Кулаган Sriwijaya Air SJY182 учагында болгон жүргүнчүлөрү  Супадио аэропортунда

ТИМ: Индонезияда кулаган учакта кыргызстандыктар болгон эмес

124
(жаңыланган 23:46 09.01.2021)
Жээк күзөтчүлөрүнүн айтымында, суудан учактын калдыктары менен жүргүнчүлөрдүн сөөктөрү табыла баштады. Ал эми аба кемеси дагы деле изделип жатат.

БИШКЕК, 9-янв. — Sputnik. Алдын ала маалыматтар боюнча, Индонезияда кулаган учактын ичинде кыргызстандыктар болгон эмес. Бул тууралуу Тышкы иштер министрлигинен билдиришти.

Бүгүн, 9-январда, Sriwijaya Air авиакомпаниясына тиешелүү аба кемеси Жакарта шаарындагы аэропорттон учуп чыкканына төрт мүнөт болгондон кийин кырсыктаганы маалым болду.

Жээк күзөтчүлөрүнүн айтымында, суудан учактын калдыктары менен жүргүнчүлөрдүн сөөктөрү табыла баштаган.

Индонезиянын бийлиги бортто 65 киши болгонун кабарлады. Алардын 53ү жүргүнчүлөр болсо, 12си экипаж мүчөлөрү. Аба кемесин издөө иштери уланып жатат. 

124
Белгилер:
Кыйроо, учак, Индонезия
Тема боюнча
Афганистанда 83 жүргүнчүсү менен бараткан учак кыйрады
Киши жолду өтүп жатат. Архив

Карап туруп эле сүзүп алды. Токмокто адамды автоунаа койдуруп кеткен видео

7
(жаңыланган 10:31 19.01.2021)
Окуя 18-январь күнү саат 8.00дөр чамасында Шамсинская жана Ключевая көчөлөрүнүн кесилишинде болгон. Audi 100 үлгүсүндөгү автоунаасынын айдоочу жол чийинден өтүп бара жаткан кишини кагып кетет.

БИШКЕК, 19-янв. — Sputnik. Токмок шаарында жөө адамдар өтчү жол чийинде өтүп бара жаткан кишини автоунаа койдуруп кеткен ирмемдер видеого түшүп калды. Бул тууралуу Чүй облустук милициясынын жол кыймылынын коопсуздун камсыздоо башкармалыгынан билдиришти. 

Окуя кечээ, 18-январь күнү, саат 8.00дөр чамасында Шамсинская жана Ключевая көчөлөрүнүн кесилишинде болгон. Audi 100 үлгүсүндөгү автокөлүктүн айдоочу жол чийинден өтүп бара жаткан кишини кагып кетет.

Бүгүн Facebook тармагына окуянын видеосу жүктөлдү. 

Маалыматка караганда, айдоочу токтобостон качып кеткен. Бирок милиция көп өтпөй ошол эле шаардын 62 жаштагы тургунун шектүү катары кармады. Тергөө иштери уланууда.

Бир нече жаракат алган жабырлануучу ооруканада.

7
Белгилер:
жол кырсык, автоунаа, Токмок
Тема:
2021-жылдын башынан бери Кыргызстанда болгон жол кырсыктар
Тема боюнча
Нарында Audi менен Toyota Estima сүзүшүп, бир адам каза болду
Кармалган шектүү киши. Архив

4 млн. долларга байыган. УКМК Финполдун башкармалык жетекчисин кармады. Сүрөт

126
(жаңыланган 09:46 19.01.2021)
Финполдун өкүлү 2014-жылдан тарта чоң кызматтарда иштеп жүрүп Ош менен Бишкекте ондон ашык кыймылсыз мүлккө ээ болуп, бир катар курулуштарды каржылаган.

БИШКЕК, 19-янв. — Sputnik. УКМКнын Коррупцияга каршы күрөш кызматы Экономикалык кылмыштарга каршы күрөшүү мамлекеттик кызматынын башкармалыгынын башчысын мыйзамсыз байыган деп кармады. Бул тууралуу комитет кабарлады.

Задержан начальник управления внутренних расследований и безопасности Госслужбы по борьбе с экономическими преступлениями по подозрению в незаконном обогащении на сумму более 4 миллионов долларов
© Фото / пресс-служба ГКНБ КР
УКМКнын Коррупцияга каршы күрөш кызматы Экономикалык кылмыштарга каршы күрөшүү мамлекеттик кызматынын башкармалыгынын башчысын мыйзамсыз байыган деп кармады

Маалыматка ылайык, Финполдун ички иликтөө жана коопсуздук башкармалыгынын Т.А.Р. аттуу жетекчиси, майор 2014-жылдан тарта чоң кызматтарда иштеп жүрүп Ош менен Бишкектен 15тен көп кыймылсыз мүлккө ээ болгон. Анын бардыгы жакын туугандарына катталган.

Мындан сырткары, Ош шаарындагы 13 кабаттуу турак үйдүн, ресторандардын, дүкөндөрдүн жана май куюучу жайлардын курулушунун чыгымын көтөргөн.

Алдын ала эсептөөлөр боюнча, кыймылсыз мүлк жана финансылык активдери 4 миллион долларга бааланып, мыйзамдуу кирешесине дал келбей жатканы айтылат.

Финполдун башкармалыгынын башчысы кечээ кармалып, УКМКнын убактылуу кармоо жайына киргизилген. Тергөө иштери уланууда. 

126
Белгилер:
кыймылсыз мүлк, мыйзамсыз, кармоо, жетекчи, финансы полициясы, УКМК
Тема боюнча
УКМК Аспеков Жапыкеевге каршы көрсөтмө бербегенин маалымдады
УКМК: Соцфонддун Талас боюнча жетекчиси пара берип жатып кармалды. Сүрөт

Тамак жасап, идиш жууган роботтун таң калтырган видеосу

0
CES 2021 деп аталган көргөзмөдө Moley Robotics компаниясы ашкана ишин кынтыксыз аткарган роботту элге тааныштырды. Анын кадимкидей эле тамак жасай аларын айтышты.

Роботтун эки колу бар, ал кудум адамдыкына окшош. Текчеден тиешелүү азык-түлүктү өзү эле алып, кууруп, бышырып, ал тургай күйгүзүп жибербей аралаштырып да турат. Отту азайтып же керек болсо көбөйтөт.

Бир нерсе төгүлүп же чачылып кетсе, жыйнап да коёру маалым болду. Идиш-аякты кадимкидей жууйт.

Түзүүчүлөр темир ашпозчунун эсине тамак-аш жасоонун беш миң ыкмасын киргизип коюшкан. Авторлор ээси тажап кетпеш үчүн кулинария китебин ай сайын жаңылап турууну пландап жаткандыктарын айтып беришкен.

Роботтун баасы учурда болжол менен 40,8 миң — 74,8 миң доллардын тегерегинде экендигин айтышты.

0
Белгилер:
кулинария, ашкана, тамак-аш, робот
Тема боюнча
Индияда роботтор COVID менен күрөшкөн дарыгерлерге жардамчы болууда. Видео