ӨКМ кызматкери өрт өчүрүү учурунда. Архив

Өзгөн: клиникадагы өрт. Бир адам ооруканага түшүп, 11 кишини алып чыгышты

192
(жаңыланган 23:49 12.01.2021)
Тилсиз жоо каптаган клиникадан 11 адамды эвакуациялашкан. Өрт төрт саатка жакын убакыттан кийин толук өчүрүлгөн.

БИШКЕК, 12-янв. — Sputnik. Ош облусунун Өзгөн шаарындагы жеке менчик клиниканын имараты өрттөнүп, бир киши жабыркаган. Бул тууралуу ӨКМдин маалымат кызматынан кабаралашты.

Тилсиз жоо аталган имаратта болжол менен кечки саат алтыларда башталган.

"Өзгөн шаарынын Манас көчөсүндө жайгашкан менчик клиниканын имаратынан чыккан өрттүн кесепетинен 75 жаштагы киши күйүк алып ооруканага жаткырылган, абалы туруктуу. Мындан сырткары, өрт чыккан жерден 11 адам эвакуацияланган", — деп айтылган маалыматта.

Өрттү өчүрүүгө үч бригада тартылган. ӨКМ кызматкерлери тилсиз жоо менен төрт саатка жакын күрөшкөн.

192
Белгилер:
клиника, өрт, ӨКМ, Өзгөн, Ош облусу
Тема боюнча
Караколдо тез татым өрттөнүп, бир аял көз жумду. Видео
COVID-19 анализ тапшыруу. Архивдик сүрөт

Кыргызстандагы коронавирус: дагы эки киши көз жумуп, 155 адамдан оору чыкты

13
(жаңыланган 11:42 21.01.2021)
Каза болгондор Бишкек менен Чүйдө дарыланып жаткан. Коронавирус пандемиясы Кыргызстанда 1 394 кишинин өмүрүн алып кетти.

БИШКЕК, 21-янв. — Sputnik. Кыргызстанда коронавирусту акыркы суткада 155 киши жуктурса, 136 бейтап айыкты. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 42;
  • Ош — 6;
  • Чүй облусу — 63;
  • Ош облусу — 12;
  • Талас облусу — 1;
  • Нарын облусу — 6;
  • Ысык-Көл облусу — 11;
  • Жалал-Абад облусу — 11;
  • Баткен облусу — 3.

Кыргызстанда жалпы COVID-19 инфекциясынын 83 585 учуру катталды.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек — 56;
  • Ош шаары — 0;
  • Чүй облусу — 37;
  • Ош облусу — 9;
  • Талас облусу — 2;
  • Нарын облусу — 7;
  • Ысык-Көл облусу — 13;
  • Жалал-Абад облусу — 7;
  • Баткен облусу — 5.

Жалпы айыккандардын саны 79 509 болду.

Бир сутка ичинде республика боюнча COVID-19 илдетинен Бишкекте жана Чүйдө эки бейтап каза тапты. Ушуну менен илдеттен көз жумгандардын саны 1 394кө жетти.

Учурда стационарда 708 бейтап дарылнууда. Ал эми амбулатордук дарыланууда 1 044 киши бар.

13
Белгилер:
бейтап, жуктуруу, айыгуу, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
23-январдан тарта Кыргызстанга чет өлкөдөн киргендердин ПЦР-анализи болушу керек

Финпол сулуулук салонунун атын жамынып иштеген кумар оюндары клубун аныктады. Видео

52
(жаңыланган 10:52 21.01.2021)
Финпол Чүй облусунун Жайыл районунда "Сулуулук салону" деген атты жамынып иштеп жаткан кумар оюндары ойнолчу клубду аныктады.

Маалыматка караганда, аталган клуб Кара-Балта шаарынын Карл Маркс жана Бейшеналиев көчөлөрүнүн кесилишинде "Лаванда" деген сулуулук салон катары иштеп жаткан.

Тинтүү учурунда атайын программалар менен камсыздалган компьютердик жабдуулар, акча каражаты жана башкалар табылган. Ошондой эле ичинде кумар оюндарын ойноп жаткан кардарлар отурган.

Аталган факт боюнча сотко чейинки өндүрүш ачылды. Азыркы учурда тергөө иштери жүрүп жатат.

52
Белгилер:
аныктоо, казино, Кара-Балта, финансы полициясы
Тема боюнча
Финпол: Балыкчыга камера орнотууда 3 млн. сом сол чөнтөккө солонгон
Бишкекте мөөнөтү өткөн конфет-печенье сакталган дагы бир кампа табылды. Видео
АКШнын президенти Жо Байден кол коюу убагында

АКШ кайрадан ДССУга кошулду. Байден Трамптын бир нече жарлыгын жокко чыгарды

0
(жаңыланган 11:59 21.01.2021)
Сөз болчу долбоорлордун бирине АКШнын үч президентинин "колу" тийген. Мисалы, Барак Обама түтүктүн курулушун токтотуп койсо, Трамп ага уруксат берген. Байден ага кайрадан тыюу салды.

БИШКЕК, 21-янв. — Sputnik. Жо Байден кызматка киришери менен экс-президент Дональд Трамптын бир катар жарлыктарын жокко чыгарды. Бул тууралуу РИА Новости жазды.

Алгач президент АКШны кайрадан Дүйнөлүк саламаттык сактоо уюмуна мүчө кылып киргизди. Эске салсак, 2020-жылдын апрель айында Американын ал кездеги лидери Трамп ДССУну Кытайга өтө эле көңүл бурарын, болбосо уюм АКШ бөлгөн акчанын көпчүлүк үлүшүн аларын айтып чыккан. Июль айынан баштап Кошмо Штаттар уюмдан чыгуу процессин баштаган.

Мындан тышкары, өлкө мурдагы президент чыгып кетүүнү чечкен Климат боюнча Париж келишимине кайрадан кошулду.

Мексика менен чектешкен жерге дубал куруу токтотулду. Трамптын администрациясы АКШнын аймагына мыйзамсыз киргендердин агымын азайтуу үчүн Мексика менен чектешкен аймактын бир топ бөлүгүнө дубал орнотуп койгон. Негизи 800 чакырымга созулган дубал куруу пландалса, январь айынын башында анын 727 чакырымы тургузулуп бүткөн.

Ошол эле миграцияга байланыштуу дагы бир жарлык чыкты. Анда Байден Мьянма, Иран, Кыргызстан, Ливия, Судан сыяктуу 13 мамлекеттин жарандарына АКШга кирүүгө чектөөлөрдү алып салды. Эске салсак, 2017-жылы АКШга биометрикалык паспорт колдонбогон өлкөлөрдүн жарандары киргизилбей тургандыгы тууралуу жарлыкка мурдагы президент Дональд Трамп кол койгон. Анда Кыргызстан тез арада биометрикалык паспортторду жайылтышы керектиги айтылган.

АКШнын жаңы башчысы кол койгон документтердин бири Америка менен Канаданын чек ара аймагына курулуп жаткан Keystone XL нефть түтүгүнө тиешелүү. Түтүк Канаданын нефть өндүргөн Альберт провинциясынан башталып, Мексика булуңундагы кайра иштетүүчү заводдорго чейин бармак. Күнүнө 800 миң баррель өткөргөн түтүктөрдүн курулушун 2015-жылы ал кездеги президент Барак Обама Американын улуттук кызыкчылыгына туура келбейт деп токтотуп койгон. Кийин долбоорду Трамптын администрациясы кайра баштап берген эле.

0
Белгилер:
Жо Байден, Дональд Трамп, АКШ
Тема боюнча
Байден бүгүн АКШга кирүү боюнча кыргызстандыктарга коюлган чектөөнү алып салат
Тарыхта биринчи ирет… Байден өз командасына трансгендерди алмай болду