Каршы тилкеге чыгып кеткен. Сузакта эки унаа кагышып, эки киши каза болду
(жаңыланган 12:16 16.02.2021)
Окуя кечээ, 15-февраль күнү, түш ченде Казарман — Жалал-Абад унаа жолунун Жалгыз-Жаңгак айылында катталган.БИШКЕК, 16-фев. — Sputnik. Сузак районунун Жалгыз-Жаңгак айылында катталган жол кырсыгынан эки киши каза болду. Маалыматты Жалал-Абад облустук Жол кыймылы коопсуздугун камсыздоо бөлүмү тастыктады.
©
Фото / Зульфия Тургунова
Сузак районунун Жалгыз-Жаңгак айылында катталган жол кырсыгынан эки киши каза болду
Окуя кечээ, 15-февраль күнү, саат 14:00дөр чамасында Казарман — Жалал-Абад жолунун 24-чакырымында болгон.
"Daewoo Matiz үлгүсүндөгү унааны башкарып бараткан айдоочу аял каршы тилкеге чыгып, бет маңдайында келе жаткан Honda Fit менен кагылышкан. Кырсыктын кесепетинен Honda Fit унаасынын 60 жаштагы айдоочусу жана 74 жаштагы жүргүнчүсү окуя болгон жерде көз жумган. Ал эми Daewoo унаасынын 31 жаштагы айдоочусу оор абалда Жалал-Абад облустук клиникалык ооруканасына жеткирилген", — деп айтылат маалыматта.
Каза тапкандар Жалал-Абад шаарынын жана Сузак районунун Кара-Алма айылынын тургундары болгон.
Ал эми 31 жаштагы айдоочу учурда оорукананын жандандыруу бөлүмүндө жатат жана төрт баланын энеси экени айтылууда.
УКМК контрабанда жолу менен тамеки жүктөп бара жаткан эки автоунааны кармады. Сүрөт
(жаңыланган 21:48 07.03.2021)
Аталган факт боюнча учурда тергөө иштери жүргүзүлүп, мыйзамсыз ишке тиешеси барларды тактап жатат. БИШКЕК, 7-мар. — Sputnik. Талас облусунда чылымды аткезчилик менен жүктөп бара жаткан эки жүк ташуучу автоунааны кармашты. Бул тууралуу Улуттук коопсуздук мамлекеттик комитетинин маалымат кызматынан кабарлашты.
Талас облусунда чылымды аткезчилик менен жүктөп келе жаткан эки жүк ташуучу автоунааны кармашты© Фото / пресс-служба ГКНБ КР
Бул тууралуу Улуттук коопсуздук мамлекеттик комитетинин маалымат кызматынан кабарлашты© Фото / пресс-служба ГКНБ КР
Билдирүүгө ылайык, ал оор жүк ташуучу автоунаалар ири көлөмдөгү чылымды Кыргызстандын аймагынан чыгарып бара жатышкан© Фото / пресс-служба ГКНБ КР
"Кармалгандар ар кайсы өндүрүшчүлөр чыгарган 760 миңден ашык таңгак чылымды мыйзамсыз, тиешелүү уруксат кагаздарысыз ташып алып кирип келе жаткан ", — деп жазылат маалыматта© Фото / пресс-служба ГКНБ КР
УКМКнын алдын ала эсептөөлөрү боюнча аткезчилик жолу менен ташылып бара жаткан товардын баасы 40 миллион сомдон ашык болгон© Фото / пресс-служба ГКНБ КР
Аталган факты боюнча учурда тергөө иштери жүргүзүлүп, ишке тиешелүү тараптар такталууда© Фото / пресс-служба ГКНБ КР
Буга чейин Экономикалык кылмыштарга каршы күрөшүү мамлекеттик кызматы Ирандан КРге мыйзамсыз алып келинген жарым миллиондой таңгак чылымды кармаган© Фото / пресс-служба ГКНБ КР
Контрабанда тамеки жүктөлгөн автоунаа кармалды© Фото / пресс-служба ГКНБ КР
©
Фото / пресс-служба ГКНБ КР
Билдирүүгө ылайык, оор жүк ташуучу автоунаалар ири көлөмдөгү чылымды Кыргызстандын аймагынан чыгарып бара жатышкан.
"Кармалгандар ар кайсы өндүрүшчүлөр чыгарган 760 миңден ашык таңгак чылымды мыйзамсыз, тиешелүү уруксат кагаздарысыз ташып алып чыгып бара жаткан", — деп жазылат маалыматта.УКМКнын алдын ала эсептөөлөрү боюнча, аткезчилик жол менен ташылып бара жаткан товардын баасы 40 миллион сомдон ашык болгон.
Аталган факт боюнча учурда тергөө амалдары жүргүзүлүп, мыйзамсыз ишке тиешелүү тараптар такталууда.
Буга чейин Экономикалык кылмыштарга каршы күрөшүү мамлекеттик кызматы Ирандан КРге мыйзамсыз алып келинген жарым миллиондой таңгак чылымды кармаган.
Бишкектеги кездеме саткан дүкөндөн чыккан өрт өчүрүлдү. Кейиштүү сүрөттөр
(жаңыланган 14:57 07.03.2021)
Кечээ кечинде сегиз жарымдарда болгон өрт түнкү 00:01де чектөөгө алынып, толугу менен араң бүгүн саат 13:23тө өчүрүлдү.БИШКЕК, 7-мар. — Sputnik. Борбор калаанын четинде кездеме саткан дүкөндөн чыккан өрт өчүрүлгөнүн ӨКМ кабарлады.
Белгилей кетсек, министрлик кечээ өрт "Дордой" базарындагы павильондон чыкканын билдирген. Бүгүн такталган маалымат боюнча, тилсиз жоо Дордой районундагы Кожевенная көчөсүндөгү "Алтын-Тоо" базарынын аймагында катталды.
Борбор калаанын четинде кездеме саткан дүкөндөн чыккан өрт өчүрүлгөнүн ӨКМ кабарлады© Фото / пресс-служба МЧС КР
Белгилей кетсек, министрлик кечээ өрт "Дордой" базарындагы павильондон чыкканын билдирген© Фото / пресс-служба МЧС КР
©
Фото / пресс-служба МЧС КР
Кечээ кечинде сегиз жарымдарда болгон өрт түнкү 00:01де чектөөгө алынып, толугу менен араң бүгүн саат 13:23тө өчүрүлдү.
Дүкөндүн жалпы аянты 450 чарчы метрди түзүп, имараттын 200 чарчы метр аянты жана кездемелер күйүп кеткен. Өрттүн эмнеден келип чыкканы такталууда.
Кырсык болгон жерге ӨКМден төрт өрт өчүрүүчү бригада, Бишкек шаардык куткаруу кызматтары тарабынан беш куткаруучу, штаб жана Кризистик кырдаалдарда башкаруу борборунун ыкчам тобу, ИИМден төрт экипаж жана Тез жардам кызматынан бир бригада тартылган.
Кыргызстандык жеңил атлетчилер Беларуста бир нече медаль алышты
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.
©
Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды
Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.
Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты.