Терезенин артында турган аял. Архив

Тааныш аялды жылаңачтап сүрөткө тартып, акча талап кылган. Ошто шектүү кармалды

344
(жаңыланган 13:41 04.03.2021)
Шектүү Жазык кодексинин 203-беренеси ("Опузалап талап кылуу") менен айыпталып, сотко чейинки өндүрүшкө алынган.

БИШКЕК, 4-мар. — Sputnik. Оштун милициясы тааныш аялга "жылаӊач сүрөтүӊдү туугандарыӊа жөнөтөм" деп акча талап кылган 28 жаштагы шаар тургунун кармады. Бул тууралуу Ош шаардык ички иштер башкармалыгынын маалымат катчысы Замир Сыдыков билдирди.

Кечээ, 3-мартта, Шаардык ички иштер башкармалыгынын Ак-Буура милиция бөлүмүнүн кызматкерлери 28 жаштагы Ош шаарынын тургунун колго түшүрүп, убактылуу кармоочу жайга киргизген.

Шектүү Жазык кодексинин 203-беренеси ("Опузалап талап кылуу") менен айыпталып, сотко чейинки өндүрүшкө алынган.

Алгачкы тергөө иштеринин жүрүшүндө маалым болгондой, кармалган жаран 2020-жылдын октябрь айында өзүнүн таанышы, 26 жаштагы аял менен өз ара араздашып кеткен. Андан соӊ "акыркы жолу бир жолугуп алалы" деп алдап чакырып, өзүнүн жеке машинасына отургузуп, бычак кезеп коркутуп шаардын мейманканаларынын бирине алып келген. Аялды бычак менен коркутуп чечиндирип өзүнүн мобилдик телефонуна тартып алган.

Андан соӊ "жакын арада 50 миӊ сом акча таап бербесеӊ сүрөттөрдү ата-энеӊе, жакындарыӊа жөнөтүп, интернетке чыгарам" деп акча талап кыла баштаган. Жабырланган келин Ош шаардык ички иштер башкармалыгынын Ак-Буура милиция бөлүмүнө арыз менен кайрылган. Тартип коргоо органдары шектүүнү кармап, убактылуу кармоочу жайга киргизген. Шаардык сот эртең, 5-мартта, анын  баш коргоо чарасын карайт.

344
Белгилер:
Ош шаары, кылмыш, акча, опузалап акча талап кылуу, шантаж, милиция, шектүү
Тема боюнча
Бүгүн таңда Кара-Сууда үй ээсин өлтүрүп, сейфин алып кетишти. Эки шектүүнүн сүрөтү
Поезд. Архив

Бишкекте жүк ташыган поездге урунуп 21 жаштагы жигит каза тапты

76
(жаңыланган 18:55 18.09.2021)
Жигит поезддин берген сигналына маани бербегени айтылды. Машинист поездди токтоткону менен жаран ага урунуп көз жумган.

БИШКЕК, 18-сен. — Sputnik. Бүгүн Бишкекте жүк ташуучу поездге урунуп жаш жигит каза болгонун "Кыргыз темир жолу" ишканасы билдирди.

Маалыматта кырсык саат 10.12лер чамасында Жаш гвардия бульвары менен Лев Толстой көчөлөрүнүн кесилишинде болгону айтылды.

"Алдын ала маалымат боюнча, темир жол менен бараткан Р. уулу Э. сигналга маани бербей койгон. Машинист поездди ыкчам токтоткон, бирок жаран поездге урунуп каза болгон", — деп жазылат билдирүүдө.

Маркумдун 21 жашта экени белгилүү болду.

76
Белгилер:
поезд, темир жол, машинист, Бишкек
Тема боюнча
Бишкек: жарыш учурунда Nissan GT-R унаасы тосмого кадалып, талкаланды. Видео
Кишенделген жаран. Архив

УКМК: чек ара кызматкери досунун өлүмүнө шектелип кармалды

100
(жаңыланган 17:30 18.09.2021)
Аскер кызматкери укук коргоо органдарынын кызматкерлери тарабынан бүгүн колго түшүрүлдү. Учурда окуя боюнча тергөө иштери жүрүп жатат.

БИШКЕК, 18-сен. — Sputnik. Чек ара кызматынын аскери адам өлтүрүүгө шектелип калмалды. Бул тууралуу УКМКнын маалымат кызматынан кабарлады.

Билдирүүгө караганда, 18-сентябрда Баткен облусунун Лейлек районуна караштуу Эски-Оочу айылынын четинен эркек кишинин сөөгү табылган. Анын өлүмүнө шектүү катары УКМКнын Чек ара кызматынын эмгек өргүүсүндө жүргөн С.П. аттуу аскер кызматкери кармалды.

"Алдын ала маалыматтарга караганда, 17-сентябрь күнү аталган аскер кызматкери эки досу менен үлпөт тойдон кайтып келе жатып уруша кетишкен. Алгач достор кайым айтышып, кийин мушташканга чейин жеткен. Жыйынтыгында достордун бири көз жумган", — деп айтылат билдирүүдө.

Бүгүн, 18-сентябрда, аскер кызматкери укук коргоо органдарынын кызматкерлери тарабынан кармалган. Учурда окуя боюнча тергөө иштери жүрүп жатат.

100
Белгилер:
УКМК, Мамлекеттик чек ара кызматы, Аскер, өлүм, шектүү
Тема боюнча
Өзбекстанда Кыргызстандан ири көлөмдө баңгизат ташыган адамдар кармалды
Кабул шаары. Архив

ЖМК: талибдер өзбек тилин расмий макамынан ажыратып салды

0
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

0
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот