Ысык-Көл облусунун 26 жаштагы тургуну К.у.А. өзүн УКМК кызматкеримин деп тааныштырып, элден акча алып жүргөнү аныкталды

УКМК кызматкеримин деп элден акча өндүрүп жүргөн киши аныкталды

183
(жаңыланган 16:12 17.02.2021)
К.у.А. аттуу киши жабырлануучуларды ири компанияларга жумушка орноштурам деп көп суммадагы акча алган.

БИШКЕК, 17-фев. — Sputnik. Ысык-Көл облусунун 26 жаштагы тургуну К.у.А. өзүн УКМК кызматкеримин деп тааныштырып, элден акча алып жүргөнү аныкталды. Бул тууралуу атайын кызмат кабарлады.

В Кыргызстане задержали подозреваемого в подделке документов
© Фото / пресс-служба ГКНБ
Ысык-Көл облусунун 26 жаштагы тургуну К.у.А. өзүн УКМК кызматкеримин деп тааныштырып, элден акча алып жүргөнү аныкталды

Ага ылайык, К.у.А. уюшкан кылмыштуу топтун мүчөлөрүнүн бири менен түз байланышта болуп, жабырлануучуларды ири компанияларга жумушка орноштурам деп алдап, көп суммадагы акча алып жүргөн.

  • В Кыргызстане задержали подозреваемого в подделке документов
    К.у.А. уюшкан кылмыштуу топтун мүчөлөрүнүн бири менен түз байланышта болуп, жабырлануучуларды ири компанияларга жумушка орноштурам деп алдап, көп суммадагы акча алып жүргөн
    © Фото / пресс-служба ГКНБ
  • В Кыргызстане задержали подозреваемого в подделке документов
    Чогулган материалдардын негизинде соттук-медициналык экспертиза дайындалып, анын жыйынтыгына юридикалык баа берилери айтылат
    © Фото / пресс-служба ГКНБ
  • В Кыргызстане задержали подозреваемого в подделке документов
    Учурда К.у.А. жабырлануучуларга келтирилген зыяндын көпчүлүгүн төлөп берген. Тергөө иш-чаралары улантылууда.
    © Фото / пресс-служба ГКНБ
1 / 3
© Фото / пресс-служба ГКНБ
К.у.А. уюшкан кылмыштуу топтун мүчөлөрүнүн бири менен түз байланышта болуп, жабырлануучуларды ири компанияларга жумушка орноштурам деп алдап, көп суммадагы акча алып жүргөн

Анын унаасын тинтүү учурунда Жогорку Кеңештин аппаратынын кызматкеринин күбөлүктөрү, ЖКнын мөөрү жана имаратына кирүүчү документ, Россиянын жана дипломатиялык каттоонун эки жасалма унаа номери, Россиянын унаа каттоосунун күбөлүгү, ага катталган жана колу коюлган Жол кыймылы коопсуздугун камсыздоо бөлүмүнүн башчысынын визиттик карточкасы, ошондой эле уюлдук телефонунан УКМК кызматкеринин формасын кийген сүрөттөрү табылып, алынган.

Чогулган материалдардын негизинде соттук-медициналык экспертиза дайындалып, анын жыйынтыгына юридикалык баа берилери айтылат.

Учурда К.у.А. жабырлануучуларга келтирилген зыяндын көпчүлүгүн төлөп берген. Тергөө иш-чаралары улантылууда.

УКМК бул жарандын мыйзамсыз аракеттеринен жабыркагандарды 03922 51180 (облустук башкармалык) номерине же 0312 660475 (нөөмөт кызматы) номерлери аркылуу кабарлап коюуну өтүнөт.

183
Белгилер:
алдамчылык, кызматкер, УКМК, Ысык-Көл облусу
Тема боюнча
600 миң долларга алдап кеткен. Сот бошотуп жиберген шектүү кайра камалды
Бизнес кылабыз деп аялдарды алдап жүргөн кылмыштуу топтун мүчөсү кармалды. Видео
Вывеска на офисе компании Билайн. Архивное фото

Финпол салыктан качкан Beeline компаниясынан 112 млн. сом өндүрдү

90
(жаңыланган 13:38 01.03.2021)
"Скай Мобайл" ЖЧКсына текшерүү жүргүзгөндө кирешесин жашырып, ири суммада салык төлөбөй койгону аныкталган.

БИШКЕК, 1-мар. — Sputnik. Beeline соода маркасы менен таанылган "Скай Мобайл" компаниясы мамлекетке келтирген зыяндын 112,1 миллион сомун бюджетке кайтарды. Бул туурасында Экономикалык кылмыштарга каршы күрөшүү кызматы билдирди.

Маалыматта аталган компания салык төлөөдөн качканы аныкталып, 2019-жылдын ноябрында Жазык кодексинин 232-беренесинин 2-бөлүгү менен сотко чейинки өндүрүш ачылган. Мунун алкагында Финпол "Скай Мобайл" ЖЧКсына текшерүү жүргүзүп, натыйжада компания кирешесин жашырып өзгөчө ири суммадагы салык төлөбөй койгонун ачыкка чыгарган.

"Үстүбүздөгү жылдын 11-февралында тергөөнүн жүрүшүндө аталган компания мамлекеттик бюджетке келтирген 112 миллион 103 миң 243 сомдук зыяндын ордун толтурду", — деп айтылат маалыматта.

Азыркы тапта Финпол тарабынан экономикалык коопсуздукту камсыздоо жана зыяндын ордун толтуруу иштери улантылып жатканы белгиленет.

90
Белгилер:
кылмыш, Beeline, салык, финансы полициясы
Тема боюнча
Beeline компаниясынын мурдагы жетекчиси кармалды
Мончо, спорт залдарды жылытып... УКМК Ош ТЭЦинен коррупциялык схема аныктады
Жыштык саткан... Байланыш агенттигинин мурдагы жетекчиси кармалды
ӨКМ кызматкери. Архивдик сүрөт

5 студенттин өлүмү. Ташкентте кафени атайылап өрттөдү делген киши кармалды

89
(жаңыланган 10:56 01.03.2021)
Тергөөнүн алгачкы маалыматы боюнча, шектүү кафенин ичине жана дубалына белгисиз суюктук чачып өрт койгон.

БИШКЕК, 1-мар. — Sputnik. Ташкент шаарындагы "Шовотландия" кафесине өрт коюуга шектелген адам кармалды. Бул туурасында Sputnik Өзбекстан агенттиги жазды.

Чилензарск районундагы кафеден чыккан өрт тууралуу маалымат өрт өчүрүү кызматына 27-февралда түнкү саат 3:51лер чамасында түшкөн. Жалын саат 4:37де чектөөгө алынган. Кийинчерээк шаардык милиция башкармалыгы кырсык болгон жерден беш студент ууланып каза болгонун кабарлаган.

Милиция Самарканд облусуна караштуу Тайлак районунун тургуну, мурда соттолгон жаран атайылап өрт коюушу мүмкүн деп эсептеп жатат.

"Тергөөнүн алгачкы маалыматы боюнча, ал 27-февралда саат 3:30да Daewoo Matiz үлгүсүндөгү унаа менен кафеге келип, дубалына белгисиз суюктук чачкан. Андан соң ичине дагы бир идиштеги суюктукту ыргытып күйгүзүп жиберген. Шектүү өрт тутанганча карап туруп, анан качып кеткен", — деп айтылат билдирүүдө.

Бул боюнча "Атайылап жок кылуу жана мүлктү зыянга учуратуу" беренеси менен кылмыш иши козголгон. Тергөөнү Ташкент прокуратурасы жүргүзүп жатат.

89
Белгилер:
өлүм, студент, кафе, кармоо, өрт, Ташкент
Тема боюнча
Былтыр "Орто-Сай" базарында ири өрт чыгарган деген киши кармалды
Өрт чыккан үйдөн чиедей беш бир тууган көз жумду. Казакстандагы жүрөк тилген окуя
Кыргыз акыны, прозаик, котормочу Жолон Мамытов жубайы менен. Архив

Жолон Мамытов өмүр баяны

0
(жаңыланган 15:39 01.03.2021)
Жолон Мамытов 1940-жылы 1-апрелде Ош облусунун Кара-Суу районунун Төлөйкан айылында төрөлгөн.

Билими:

  • 1957-1962 — Бишкектеги Скрябин атындагы айыл чарба институтунун ветеринария бөлүмүндө окуган;
  • 1969-1971 — Москвадагы Максим Горький атындагы институттун алдындагы жогорку курстан билим алган.

Эмгек жолу:

  • 1962-1968 — Кара-Суу районунун "Катта-Талдык" совхозунда башкы ветврач;
  • 1968-1969-жылдары — Ош облустук радиокомитетинде улуу редактор;
  • Кийин Ош облустук радиоуктуруу жана телекөрсөтүү комитетинде редактор, Кыргызстан кинематографисттер союзунун жооптуу катчысы, республикалык мамкинонун башкы редактору, "Кыргызстан маданияты" редакциясынын поэзия бөлүмүнүн башчысы, Кыргызстан жазуучулар союзунда төрага орун басары болуп эмгектенген.

Чыгармалары:

  • Жолон Мамытовдун алгачкы ыры 1954-жылы облустук "Ленин жолу" газетасына жарыяланган. Жолон Мамытов сүйүү темасына көп токтолгон акындардын сап башында.
  • Анын "Отту сүйөм", "Жашыл аалам", "Убакыт", "Ырлар", "Мезгилдин элеси", "Буурул таңдын жомогу", "Суунун өмүрү", "Жарышкан суулар", "Атка токум салгыла", "Жүз жашка тол кылым", "Башат жана Мухит" аттуу поэтикалык жыйнактары басмадан чыгып, адабият күйөрмандарынын алкоосуна татыган. Айрым чыгармалары орус жана башка чет тилдерге которулган. Өзү да Федор Тютчевдин, Афанасий Феттин, Владимир Маяковскийдин, Миколас Слуцкистин айрым чыгармаларын кыргыз тилине которгон.

Үй-бүлөсү:

  • Атасы Мамыт 1943-жылы Улуу Ата Мекендик согушка кетип кайтып келген эмес. Ага чейин айылда бригадир болчу. Апасы Алмакан ошол чөлкөмдө белгилүү чебер, уз, кошокчу жана ашкан сулуу аял болгон экен.
  • Акындын жубайы Меңди Мамазаирова да чыгармачыл адам, жазуучу, журналист. Акындын сүйүү ырларынын жаралышына да ушул адам себепкер.
  • 48 жашында Жолон Мамытов лейкоз (ак кан) илдетине кабылып, дарт менен жарым жылдай алышып, Москвага дарыланууга барып ошол жактан көз жумган.
0
Белгилер:
өмүр баян, таржымал, акын, Жолон Мамытов
Тема боюнча
Тоголок Молдо — өмүр баяны