Бишкек шаарынын Аламүдүн районундагы турак үйдө газ жарылган жерде милиция кызматкерлери

Эч нерсеси калбаптыр! Аламүдүндө жарылган турак үйдүн асмандан көрүнүшү

1533
(жаңыланган 17:21 11.02.2021)
ӨКМдин алдын ала маалыматы боюнча, газ түтүгү жарылган. Жеринде 13 жаштагы бала каза таап, дагы бири ооруканага жеткирилди.

БИШКЕК, 11-фев. — Sputnik. Жарылуу болгон жерде урандылар гана калган.

Sputnik Кыргызстан агенттигинин кабарчылары окуя болгон жерди дрон менен видеого тартып алды.

Бүгүн күндүз Аламүдүн айылындагы турак үйдө жарылуу болду. ӨКМдин алдын ала маалыматы боюнча, газ түтүгү жарылган.

Кырсыктын кесепетинен 13 жаштагы бала каза болду. Дагы бир адам жаракат алып ооруканага жаткырылды. Аламүдүн райондук Тез жардам кызматы дагы бир кишини алып кеткени кабарланды.

Учурда эмне болуп жатканын Sputnik Кыргызстан агенттигинин тексттик трансляциясынан окуңуздар.

1533
Белгилер:
жарылуу, турак үй, Аламүдүн району
Тема боюнча
Бир баланын өмүрүн алган жарылуу эмнеден чыкты. Кырсык болгон жерден видео
Бишкектин четинде турак үйдөн жарылуу болду. Видео
Судьянын балкасы жана китеби. Архив

Жогорку сотко караштуу Сот департаментинин статс-катчысы кармалды

180
(жаңыланган 14:40 03.03.2021)
Статс-катчы кылмыштуу системага тийиштиги бар деген шек менен кармалды. УКМК буга чейин бул иш боюнча "Адилет сот" долбоорунун башчысы С.К.А. кармалганын эскертти.

БИШКЕК, 3-мар. — Sputnik. Улуттук коопсуздук комитети Жогорку соттун Сот департаментинин статс-катчысы К.С.А. кармалганын билдирди. Атайын кызматтын маалыматы боюнча, ал коррупциялык схемаларды түзгөн деп шектелүүдө.

Мекеменин сайтында Калмаков Сталбек Аманатович статс-катчы экени көрсөтүлгөн.

УКМКнын маалымат кызматы билдиргендей, тергөөгө ылайык, 2018-жылы департаменттин кызмат адамдары сот аткаруучу кызматтын бөлүмдөрү үчүн "Сот тутумунун карызкорлорунун реестри" автоматташтырылган маалыматтык системаны, ошондой эле башка программаларды иштеп чыгуу жана аны ишке ашыруу боюнча формалдуу түрдө тендер өткөрүлгөн. Анда IT-компаниялар менен 4 миллион 84 миң 500 сомго жасалма келишим түзүлгөн.

Бирок, маалым болгондой, айтылган программалар Сот департаментинин алдындагы "Адилет сот" маалыматтык технологиялар башкармалыгынын адистери тарабынан буга чейин эле иштелип чыгып, жүзөгө ашырылган.

"Ага карабай Соттук департаменттин кызмат адамдары IT-компаниялар менен өз ара келишимге барышып, мурда эле иштелип чыгып жүзөгө ашырылып жаткан программаны иштеп чыгуу үчүн жалган келишим кабыл алышкан. Ал эми бөлүнгөн каражатты кымырышкан", — деп айтылат УКМКнын билдирүүсүндө.

Статс-катчы бул кылмыштуу системага тийиштиги бар деген шек менен кармалды. УКМК буга чейин аталган иш боюнча "Адилет сот" долбоорунун башчысы С.К.А. кармалганын билдирди.

УКМК, ошондой эле, IT-компаниялардын бири жергиликтүү сот тутумун иштеп чыгуу жана жайылтуу боюнча башка кылмыш ишинде каралып жаткандыгын, анын соттолуучусу Жогорку Соттун төрайымы Гүлбара Калиева экендигин билдирди.

180
Белгилер:
шектүү, статс-катчы, департамент, Жогорку сот, Кыргызстан
Тема боюнча
Жээнбековдун кудасы Абжалиевдин байлыгынын тизмеси жана сүрөттөрү
Мухаммедкалый Абылгазиев ачкачылык жарыяладыбы? Адвокаттын жообу
В Кара-Сууйском районе Ошской области сгорела школа

Кара-Суу районунда бир мектеп толугу менен күйүп кетти. Сүрөт

114
(жаңыланган 11:24 03.03.2021)
Окуя кечээ кечинде болгон. Ал жерге үч өрт өчүрүү бөлүмү тартылып, саат 20:15те тилсиз жоо толугу менен өчүрүлгөн.

БИШКЕК, 3-мар. — Sputnik. Оштун Кара-Суу районундагы Жоош айыл аймагынын Маданият айылында мектеп толугу менен күйүп кетти. Бул тууралуу ӨКМдин маалымат кызматы кабарлады.

Өрт кечээ, 2-март күнү, саат 18:28дер чамасында чыккан.

В Кара-Сууйском районе Ошской области сгорела школа
© Фото / пресс-служба МЧС
Оштун Кара-Суу районундагы Жоош айыл аймагынын Маданият айылында мектеп толугу менен күйүп кетти

Анда Султанов көчөсүндөгү №42 орто мектебинин жыгач устундуу шифер жабылган 262 чарчы метр чатыры жана 212 чарчы метр ички жасалгасы күйгөн.

Окуя болгон жерге үч өрт өчүрүү бөлүмү тартылып, саат 20:15те тилсиз жоо толугу менен өчүрүлгөн.

Учурда кырсыктын себеби такталууда.

114
Белгилер:
мектеп, өрт, Ош
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя
Тазалык исканасынын кызматкерлери. Архив

Марттан тарта шаардагы көчө шыпырган "тазалыкчылардын" айлыгы көтөрүлмөй болду

0
(жаңыланган 17:14 03.03.2021)
8-март — Аялдардын эл аралык күнүнө карата "Тазалык" ишканасында иштеген аялдарга сый акы бериле турганы маалым болду.

БИШКЕК, 3-мар. — Sputnik. Март айынан тарта Бишкектеги көчө шыпыргандардын айлыгы 40 пайызга чейин жогорулайт. Бул тууралуу "Тазалык" ишканасынын маалымат катчысы Жибек Каракеева Facebook баракчасына жазды.

Анын айтымында, ай сайын өзгөчөлөнүп, ишин сапаттуу жана убагында аткарган жумушчуларга окладдын 30 пайызына барабар болгон сый акы да берилип турат.

Айлык маянаны жогорулатуу жана кызматкерлерге сый акы берүү демилгеси мэрдин милдетин аткаруучу Бактыбек Кудайбергенов, вице-мэр Жамалбек Ырсалиев жана "Тазалык" ишканасынын жетекчиси Рыспек Сарпашовдун колдоосу менен ишке аша турганы кошумчаланды.

Майрамды утурлай "Тазалык" ишканасында иштеген аялдарга сый акы берилери маалым болду.

0
Белгилер:
айлык-акы, "Тазалык" ишканасы
Тема боюнча
Былтыркы жылдын тогуз айында кыргызстандыктардын кирешеси 5%га азайды