганда Масалиев көчөсүндөгү бала бакчанын үстүнкү кабаты күйүп жатканын көрүшкөн. Коопсуздук үчүн имараттын ичиндегилердин бардыгы эвакуацияланып, аймак курчоого алынган. ӨКМдин куткаруучулары бир сааттын ичинде жалынды чектөөгө алып, кийин толугу менен өчүрдү (19:22). Жабыркагандар жана көз жумгандар болгон жок", - дешти милициядан.

Факты Кылмыштардын жана жоруктардын бирдиктүү реестрине Кылмыш-жаза кодексинин 261-беренеси ("Өрт коопсуздук эрежелерин бузуу") боюнча каттоого алынды.

Сотко чейинки өндүрүштүн алкагында тергөө амалдары уланып жатат.

72
Белгилер:
кырсык, өрт, ӨКМ, милиция
Тема боюнча
Түштүк магистралда жеке менчик бала бакча өрттөнүп жатат. Сүрөт, видео
Ош шаарында 100 орундуу бала бакча пайдаланууга берилди. Сүрөт
Көчө тазалаган аял. Архивдик сүрөт

Жалал-Абадда көчө шыпырган аялды сабады деген шектүү кармалды

68
(жаңыланган 18:27 15.01.2021)
Тергөө учурунда жабырлануучу шектүүнү тааныган. Кийинчерээк ал аял кармалган кишиге дооматы жок экенин айтып, тосмо арыз жазганы айтылды.

БИШКЕК, 15-янв. — Sputnik. Жалал-Абадда көчө шыпырган аялды сабады деген шектүү кармалып, тергөө иштери башталды. Бул тууралуу Облустук ички иштер башкармалыгынын маалымат кызматы кабарлады.

Буга чейин Жалал-Абад шаарынын "Тазалык" ишканасынын кызматкери Маргуба Хакимованы белгисиз киши сабап кеткени кабарланган. Ал аялды белгисиз эркек киши таш менен чаап, ур-соккуга алып, милиция келгенге чейин качып кеткен. Жыйынтыгында жабырлануучу облустук ооруканага жаткырылган.

Факты боюнча топтолгон материал Жоруктар кодексинин 119-беренеси ("Майда бейбаштык") менен КЖБРге катталып, сотко чейинки өндүрүш иши ачылган.

"Жүргүзүлгөн иликтөө иштеринин натыйжасында аталган окуяга шектүү катары Сузак районунун К.У. аттуу 30 жаштагы тургуну аныкталып, тергөө иштери башталган. Тергөөнүн жүрүшүндө жабырлануучу шектүүнү тааныган", — деп жазылат маалыматта.

Кийинчерээк жабырлануучу шектүүгө доосу жок экенин айтып, тосмо арызын жазып бергени маалым болду. Учурда тергөө амалдары улантылып жатат.

68
Белгилер:
шектүү, аял, көчө, "Тазалык" ишканасы, Жалал-Абад
Тема боюнча
Оштон автоунаа айдай качкан жаранды Токтогулдун инспектору кууп жүрүп кармады
Бишкектеги Токтогул Сатылгановтун эстелиги. Архивдик сүрөт

Ишембиге карата аба ырайы

0
16-январга караган түнү республика боюнча күн ачык болуп, жаан-чачын күтүлбөйт. Жолдор тоңуп, тайгак болот.

БИШКЕК, 15-янв. — Sputnik. Ишемби, 16-январда, күндүзү өлкө аймагында күн ачык болот. Бул тууралуу Кыргызгидромет маалымдады.

Түштүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге жетет.

Абанын температурасы Чүй өрөөнүндө +11...+16, Талас жергесинде +13...+18, Ош, Жалал-Абад, Баткен облустарында +12...+17, Ысык-Көлдө +4...+9, ал эми Нарын аймагында -1...-6 градус болору айтылды.

Күндүн табы Бишкекте +13...+15, ал эми Ошто +15...+17 градусту көрсөтөт.

0
Белгилер:
аба ырайы, Кыргызстан, январь
Тема боюнча
Жерге муз доору кайтышы мүмкүн