Өрт өчүрүү кызматкери. Архив

Караколдо тез татым өрттөнүп, бир аял көз жумду. Видео

159
(жаңыланган 16:47 10.01.2021)
Өрттү өчүрүүгө бир бөлүм тартылып, саат 15:42де толук өчүрүлгөн. Тилсиз жоодон каза тапкан аялдын аты-жөнү такталууда.

БИШКЕК, 10-янв. — Sputnik. Ысык-Көлдүн Каракол шаарында тез тамактануучу жайдан өрт чыгып, бир аял көз жумганын ӨКМ кабарлады.

Горький көчөсүндө жайгашкан тез татымдан чыккан өрттү өчүрүүгө саат 15:16да бир бөлүм тартылган. Жалын 15:42де толук өчүрүлгөн.

Тилсиз жоонун кесепетинен көз жумган аялдын ким экени такталууда.

ӨКМ кошумча маалымат берилерин айтты.

159
Белгилер:
өлүм, өрт, Каракол, Ысык-Көл облусу
Тема боюнча
Таластагы жарылуу. Жабыркаган эки адам Бишкектин ооруканасына которулат
Бишкек шаарындагы Орто-Сай базарында ири өрттүн кесепети

Былтыр "Орто-Сай" базарында ири өрт чыгарган деген киши кармалды

58
(жаңыланган 10:02 26.01.2021)
Ордо калаада былтыр 9-ноябрга караган түнү "Орто-Сай" базарынан өрт чыгып, тигүү цехи, тез татым жайы жана дүкөн жайгашкан эки кабаттуу имарат күйүп кеткен.

БИШКЕК, 26-янв. — Sputnik. Бишкек шаарындагы "Орто-Сай" базарында ири өрттү чыгарганга шектелген адам кармалды. Бул тууралуу шаардык милиция кабарлады.

Подозреваемый в поджоге на Орто-Сайском рынке
© Фото / пресс-служба ГУВД Бишкека
Шектүү

Эске салсак, былтыр 9-ноябрга караган түнү саат 00:18дер чамасында Бишкектеги "Орто-Сай" базарынан өрт чыккан. Өрт түнкү саат 02:16ларда чектөөгө алынып, толугу менен эртең мененки саат 8:55те өчүрүлгөн. ӨКМдин маалыматы боюнча, болжол менен 1800 чарчы метр жер күйгөн. Өрт тигүү цехи, тез татым жайы жана дүкөн жайгашкан эки кабаттуу имараттан чыккан.

Аталган факт боюнча Жазык кодексинин 210-беренеси менен ("Башка бирөөнүн мүлкүн жок кылуу жана талкалоо") кылмыш иши козголгон.

Бишкек ШИИББ өткөн жумада 42 жаштагы эркек кишини кармады. Ал камакка алынып, тергөө амалдары жүрүүдө.

58
Белгилер:
шектүү, кылмыш иши, өрт, Орто-Сай базары, Бишкек
Тема боюнча
Кара-Кече көмүр кенинен өрт чыкты. Сүрөт, видео
Улуттук коопсуздук комитетинин мурдагы жетекчиси Абдил Сегизбаев. Архив

УКМКнын мурдагы жетекчиси Абдил Сегизбаев кармалды

1207
(жаңыланган 20:22 25.01.2021)
Аскер прокуратурасынын маалыматына караганда, учурда сотко чейинки өндүрүш ишинин алкагында териштирүү иштери уланып жатат.

БИШКЕК, 25-янв. — Sputnik. Улуттук коопсуздук комитетинин мурдагы жетекчиси Абдил Сегизбаев кызматтык абалын кыянаттык менен пайдалануу фактысы боюнча кармалды. Бул тууралуу Башкы прокуратурадан билдиришти.

Буга чейин Сегизбаев 25-январда УКМКга сурак берүү үчүн барганы айтылган.

Маалыматка караганда, 2021-жылдын 14-январында Алмамбет Шыкмаматов жана башка адамдар тарабынан Башкы прокуратурага түшкөн кайрылуунун негизинде Кылмыш-жаза кодексинин 320-беренеси ("Кызматтык абалын кыянаттык менен пайдалануу") боюнча сотко чейинки өндүрүш иши каттоого алынган. Анда Сегизбаев УКМКны жетектеп турган кезде Жогорку Кеңештин депутаттары Алмамбет Шыкмаматов, Аида Салянова жана Өмүрбек Текебаевдин беделине атайылап шек келтирип, кылмышка айыптаганы белгиленген. 

Сегизбаев кызматтык абалын кыянаттык менен пайдалануу жана башка мыйзамсыз аракеттер, “Белизгейт” иши боюнча дагы айыпталууда.

“УКМК менен Аскер прокуратурасы тарабынан сотко чейинки өндүрүш ишинин алкагында жүргүзүлгөн тергөөнүн натыйжасында Сегизбаев жогоруда аталган кылмыштарды жасаганы аныкталды. Буга байланыштуу ал Бишкек шаардык ИИББнын убактылуу кармоочу жайына киргизилди”, — дешти Башкы прокуратурадан.

Учурда кылмыш ишине тийиштиги бар башка тараптарды аныктоо боюнча иш жүрүп жатат.

Эске салсак, Сегизбаев Аламүдүн райондук администрациясынын жана Аламүдүн районунун Таш-Мойнок айыл өкмөтүнүн кызмат адамдары менен мамлекеттин өзгөчө коргоосундагы жайыт жерлеринин бүтүндүгүнө кол салган деп дагы шектелүүдө. Ага буга чейин Жазык кодексинин 319-беренеси ("Коррупция") боюнча кылмыш иши козголгон.

1207
Белгилер:
камакка алуу, Абдил Сегизбаев, УКМК
Тема боюнча
Башкы прокуратура Абдил Сегизбаевге кылмыш ишин козгоду
Абдил Сегизбаев ага козголгон кылмыш иши боюнча үн катты
Кишенделген аял. Архив

Эркек кишини интимдик видео менен шантаж кылган аял кармалды. Бишкектеги окуя

0
Арыз ээсинин айтымында, белгисиз аял андан 30 миң сом өлчөмүндө акча талап кылып, бербесең интимдик мүнөздөгү видеолорду туугандарыңа жиберем деп коркуткан.

БИШКЕК, 26-янв. — Sputnik. Бишкек шаарынын тургунун интимдик видео менен шантаж кылып акча талап кылган аял кармалды. Бул тууралуу Бишкек ШИИБдин маалымат кызматы билдирди.

Билдирүүдө айтылгандай, 11-январда Ленин райондук милициясына М.М. аттуу жаран арыз менен кайрылган. Арызда белгисиз аял "туугандарыңа интимдик видеону көрсөтөм" деп 30 миң сом талап кылып жатканын айтып, ага чара көрүүнү суранган.

Ыкчам-тергөө иштеринин жүрүшүндө шектүү катары 36 жаштагы аял 15 миң сом өлчөмүндө акча алып жаткан учурда кармалган.

Бул факт боюнча Кылмыш-жаза кодексинин 203-беренеси ("Пара талап кылуу") менен тергөө амалдары башталган.

0
Белгилер:
опузалап акча талап кылуу, алдамчылык, шантаж, коркутуу
Тема боюнча
700 миң сомдун дайны жок. Оштогу "Достук" бажы бекетинин тескөөчүсү кармалды