Ашканада тамактанып жаткан окуучу. Архив

Ошто 3-класстын окуучулары ууланып, ооруканага түштү

184
(жаңыланган 15:10 04.02.2021)
Алты окуучу тең Кашкар-Кыштак айылындагы Дадан Султанов атындагы жатак интернатында билим алышчу.

БИШКЕК, 4-фев. — Sputnik. Оштун Кара-Суу районуна караштуу Кашкар-Кыштак айыл өкмөтүндө 3-класстын 6 окуучусу ууланып, Ош облустар аралык бириккен клиникалык балдар ооруканасына түшкөн. Маалыматты аталган ооруканадан тастыкташты.

Ага ылайык, алты окуучу тең айылдагы Дадан Султанов атындагы жатак интернатында билим алышчу.

"2-февраль күнү саат 14:10дор чамасында балдар белгисиз нерседен ууланып, облустук ооруканага келип түшкөн. Алтоонун бирөө жандандыруу бөлүмүнө жаткырылган. Ал эми эки окуучунун абалы жакшырып, кечээ, 3-февраль күнү, үйүнө чыгарылды", — деди оорукана кызматкерлери.

Учурда төрт окуучу неврология бөлүмүндө дарыланып жатканы маалым болду.

Аталган оорукананын башчысынын орун басары Жыргал Кадыров билдиргендей, балдардын ашказаны жуулган. Алардын эмнеден уулангандыгы азырынча белгисиз.

184
Белгилер:
интернат, окуучу, уулануу, Ош
Тема боюнча
Тамакка уулануу: кандай учурда дарыгерге кайрылуу керек
Бишкек-Ош жолундагы Көлбаев атындагы туннель. Архив

Көчкү түшүп, Бишкек Ош жолу убактылуу жабылды

56
(жаңыланган 00:03 25.02.2021)
Көлбаев атындагы туннелден азыр автоунаалар өтө албайт. Тиешелүү кызматтар жолду кардан тазалап жатат. Министрлик аталган чектөө эртең мененки саат алтыга чейин экендигин кошумча кабарлады.

БИШКЕК, 24-фев. — Sputnik. Кечинде Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн, учурда жол жабылды. Бул тууралуу ӨКМдин маалымат кызматынан кабарлашты.

"Жайыл районунда кечки саат 21:00дөр чамасында Бишкек — Ош жолунун 132-чакырымында көлөмү болжол менен 1800 м3 кар көчкү түшүп, жол жабылды. Тиешелүү кызматтар жолду тазалап жатат. Көлбаев атындагы туннелден азыр автоунаалар өтпөйт", — деп айтышты ӨКМден.

Министрлик аталган чектөө эртең мененки саат алтыга чейин экендигин кошумча кабарлады.

56
Белгилер:
туннель, көчкү, Бишкек - Ош жолу, Кыргызстан
Тема боюнча
Бишкек — Ош жолунда 113 миң куб метр кар атып түшүрүлдү
Киши баланын колун кармап жатат. Архив

Ысык-Атада аялын коркутуш үчүн өгөй уулун сабап, видеого тарткан киши кармалды

142
25 жаштагы келин жарандык никедеги күйөөсү менен уруша кеткенде телефонуна видео келген. Анда келиндин биринчи никедеги беш жашар баласын жолдошу уруп жатканы тартылган.

БИШКЕК, 23-фев. — Sputnik. Чүйдүн Ысык-Ата районунда өгөй баласын сабаган киши кармалды. Бул тууралуу Чүй облустук милициянын маалымат кызматы кабарлады.

Бүгүн, 23-февралда, райондук ички иштер органдарына 25 жаштагы келин жарандык никедеги күйөөсү кечээ кечинде беш жаштагы баласын ур-токмокко алганын айтып кайрылган.

Аялдын айтымында, 22-февралда жарандык никедеги күйөөсү менен уруша кеткенде телефонуна видео келген. Анда келиндин биринчи никедеги беш жашар баласын уруп жатканы көрсөтүлгөн.

Аталган факты Жоруктар кодексиндеги "Үй-бүлөлүк зомбулук" беренеси менен каттоого алынган. Ыкчам-издөө иш-чараларынын натыйжасында 33 жаштагы киши кармалып, Ысык-Ата РИИБдин убактылуу тергөө абагына киргизилген. Тийиштүү экспертизалар дайындалып, сотко чейинки өндүрүш уланууда.

Жашы жете элек бала Тез жардам кызматынан жардам алгандан кийин энесине амбулатордук дарылануу үчүн берилген.

Арыз жазган аял менен шектүү беш жылдан бери чогуу жашап, Лебединовка айылындагы унаа жуучу жайда иштери аныкталган. Сабалган баладан тышкары экөөнүн төрт жаштагы баласы бар экени белгилүү болгон.

142
Белгилер:
кармоо, сабоо, ур-токмокко алуу, бала, өгөй ата, милиция, Ысык-Ата району, Чүй облусу
Тема боюнча
Чүйдө үч адам милиция кызматкерин сабаган деп кармалды
Сөөгүн сууга агызып жиберишкен. Ошто милиционердин өлүмүнө шектүүлөр кармалды
Жолдогу жүк ташуучу унаа. Архив

Таңкы 6га чейин жабылды. Өлкөдөгү эки ири жолго чектөө киргизилди

0
(жаңыланган 00:53 25.02.2021)
Жолду көчкү кооптуулугунан улам жабууга Жарандык коргонуу башчысы-премьер министр бүгүн буйрук берген.

БИШКЕК, 25-фев. — Sputnik. Бишкек — Ош жолунда кар көчкү түшүү коркунучу бар болгондуктан Жайыл, Токтогул райондорундагы жана Суусамыр — Талас — Тараз унаа жолунун Талды-Булак айылындагы посттор 25-февраль таңкы саат 06:00гө чейин убактылуу жабылды. Бул тууралуу ӨКМдин маалымат кызматынан кабарлашты.

Бул премьер-министрдин буйругунун негизинде болгон.

"Бишкек — Ош жолунда кар көчкү түшүү коркунучу болгондуктан Жайыл районунун Сосновка, Токтогул районунун Арал постторунда жана  Суусамыр — Талас — Тараз жолунун Талды-Булак айылындагы постунда автоунаалардын бардык түрүнө таңкы саат 06:00гө чейин убактылуу чектөө киргизилди", — деп кабарлаган ӨКМ.

Эске салсак, Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн учурда жол жабылган.

0
Белгилер:
көчкү, Бишкек - Ош жолу, Жайыл району, Токтогул району, Кыргызстан
Тема боюнча
Көчкү түшүп, Бишкек — Ош жолу убактылуу жабылды