Бишкек шаарындагы “Миң түркүн” соода борбору жайгашкан имараттагы Fiх Рrice дүкөнүндө өрт чыкты.

Бишкектин чок ортосундагы дүкөндөн өрт чыкты. Видео

263
(жаңыланган 11:03 07.02.2021)
Өрт 09:50дө толук өчүрүлгөн. Азырынча анын чыгуу себептери жана жабыркагандар боюнча маалымат бериле элек.

БИШКЕК, 7-фев. — Sputnik. Бишкек шаарындагы “Миң түркүн” соода борбору жайгашкан имараттагы Fiх Рrice дүкөнүндө өрт чыкты. Бул тууралуу ӨКМдин маалымат кызматынан билдиришти.

Чүй проспекти, 127 дарегинде өрт чыккандыгы тууралуу маалымат өрт өчүрүү кызматына түшөрү менен, тагыраагы, саат 08:36да Свердлов райондук №3 бөлүмүнөн бир автоунаа жөнөтүлгөн.

  • Сотрудники МЧС на месте пожара магазина Fiх Рrice, расположенной по проспекту Чуй 127 в Бишкеке
    Бишкек шаарындагы “Миң түркүн” соода борбору жайгашкан имараттагы Fiх Рrice дүкөнүндө өрт чыкты.
    © Фото / пресс-служба МЧС КР
  • Сотрудники МЧС на месте пожара магазина Fiх Рrice, расположенной по проспекту Чуй 127 в Бишкеке
    Чүй проспектиси, 127 дарегинде өрт чыккандыгы тууралуу маалымат өрт өчүрүү кызматына түшөөрү менен, тагыраагы, саат 8:36да Свердлов райондук №3 бөлүмүнөн бир автоунаа жөнөтүлгөн.
    © Фото / пресс-служба МЧС КР
  • Сотрудники МЧС на месте пожара магазина Fiх Рrice, расположенной по проспекту Чуй 127 в Бишкеке
    Өрт саат 9:50дө толук өчүрүлгөн.
    © Фото / пресс-служба МЧС КР
1 / 3
© Фото / пресс-служба МЧС КР
Бишкек шаарындагы “Миң түркүн” соода борбору жайгашкан имараттагы Fiх Рrice дүкөнүндө өрт чыкты.

Андан соң Октябрь, Биринчи май жана ошол эле Свердлов райондук бөлүмдөрүнөн бирден өрт өчүрүүчү автоунаалар жөнөтүлгөн. Ошондой эле тилсиз жоо менен күрөшүүгө бир автошаты тартылган.

Өрт саат 09:50дө толук өчүрүлгөн. Азырынча анын чыккан себептери жана жабыркагандар боюнча маалымат бериле элек.

263
Белгилер:
өрт, дүкөн, Бишкек
Тема боюнча
Кабинанын темири эле калган. Сузакта май ташыган автоунаа өрттөндү. Видео
Эркек адамдын колу. Архив

Ташкентте беш студент белгисиз затка ууланып каза болду

72
(жаңыланган 17:55 28.02.2021)
Көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

БИШКЕК, 28-фев. — Sputnik. Өзбекстанда беш студент белгисиз затка ууланып каза болду. Бул тууралуу Sputnik Өзбекстан Башкы прокуратуранын маалыматына таянып кабарлады.

Билдирмеге ылайык, көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

"Студенттердин сөөгү 27-февралда саат 20:50лөр чамасында табылган. Юнусабад районунун прокуратурасы "Бир нече адамдын өлүмүнө себеп болгон өрт коопсуздук эрежелерин бузуу" беренеси боюнча кылмыш ишин козгогон", — деп жазылат маалыматта.

Башкы прокуратура тергөөнү өз көзөмөлүнө алганы маалым болду.

72
Белгилер:
уулануу, өлүм, студент, Ташкент, Өзбекстан
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя

Сумкасын жула качкан ууруну кубалап жетип, күрөшүп, айласын кетирген аял. Видео

694
(жаңыланган 12:11 28.02.2021)
Австралияда улгайып калган аял колунан сумкасын жула качкан ууруну кубалап жетип, оокатын кайра тартып алган. Шектүү менен аялдын сумка талашкан жери видеокөзөмөл камерасына түшүп калган.

ABC 7 телеканалы билдиргендей, окуя бир нече күн мурда Австралиянын Квинсленд штатында болгон. Улгайган аял "Пимпама" барында туулган күнүн өткөрүп жаткан учурда ал отурган столго белгисиз эркек киши келип, сумкасын алып качып кеткенге аракет кылган.

Видеодо көрүнүп тургандай, шектүү сумка менен из жашырып кетүүгө аракеттенген. Бирок буюмдун ээси аны автоунаалар токтогон жерге чейин кубалап келип, кишини желкеден алып жерге кулаткан. Сумка талашып жатып уурунун үстүндөгү кийими да чечилип кеткен. Жыйынтыгында аял сумкасын алып, белгисиз кишини бут кийим менен да чаап жетишкен.

Журналисттер менен баарлашуу учурунда аял каракчынын артынан кубалап барып, аны менен мушташуу жакшы чечим болбогонун айткан. Анткени денеси жаракат алган.

"Шектүүнүн артынан чуркап бара жатканда эмне тууралуу ойлонгонумду деле билбейм", — деген ал.

Аталган окуядан кийин шектүү автоунаасы менен из жашырып кеткен. Бирок көп өтпөй анын полициянын колуна түшкөнү айтылды.

694
Белгилер:
видео, сумка, тоноо, уурулук, аял, Австралия
Тема боюнча
UFC президенти ууру менен мушташа кеткен сатуучу аялга иш сунуштады. Видео
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

0
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

0
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт