Жалал-Абадда 30 жаштагы келин үч баласы менен изделүүдө. Сүрөт
(жаңыланган 16:54 08.02.2021)
Балдары менен дайынсыз болуп жаткан аял 15-январь күнү Сузак районунун Жыгач-Коргон айылындагы үйүнөн чыгып кеткен бойдон кайрылып келген эмес.БИШКЕК, 8-фев. — Sputnik. Сузак районунда 30 жаштагы Аттокур кызы Канзаада үч баласы менен изделүүдө. Бул тууралуу Жалал-Абад облустук милициясынын маалымат кызматы кабарлады.
©
Фото / пресс-служба УВД Джалал-Абадской области
Сузак районунда 30 жаштагы Аттокур кызы Канзаада үч баласы менен изделүүдө
Билдирүүдө келин 9 жаштагы кызы Жаңылай Камытова, 6 жаштагы уулу Исламбек Камытов жана 2 жашар кызы Бегимай Камытова менен 15-январь күнү Сузак районунун Жыгач-Коргон айылындагы үйүнөн чыгып кеткен бойдон дайынсыз болуп жатканы айтылат.
"Учурда Аттокур кызы Канзаада жана анын балдарынын жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт", — деп жазылат маалыматта.
Аттокур кызы Канзааданын бою 160-165 см, өңү кара тору, чачы, кашы, көзү кара, орто дене түзүлүштө. Үстүндө көк түстөгү шуба, башында көк түстөгү жоолук, кара түстөгү шым, кара түстөгү ботинка кийип жүргөн.
Облустук милиция дайынсыз болуп жаткан Аттокур кызы Канзаада жана анын балдары тууралуу маалыматы барларды 102, (03748) 5-02-09, 0558 16-16-91, 0778 15-15-91 номерлерине чалып коюуну өтүнөт.
Сумкасын жула качкан ууруну кубалап жетип, күрөшүп, айласын кетирген аял. Видео
(жаңыланган 12:11 28.02.2021)
Австралияда улгайып калган аял колунан сумкасын жула качкан ууруну кубалап жетип, оокатын кайра тартып алган. Шектүү менен аялдын сумка талашкан жери видеокөзөмөл камерасына түшүп калган.ABC 7 телеканалы билдиргендей, окуя бир нече күн мурда Австралиянын Квинсленд штатында болгон. Улгайган аял "Пимпама" барында туулган күнүн өткөрүп жаткан учурда ал отурган столго белгисиз эркек киши келип, сумкасын алып качып кеткенге аракет кылган.
Видеодо көрүнүп тургандай, шектүү сумка менен из жашырып кетүүгө аракеттенген. Бирок буюмдун ээси аны автоунаалар токтогон жерге чейин кубалап келип, кишини желкеден алып жерге кулаткан. Сумка талашып жатып уурунун үстүндөгү кийими да чечилип кеткен. Жыйынтыгында аял сумкасын алып, белгисиз кишини бут кийим менен да чаап жетишкен.
Журналисттер менен баарлашуу учурунда аял каракчынын артынан кубалап барып, аны менен мушташуу жакшы чечим болбогонун айткан. Анткени денеси жаракат алган.
"Шектүүнүн артынан чуркап бара жатканда эмне тууралуу ойлонгонумду деле билбейм", — деген ал.
Аталган окуядан кийин шектүү автоунаасы менен из жашырып кеткен. Бирок көп өтпөй анын полициянын колуна түшкөнү айтылды.
Белгилер:
Бишкектин чок ортосунда тайгаланган автоунаа арыкка түшүп кетти. Видео
(жаңыланган 17:56 27.02.2021)
Кадрдан көрүнүп тургандай, сары түстөгү автоунаа тайгаланып, жол четиндеги бордюрга урунуп, андан кийин арыкка түшүп калган.БИШКЕК, 27-фев. — Sputnik. Бишкектин чок ортосунда Honda Fit унаасы жол кырсыгына кабылды. Бул тууралуу милициянын Кайгуул кызматынан кабарлашты.
Окуя Чүй жана Абдрахманов көчөлөрүнүн кесилишинде болуп, анын видеосу "Короче" Telegram-каналына чыкты.
Кадрдан көрүнүп тургандай, сары түстөгү автоунаа тайгаланып, жол четиндеги бордюрга урунуп, андан кийин арыкка түшүп кеткен.
Кайгуул милициясынын маалыматына караганда, айдоочу жабыркаган эмес. Унаа болсо айып короого токтотулду.
Жол кырсыгынын чоо-жайы такталып жатат.
Тегеренип тээп, жыгылганын баса калып... Түндө өткөн UFC турниринин видеосу
(жаңыланган 15:59 28.02.2021)
Кечээ Абсолюттук мушкерлер уюмунун кезектеги беттеши өтүп, кеченин башкы беттешинде франциялык Сирил Ган суринамдык Жаирзиньо Розенструйкту утту.Лас-Вегаста өткөн UFC Fight Night 186 мелдешинин кызыктуу учурлары UFC Russia YouTube каналына жүктөлдү.
©
YouTube / UFC Russia
Турнирдин дагы бир маанилүү кармашында россиялык Магомед Анкалаев украиналык Никита Крыловду калыстардын бирдей чечими менен жеңген.