Кармалган аял кишенчен. Иллюстративдик сүрөт

Бишкекте ЖМКлардын биринин жетекчиси кармалды. Сүрөт

416
(жаңыланган 13:41 23.02.2021)
Маалымат агенттигинин жетекчиси УКМКнын тергөө абагына киргизилген. Учурда тергөө амалдары уланып жатат.

БИШКЕК, 23-фев. — Sputnik. Кыргызстандагы маалымат агенттиктеринин биринин жетекчиси 84 миң сом опузалоого шектелип кармалды. Бул тууралуу УКМКнын маалымат кызматы кабарлады.

Ага ылайык, жергиликтүү маалымат агенттиктеринин биринин М.У.К. аттуу жетекчиси 22-февраль күнү колго түшкөн. Ишенимдүү маалымат булагы кармалган аял “Кабарлар” маалымат агенттигинин жетекчиси Үмүт Мукамбетова экенин билдирди. 

  • Кыргызстандагы маалымат агенттиктеринин биринин жетекчиси 84 миң сом опузалоого шектелип кармалды
    Кыргызстандагы маалымат агенттиктеринин биринин жетекчиси 84 миң сом опузалоого шектелип кармалды
    © Фото / пресс-служба ГКНБ КР
  • Бул тууралуу УКМКнын маалымат кызматы кабарлады
    Бул тууралуу УКМКнын маалымат кызматы кабарлады
    © Фото / пресс-служба ГКНБ КР
  • Ага ылайык, жергиликтүү маалымат агенттиктеринин биринин М.У.К. аттуу жетекчиси 22-февраль күнү колго түшкөн
    Ага ылайык, жергиликтүү маалымат агенттиктеринин биринин М.У.К. аттуу жетекчиси 22-февраль күнү колго түшкөн
    © Фото / пресс-служба ГКНБ КР
  • Маалымат агенттигинин жетекчиси УКМКнын тергөө абагына киргизилген
    Маалымат агенттигинин жетекчиси УКМКнын тергөө абагына киргизилген
    © Фото / пресс-служба ГКНБ КР
  • Учурда тергөө амалдары уланып жатат
    Учурда тергөө амалдары уланып жатат
    © Фото / пресс-служба ГКНБ КР
1 / 5
© Фото / пресс-служба ГКНБ КР
Кыргызстандагы маалымат агенттиктеринин биринин жетекчиси 84 миң сом опузалоого шектелип кармалды
"Кармалган аял арыз ээсинен мас абалында кайгуул милициясына түшүп калган видеоматериалды өчүрүү үчүн акча талап кылган", — деп айтылат маалыматта. 

Факты Кылмыш-жаза кодексинин 203-беренеси ("Опузалап талап кылуу") боюнча бирдиктүү реестрге катталды.

Шектүү УКМКнын тергөө абагына киргизилип, териштирүү амалдары уланып жатат.

 

416
Белгилер:
маалымат агенттиги, видео, жетекчи, кармоо, пара, УКМК
Тема боюнча
Жапаров Максат ажынын ордун бирөөгө убадалаганбы. Президенттик аппарат жооп берди
Вывеска на офисе компании Билайн. Архивное фото

Финпол салыктан качкан Beeline компаниясынан 112 млн. сом өндүрдү

128
(жаңыланган 13:38 01.03.2021)
"Скай Мобайл" ЖЧКсына текшерүү жүргүзгөндө кирешесин жашырып, ири суммада салык төлөбөй койгону аныкталган.

БИШКЕК, 1-мар. — Sputnik. Beeline соода маркасы менен таанылган "Скай Мобайл" компаниясы мамлекетке келтирген зыяндын 112,1 миллион сомун бюджетке кайтарды. Бул туурасында Экономикалык кылмыштарга каршы күрөшүү кызматы билдирди.

Маалыматта аталган компания салык төлөөдөн качканы аныкталып, 2019-жылдын ноябрында Жазык кодексинин 232-беренесинин 2-бөлүгү менен сотко чейинки өндүрүш ачылган. Мунун алкагында Финпол "Скай Мобайл" ЖЧКсына текшерүү жүргүзүп, натыйжада компания кирешесин жашырып өзгөчө ири суммадагы салык төлөбөй койгонун ачыкка чыгарган.

"Үстүбүздөгү жылдын 11-февралында тергөөнүн жүрүшүндө аталган компания мамлекеттик бюджетке келтирген 112 миллион 103 миң 243 сомдук зыяндын ордун толтурду", — деп айтылат маалыматта.

Азыркы тапта Финпол тарабынан экономикалык коопсуздукту камсыздоо жана зыяндын ордун толтуруу иштери улантылып жатканы белгиленет.

128
Белгилер:
кылмыш, Beeline, салык, финансы полициясы
Тема боюнча
Beeline компаниясынын мурдагы жетекчиси кармалды
Мончо, спорт залдарды жылытып... УКМК Ош ТЭЦинен коррупциялык схема аныктады
Жыштык саткан... Байланыш агенттигинин мурдагы жетекчиси кармалды
ӨКМ кызматкери. Архивдик сүрөт

5 студенттин өлүмү. Ташкентте кафени атайылап өрттөдү делген киши кармалды

118
(жаңыланган 10:56 01.03.2021)
Тергөөнүн алгачкы маалыматы боюнча, шектүү кафенин ичине жана дубалына белгисиз суюктук чачып өрт койгон.

БИШКЕК, 1-мар. — Sputnik. Ташкент шаарындагы "Шовотландия" кафесине өрт коюуга шектелген адам кармалды. Бул туурасында Sputnik Өзбекстан агенттиги жазды.

Чилензарск районундагы кафеден чыккан өрт тууралуу маалымат өрт өчүрүү кызматына 27-февралда түнкү саат 3:51лер чамасында түшкөн. Жалын саат 4:37де чектөөгө алынган. Кийинчерээк шаардык милиция башкармалыгы кырсык болгон жерден беш студент ууланып каза болгонун кабарлаган.

Милиция Самарканд облусуна караштуу Тайлак районунун тургуну, мурда соттолгон жаран атайылап өрт коюушу мүмкүн деп эсептеп жатат.

"Тергөөнүн алгачкы маалыматы боюнча, ал 27-февралда саат 3:30да Daewoo Matiz үлгүсүндөгү унаа менен кафеге келип, дубалына белгисиз суюктук чачкан. Андан соң ичине дагы бир идиштеги суюктукту ыргытып күйгүзүп жиберген. Шектүү өрт тутанганча карап туруп, анан качып кеткен", — деп айтылат билдирүүдө.

Бул боюнча "Атайылап жок кылуу жана мүлктү зыянга учуратуу" беренеси менен кылмыш иши козголгон. Тергөөнү Ташкент прокуратурасы жүргүзүп жатат.

118
Белгилер:
өлүм, студент, кафе, кармоо, өрт, Ташкент
Тема боюнча
Былтыр "Орто-Сай" базарында ири өрт чыгарган деген киши кармалды
Өрт чыккан үйдөн чиедей беш бир тууган көз жумду. Казакстандагы жүрөк тилген окуя
Кыргызстандагы Тянь-Шань тоолору. Архив

Шейшембиге карата аба ырайы

0
2-мартка караган түнү республиканын тоолуу райондорунда кар көчкү түшүүсү ыктымал. Жолдорго муз тоңуп, тайгак болот. Унаалардын ортосундагы 500 метрлик аралык чектелиши зарыл.

БИШКЕК, 1-мар. — Sputnik. Шейшембиде күндүз өлкө боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй облусунда +10…+15, Талас, Ош, Жалал-Абад, Баткен аймактарында +11…+16, Ысык-Көл жергесинде +4…+9, Нарын өрөөнүндө -1…+4 градус болору айтылды.

Бишкек жана Ош шаарларында жаан-чачын болбойт. Күндүн табы борбордо +13…+15, Ош шаарында +14…+16 градус болот.

0
Белгилер:
Кыргызстан, март, аба ырайы
Тема боюнча
Кайрадан суук түшөбү? Мартка карата аба ырайы