Киши унаа ачууга аракет кылып жатат. Архив

Бишкекте автоунааларды атайын пульт менен ачып, тоноп жүргөндөрдүн видеосу

296
(жаңыланган 12:06 13.01.2021)
Шектүүлөрдүн бири Telegram мессенджери аркылуу сигнализациянын пультунун ордуна иштей турган жабдуу сатып алганын айтат. Мындай жол менен алар 60 машинанын тоношкон.

БИШКЕК, 13-янв. — Sputnik. Бишкекте атайын пульттун жардамы менен автоунааларды ачып, баалуу буюмдарды уурдап жүргөн делип төрт киши кармалды. Бул тууралуу шаардык милициядан билдиришти.

Милиция көрсөткөн видеодон белгисиз адам пультту пайдалануу менен автоунааны ачканын көрүүгө болот. Ууруларды издөөгө шаар тургунунун арызы себеп болгон. Анда Hyundai автоунаасынан 15 миң сом жана электрондук сакал алгыч уурдалган.

Мындан улам милиция шаарда кылмыштуу топ жүргөнүн билген. Алар уурулук кылгандан кийин кайрадан автоунааны жаап, изин тазалап кетип турушкан.

Посмотреть эту публикацию в Instagram

Публикация от Пресс-служба ГУВД г.Бишкек (@guvd_bishkek)

Кармалгандардын курагы 18, 22 (экөө) жана 33 жашта экени аныкталды. Үчөө мурда соттолгондор.

Шектүүлөрдүн бири Telegram мессенджери аркылуу сигнализациянын пультунун ордуна иштей турган жабдуу сатып алганын айтат. Мындай жол менен алар 60 машинаны тоношкон.

Видеодо милиция кызамткери алар кантип иштегенин айтып берди. Эки киши өздөрүнүн автоунаасында отурса, бири башка машинанын эшигин ачып кирип, ичиндегилерди алып чыгып турган. Ошол маалда дагы бирөө көчөдө кайтарып турчу.

Иликтөө иштери уланууда.

296
Белгилер:
уурулук, автоунаа, милиция, Бишкек
Тема боюнча
Былтыр кылмыштуу топ Россиядан Кыргызстанга 18 автоунаа уурдап келген
Кара-Кулжада эки милиционер ок жеп, "Перехват" операциясы жарыяланды
Кыздын силуэти. Архив

Кочкордо киши колдуу болгон келиндин сөөгү табылды. Шектүү изделүүдө

9
(жаңыланган 17:06 25.01.2021)
Келиндин өлүмүнө шектелип Кочкордогу жергиликтүү тургундун малын багып жүргөн чабан изделүүдө. Маркум Сокулук районунун 23 жаштагы тургуну болгон.

БИШКЕК, 25-янв. — Sputnik. Кочкор районундагы сарайлардын биринен киши колдуу болгон 23 жаштагы келиндин сөөгү табылды. Бул тууралуу Нарын ОИИБнын маалымат кызматы кабарлады.

Аялдын каза болгону тууралуу 23-январь күнү 30 жаштагы К.Б. аттуу жергиликтүү тургун кабарлаган. Ал ошол күнү Тынай-Булак кыштоосунда малын багып жаткан 26 жаштагы чабандан кабар алганы барып, кашардагы үйдөн келиндин сөөгүн көргөнүн айткан.

"Окуя болгон жерге барган ыкчам-тергөө тобу келиндин киши колдуу болуп өлтүрүлгөндүгүн аныктаган. Маркум Чүй облусунун Сокулук районунун 1998-жылы туулган тургуну К.К. экени такталган. Учурда К.Бнын малын багып жаткан малчынын өздүгүн тактоо жана кармоо боюнча ыкчам иликтөө иштери жүргүзүлүүдө", — деп жазылат милициянын маалыматында.

Факты Жазык кодексинин 130-беренеси ("Адам өлтүрүү") менен сотко чейинки өндүрүш иши башталып, тергөө иштери жүргүзүлүп жатканы кошумчаланды.

9
Тема боюнча
Арактын айынан... Токмок шаарында үч адам киши колдуу болду
Бажы кызматкери. Архив

700 миң сомдун дайны жок. Оштогу "Достук" бажы бекетинин тескөөчүсү кармалды

81
(жаңыланган 16:04 25.01.2021)
Бул факты боюнча тергөө учурунда 706 260 сом суммасында келтирилген зыяндын орду толтурулганы айтылат.

БИШКЕК, 25-янв. — Sputnik. Финансы полициясынын  Ош шаары боюнча башкармалыгы тарабынан Түштүк-Батыш бажысынын тескөөчүсү кармалды. Бул тууралуу Экономикалык кылмыштарга каршы күрөшүү кызматы билдирди.

Маалыматта Ош шаарындагы "Достук" бажы бекетинде иштеген тескөөчү кызмат адамдарынын катышуусунда товарларды контрабандалык жол менен ташып кирүү фактысы боюнча колго түшкөнү кабарланды.

"2020-жылдын декабрь айында Финансы полициясынын кызматкерлери элдик керектөөдөгү товарлар жүктөлгөн DAF үлгүсүндөгү жүк ташуучу автоунааны кармашкан. Аны "Достук" бажы бекетинин кызматкерлери КР аймагына документтерин бажылык тариздөөдөн өткөрбөстөн жана бажы төлөмдөрүн төлөтпөстөн киргизип жиберишкен. Натыйжада, жүргүзүлгөн эсептөөлөргө ылайык мамлекеттин бюджетине 700 миң сомдон ашык түшпөй калган", — деп айтылат маалыматта.

Кармалган тескөөчү А. Р. 21-январь күнү Ош шаардык милициянын убактылуу кармоочу жайына киргизилген. Бул факты боюнча тергөө учурунда 706 260 сом суммасында келтирилген зыяндын орду толтурулганы айтылат.

Азыркы убакта тергөө иштери уланууда.

81
Белгилер:
финансы полициясы, Ош, бажы, достук
Тема боюнча
Финпол сулуулук салонунун атын жамынып иштеген кумар оюндары клубун аныктады. Видео
Финполдун Ички иликтөө башкармалыгынын башчысы Токоев эки айга камалды
Хан сарай, бодо мал... Министрликтин өкүлү мыйзамсыз байыган деп кармалды