Жол кырсыкка кабылган жүк ташуучу унаа. Архивдик сүрөт

Казак полициясы жол кырсыгына кабылган кыргызстандыкты сактап калышты. Видео

303
(жаңыланган 12:50 14.01.2021)
Жол кырсыгы 12-январь күнү саат 22:30дар чамасында Чымкент — Самара жолунда болгон. Volvo үлгүсүндөгү жүк ташуучу автоунаанын айдоочусу рулду башкара албай калып, машина аласалып кеткен.

БИШКЕК, 14-янв. — Sputnik. Казакстанда жол кырсыгына кабылган кыргызстандык айдоочуга полиция кызматкерлери жардам беришти. Бул тууралуу коңшу өлкөнүн Түркстан облусунун полиция департаментинен кабарлашты.

Маалыматка караганда, жол кырсыгы 12-январь күнү саат 22:30дар чамасында Чымкент — Самара жолунда болгон. Volvo үлгүсүндөгү жүк ташуучу автоунаанын айдоочусу рулду башкара албай калып, машина аласалып кеткен.

Жерине барган Байдибек райондук полициясы айдоочуну алып чыгып, оодарылып калган автоунааны тургузуп беришкен.

"Түндө кырсыктап калган учурда жергиликтүү полиция келип жардам берди. Алгачкы медициналык кызмат көрсөтүп, тамак беришти. Ыраазымын", — деди айдоочу.

Полиция окуя боюнча административдик протокол түзүп, чогулган материалдарды чечим кабыл алуу үчүн сотко жөнөттү.

Айдоочу Кыргызстандан Россияга жер-жемиш алып бара жаткан. Бактыга жараша, кырсык болгон жерде каза болуп же катуу жаракат алгандар болгон эмес.

303
Белгилер:
жардам, жол кырсык, полиция, Казакстан, Кыргызстан
Тема боюнча
Мотору ыргып кеткен. Токмоктогу үрөй учурган жол кырсыгынын видеосу
Кыргызстандыктар РФте жол кырсыгына кабылган чет элдиктердин алдыңкы сабына чыкты
Парламент Жогорку соттун судьясы Камил Осмоналиев. Архивдик сүрөт

Парламент Жогорку соттун мыйзамсыз байыган деп камалган судьясын иштен четтетти

75
(жаңыланган 16:42 20.01.2021)
Жогорку соттун судьясы декабрь айынын аягында камакка алынган. УКМК анын эсепсиз байлык топтогонун белгилеп, мүлккө мыйзамсыз ээ болгон деп шектелгенин билдирди.

БИШКЕК, 20-янв. — Sputnik. Парламент Жогорку соттун судьясы Камил Осмоналиевди кызматынан четтетти. Бул тууралуу Жогорку Кеңештин маалымат кызматы билдирди.

Судья декабрь айынын аягында камакка алынып, УКМКнын убактылуу кармоо жайына киргизилген.

Райондук соттун сот залы. Архив
© Пресс-служба президента КР / Султан Досалиев
УКМКнын билдиришинче, тиешелүү киреше булактары жок болсо дагы ал көптөгөн кыймылсыз мүлк сатып алган. Алардын арасында VIP-шаарчадагы элиталык үйлөрү, алдыңкы курулуш компанияларынан батирлери, Ысык-Көлдүн жээгиндеги пансионаттарда коттедждери, соода борборлорунда коммерциялык объектилери жана люкс-класстагы автоунаалары бар. Булар декларацияда көрсөтүлгөн эмес. Жакын туугандары БАЭ, Түркия, Азия жана АКШнын курорттук аймактарына байма-бай каттап турганы аныкталган.

Президенттин Жогорку Кеңештеги өкүлү Анарбек Калмаматов президенттин милдетин аткаруучу Талант Мамытовдун Осмоналиевди кызматынан бошотуу тууралуу сунушун жарыялаган. Сунуш Соттор кеңешинин Тартип комиссиясынын Камил Осмоналиевди жоопко тартуу жана аны кызматтан алуу жөнүндө чечиминин негизинде кабыл алынган.

"Кыргыз Республикасынын судьяларынын статусу жөнүндө" конституциялык мыйзамына ылайык, Жогорку Кеңеш президенттин сунушу менен Жогорку соттун судьясын кызматтан бошотууга укуктуу. Ал эми президент болсо жергиликтүү сотторду гана кызматынан бошото алат.

Бүгүнкү пленардык жыйында парламент ошондой эле судьялык кызматка Мамытов тарабынан көрсөтүлгөн Дамирбек Назаровдун талапкерлигин тандады.

75
Белгилер:
камакка алуу, чечим, УКМК, Жогорку Кеңеш, кызмат, судья, Камил Осмоналиев
Тема боюнча
Мүлктүн баары өзүнүкү эмес. Жогорку сот судьяны айыптаган УКМКга жооп берди
Кармалган шектүү киши. Архив

Бишкекте кылмыштуу топтун "Карышкыр" каймана аты бар мүчөсү кармалды

196
(жаңыланган 13:27 20.01.2021)
Мырсалым Умырзаков 1975-жылы Ысык-Көл облусунун Түп районунда туулган. Уюшкан кылмыштуу топтун активдүү мүчөсү катары ИИМдин каттоосунда турат.

БИШКЕК, 20-янв. — Sputnik. Бишкекте "Карышкыр" каймана аты менен таанымал уюшкан кылмыштуу топтун мүчөсү Мурсалым Умырзаков кармалды. Бул тууралуу ИИМден билдиришти.

Маалыматка караганда, Умырзаков Кылмыш-жаза кодексинин 204-беренеси ("Алдамчылык") боюнча Кылмыш жана жоруктардын бирдиктүү реестрине катталган сотко чейинки өндүрүштүн алкагында колго түшүрүлдү.

Учурда тергөө амалдарын улантуу үчүн "Карышкыр" Жаза аткаруу мамлекеттик кызматынын Тергөө кызматына жеткирилди.

Мырсалым Умырзаков 1975-жылы Ысык-Көл облусунун Түп районунда туулган. Уюшкан кылмыштуу топтун активдүү мүчөсү катары ИИМдин каттоосунда турат. 2018-жылдын июнь айынын башында эле Россияда баңгизат сактоо боюнча жаза мөөнөтүн өтөп келген. Милициянын маалыматы боюнча, Умырзаков буга чейин бир нече жолу соттолгон: 1998-жылы каракчылык беренеси менен 10 жылга кесилген, 2005-жылы карактоо боюнча 9 жылга соттолгон, 2010-жылы уурулук кылып 5 жылга эркинен ажыратылган.

196
Белгилер:
уюшкан кылмыштуу топ, карышкыр, Бишкек, Кыргызстан
Тема боюнча
УКМК "Алтуха" каймана аты бар криминалдык авторитетти кармады
Спецназдын Ошто кримтөбөлдү кармаган учуру. Видео
Эл аралык аэропортто COVID-19га текшерүүдөн өткөндөн кийин жүргүнчү. Архив

23-январдан тарта Кыргызстанга чет өлкөдөн киргендердин ПЦР-анализи болушу керек

0
Өлкөгө коронавирус инфекциясынын жаңы штаммынын кирүүсүн алдын алуу максатында текшерүү алгоритмине өзгөртүүлөр киргизилди.

БИШКЕК, 20 янв — Sputnik. Үстүбүздөгү жылдын 23-январынан тарта өлкөгө авиатранспорт аркылуу келген кыргызстандыктар үчүн акыркы 72 саат ичиндеги ПЦР-анализи терс чыккан маалымдамалары сөзсүз болушу керек. Бул тууралуу өкмөттүн сайтына жарыяланды.

Ага ылайык, өлкөгө коронавирус инфекциясынын жаңы штаммынын кирүүсүн алдын алуу максатында текшерүү алгоритмине өзгөртүүлөр киргизилди.

"Эл аралык каттамдарды ишке ашырууда аба кемесинин бортундагы жүргүнчүлөргө сурамжылоо өткөрүлөт. Келген учурда анкеталар санитардык-карантиндик посттордун кызматкерлерине берилет. Аэропортто дене табын өлчөө, санитардык ченемдердин жана социалдык обочолонуу талаптарынын сакталышы, ПЦР-иликтөөсүнүн бар-жогу текшерүүгө алынат. Клиникалык көрсөткүчтөр байкалган учурда ооруканага жаткырылат", — деп айтылат маалыматта.

ПЦР-тесттин мөөнөтү учуу узактыгына, же авиакаттамдын кармалуусу сыяктуу объективдүү себептерден улам өтүп кетсе (72 саат), жарандар аэровокзалдан ПЦР-иликтөөдөн өтүүгө тийиш болот.

Кыргызстандын чек арасын автомобилдик пунктулар аркылуу кесип өтүүдө акыркы 72 саат ичинде жасалган ПЦР-анализи терс чыккан маалымдама суралат. Ошондой эле дене табы өлчөнүп, санитардык ченемдердин жана социалдык обочолонуу талаптардын сактылышы текшерилет. Клиникалык көрсөткүчтөр байкалган учурда ооруканага жаткырылат. Байланышта болгон жактар анкета толтуруп, обочолонууга жөнөтүлөт.

0
Белгилер:
штамм, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
ДССУ: апта ичинде COVID илдетинен өлгөндөр боюнча рекорд жаңыланды
Бишкекте эки киши каза таап, жалпы 162 адам СOVID жуктурду. Акыркы маалымат